Mirësevini, vizitor! [ Regjistrohu | Hyr

Si të përgatiteni për një intervistë pune?

Këshilla të dobishme 08/01/2018

Disa rregulla të thjeshta për të qenë kandidati kryesor për vendin e punës

Të gjithëve na ka rastisur të jemi prezentë në një intervistë për një vend pune. Emocionet padiskutim janë të mëdha, e ndoshta çdo rregull i mësuar më parë, në ato momente harrohet. Megjithatë e rëndësishme është siguria dhe besimi në aftësitë tona, të cilin vlen ta shprehim, jo vetëm përmes fjalëve që themi, por edhe mënyrës se si sillemi, qëndrimit që mbajmë dhe gjestikulacionit.

Kontakti sy më sy, mënyra se si ulemi dhe qëndrojmë në karrige, toni i zërit dhe vendosmëria që përcjellim përmes të folurit, fjalët që themi dhe plotësia me të cilat i themi, mënyra si i mbajmë duart dhe lëvizja që bëjmë, veshja jonë, janë disa prej alementëve të cilët meritojnë një vëmendje të madhe. Mos harroni, ndër të tjera shprehjen e famshme të regjisorit Woody Allen: “80 % e suksesit është pamja”.

Të gjithë duam, që performanca jonë të lërë një shije të mirë, pasi tek e fundit bëhet fjalë për një vend pune. Ndaj bëni mirë të mos neglizhoni asnjë etapë të përgatitjes suaj për këtë intervistë. Nuk është aq e thjeshtë  sa mund të imagjinohet, por në të njejtën kohë, nuk është edhe aq e vështirë. Specialistët në fushën e punësimit, japin këshillat e tyre.

Bëj “detyrat e shtëpisë”

Që të jeni i përgatitur tërësisht duhet jeni i kujdesshëm dhe të kryeni “detyrat e shtëpisë”, në mënyrën më të përpiktë. Kjo do të thotë, që të keni parë me kujdes të gjitha elementet kyç të intervistës dhe t’i keni ato në rregull. Kini parasysh një hap të parë. Konsultohuni për kompaninë në të cilën po dërgoni kërkesën për punësim. Informohuni mirë rreth saj. Kjo do t’ju ndihmojë të ndjeheni të sigurtë, që aftësitë tuaja po i investoni në një punë, e cila ju përshtatet. Nga ana tjetër, studimi paraprak i kompanisë, mund t’ju bëjë edhe që të kuptoni, se ju mund të jeni kandidati i duhur për vendin e punës që ofrojnë. Në këtë mënyrë, para se të shkoni pranë kësaj kompanie, e keni të qartë se cilat prej aftësive tuaja duhet të shfaqni më tepër.

Realizoni një intervistë jozyrtare

Para se të shkoni në intervistën e vërtetë, keni parasysh të realizoni një intervistë me dikë, që punon në sektorin për të cilin jeni i interesuar edhe ju, ose më mirë akoma edhe në kompaninë ku ju keni aplikuar. Në këtë mënyrë do të keni mundësi të merrni një informacion nga këndvështrimi ndryshe, pra jo i vetëm kompanisë apo të dhënave që drejtuesit e saj kanë publikuar, por më konkretisht nga njerëzit të cilët punojnë aty. Vendosni cilin doni të kontaktoni dhe pastaj mënyrën se si, me telefon, personalisht apo përmes një rrjeti social. Kini parasysh që intervistat me telefon të mos i zgjasni më shumë se 5 minuta dhe ato ballë përballë, jo me shumë se 20 minuta.

Praktikoni pyetje-përgjigje me veten tuaj

Edhe pse kërkesa juaj për një intervistë pune mund të jetë pranuar, mos kujtoni se pjesa më e vështirë ka kaluar. Përgatitjet tuaja duhet të vazhdojnë deri në ditën e fundit. Shumë punëdhënës bëjnë pak a shumë të njejtat pyetje, me qëllime të caktuara të fshehura pas tyre. kështu që përgatituni mirë paraprakisht, në mënyrë që të lini tek ata përshtypjen e dëshiruar dhe mbi të gjitha të ngjallni besim, se ju jeni ai që kërkojnë.

Përgatituni të bëni edhe ju pyetje

Të jesh prezent në një intervistë pune, nuk do të thotë që ai që merret në pyetje, të jeni vetëm ju. Në fund të fundit, një marrëdhënie pune, përfshin të dyja palët, si punëdhënësin tuaj e po ashtu edhe ju. Ndaj është e rëndësishmë që edhe ju të bëni pyetjet tuaja, por gjithnjë të rezervuar dhe pa i kaluar kufijtë.

