Mirësevini, vizitor! [ Regjistrohu | Hyr

SHBA dhe Britania e Madhe akuzohen për pirateri ndaj prodhuesve të kartave SIM

Lajme-Treg 20/02/2015

Agjencitë e inteligjencës britanike dhe amerikane kanë piratuar kompaninë e madhe hollandeze Gemalto të prodhimit të kartave SIM duke vjedhur kodet që lehtësojnë përgjimin në celularë, sipas The Intercept. Kjo u bë publike nga agjenti i zbulimit amerikan, tashmë i mirënjohuri, Edward Snowden.

Kompania hollandeze Gemalto, reagoi duke deklaruar se është duke i marrë akuzat “shumë seriozisht”. Gemalto operon në 85 vende dhe ka më shumë se 40 linja prodhuese. The Intercep tregon se “prodhuesi i madhe i kartave SIM” i dha agjencive të survejimit amerikan dhe britanik “mundësi për të monitoruar fshehurazi një pjesë të madhe të komunikimeve me celularë në mbarë botën, duke përfshirë bisedat dhe të dhënat”. Mes klientëve të kompanisë hollandeze janë AT&T, T-Mobile, Verizon, Sprint dhe rreth 450 ofrues të internetit wireless në mbarë botën.

 

Hetimi i plotë

The Intercept pretendon se pirateria e organizuar nga Agjencia Kombëtare Amerikane e Sigurisë (NSA) dhe GCHQ e Britanisë dhe filloi në 2010. Megjithatë GCHQ përsëriti se të gjitha aktivitetet e saj ishin “kryer në përputhje me një kuadër të rreptë ligjor dhe politik që siguron se aktivitetet janë të autorizuara, të nevojshme dhe proporcionale”.

 

Si funksionon kjo pirateri?

Çdo kartë SIM ka një çelës individual të enkriptuar, të instaluar nga prodhuesi i çipit, që siguron komunikimin ndërmjet celularit në të cilën ajo futet dhe antenave të telefonisë. Kjo do të thotë se në qoftë se dikush do të dijë bisedat apo mesazhet tekst, ata do të merrnin të dhëna të pakuptueshme, por me anë të çelësit të enkriptuar mund të dekriptohet komunikimi dhe të përgjohet. Megjithatë, kjo taktikë funksionon vetëm për biseda telefonike dhe mesazhe. Komunikimet nëpërmjet aplikacioneve të tilla si Whatsapp, iMessage dhe shumë shërbime Email kanë sisteme të ndara enkriptimi.

 

Reagimi

Duke reaguar ndaj zbulimeve, Eric King, zv/drejtor i Privacy International, tha se NSA dhe GCHQ kishin “humbur thelbin e asaj që shteti i së drejtës do të thotë dhe se si të peshojnë atë që është e nevojshme dhe proporcionale”. Ai tha se besimi në sigurinë e sistemeve tona të komunikimit është “thelbësor për shoqërinë tonë dhe për bizneset për të vepruar me besim dhe ndikimi i këtyre zbulimeve të fundit do të sjellë reagim në të gjithë botën.” Privacy International është e angazhuar aktualisht në veprime ligjore kundër GCHQ mbi praktikat e saj të dyshuara.

The Intercept tregon se agjentët spiunë kishin vëzhguar punonjësit e Gemalto dhe pastaj hynin në email-et e tyre, duke vjedhur mijëra çelësa të enkriptimit. Kjo i lejonte ata të përgjonin lehtë thirrjet telefonike dhe mesazhet pa kërkuar leje nga kompanitë apo Qeveritë e jashtme, dhe pa lënë gjurmë. Këto dokumente u bënë publike nga Edward Snowden, ish-kontraktori i NSA, i cili aktualisht jeton në Rusi.

 

Hallka më e dobët

Karsten Nohl, një studiues i sigurisë i tha BBC se “kjo e bën firmën holandeze hallkën më të dobët të zinxhirit të sigurisë”. Klientët e tjerë Gemalto, të tilla si agjencitë e pasaportave dhe shumë kompani të telekomit do të përpiqen të gjejnë se çfarë shkoi keq”. Nëse ky raport është i vërtetë, është e habitshme se sa lehtë ata që dëshirojnë, mund të përgjojnë komunikimet tona me celular.

Gemalto, kompania e cila dyshohet se është në shënjestër, prodhon afërsisht 30% të të gjitha kartave SIM në mbarë botën. Dhe ç’është më e rëndësishmja, ajo krijon kyçe të sigurisë për secilin artikull.

Shumë nga akuzat e Edward Snowden kanë hedhur dritë mbi taktikat komplekse të mbikqyrjes nga NSA, por ndoshta kjo e fundit ka bërë më shumë bujë, për faktin se si një kompani e vetme ka në kontroll miliona të dhëna private të njerëzve.

/ BBC

483 herë e lexuar, 1 herë sot