Veshja

Kujdes me veshjen. Intervistat për punë kanë një kod të tyrin, sa i përket veshjes. Nuk mund të vishni rroba, me të cilat dilni për një kafe, apo shkoni në një festë. Veshja në këtë rast duhet të jetë e rregullt dhe të anojë nga stili zyrtar. Në këtë formë do të jepni përshtypjen e një njeriu korrekt dhe të kujdesshëm, i cili vlerëson mirë situatat.

Kontakti viziv

Kur jeni ulur përballë intervistuesit, kujdesuni që për asnjë moment të mos e largoni shikimin nga ai gjatë bashkëbisedimit, aq më pak të përgjigjeni me sytë e ulur poshtë. Kjo do t’ju jepte pamjen e një njeri të ndrotjur, apo më keq akoma, të një njeriu i cili nuk krijon besim dhe ka gjëra për të fshehur.

Mënyra si uleni

Qëndresa juaj në karrige përbën një moment të rëndësishëm. Rrini drejt dhe mbi të gjitha mos u lëkundni, përndryshe do të jepni pamjen e një njeriu të painteresuar dhe të parregullt.

Lëvizja e duarve

Mundohuni që duart të mos i lëvizni shumë, pasi tregon shpërqëndrimin tuaj dhe varësinë që keni ndaj gjestikulacionit të tepruar. Nëse flisni shumë “me duar” intervistuesit do t’i krijohet përshtypja e një njeriu të paqëndrueshëm.

E folura

Është pjesa më bindëse për të cilën duhet të kujdeseni. Të bindësh dikë për aftësitë tuaja, që në momentin e parë të takimit është një art më vete. Fjalët janë ato të cilat kanë pikët vendimtare. Flisni rrjedhshëm dhe pa belbëzime, me ton bindës dhe jo zë të ulur. Mos i hani gërmat dhe thoni fjalë të menduara mirë.

Buzëqeshni

Sigurisht intervista për një vend pune, është çast tensioni, por mos harroni që duhet të nxirrni pak në pah edhe nga personaliteti juaj. Mos ngurroni të buzëqeshni, gjithnjë me vend, pasi një pamje e zymtë, nuk nderon askënd.

Tregohuni i sjellshëm

Në fund të intervistës, kërkojini intervistuesit tuaj nëse mund ta kontaktoni pas disa ditësh për të pyetur se si po shkon përzgjedhja juaj. Tregohuni të kujdesshëm, që të merrni një kartëvizitë prej secilit prej tyre dhe t’i falenderoni për vëmendjen që ju kushtuan.

Fat të mbarë!

 

 

  • 19 ide për dekorimin e shtëpisë me qira

    by në 02/08/2016 - 0 Komente

    Të jetosh në një hapësirë ​​të vogël është e vështirë, sidomos kur mundësitë tuaja për dekorime janë të kufizuara nga rregullat që ka vendosur edhe qiradhënësi.  Ja 19 ide origjinale dhe të thjeshta për t’u realizuar, që ju frymëzojnë për dekorimin e shtëpisë (dhe hapësirën) në mënyrën që dëshironi, pa shkelur asnjë nga detyrimet që […]

  • 10 këshilla për të blerë një makinë të përdorur

    by në 06/01/2016 - 3 Komente

    1. Pse po blini një makinë të përdorur? Nëse keni vendosur të blini një makinë të përdorur, keni marë një vendim të mençur. Mund të gjeni një makinë pothuajse aq të mirë sa edhe një e re.

  • 10 këshilla për të shitur një makinë të përdorur

    by në 15/01/2017 - 1 Komente

    1. Të njohësh tregun Do të jetë e lehtë të shisni makinën tuaj? Apo do t’ju duhet të ulni çmimin dhe të prisni gjatë? Ja disa të dhëna interesante: –          Makinat familjare edhe pse nuk kanë shumë fansa, kanë një kërkesë në rritje –          Shitjet e makinave të modifikuara dhe sportive janë sezonale; më shumë […]

  • Shfaqi ofertat përsëri në faqen e parë!

    by në 11/02/2017 - 2 Komente

    Ofertat e publikuara mund t’i shfaqësh përsëri në faqen e parë, çdo 24 orë, pa pritur aprovim dhe falas. Ky është një veprim fare i thjeshtë: mjafton të klikoni vetëm një buton që gjendet në fund të njoftimit, ose një ikonë tek paneli “Menaxhoni njoftimet” dhe automatikisht oferta ngjitet në krye të faqes së parë. Shih shembujt […]

  • SHBA kërkon urgjentisht shoferë për kamionë

    by në 10/10/2015 - 0 Komente

    Deri në fund të ketij viti do të krijohet një mungesë prej 50.000 shoferë kamioni në Shtetet e Bashkuara, sipas raportit nga Shoqatave Amerikane e Kamionëve (ATA). Bizneseve amerikane ju duhen shoferët e kamionëve për të transportuar mallrat për dërgesat e përditshme dhe çdo gjë të domosdoshme, nga ushqimi në supermarkete deri tek dërgesat e […]

total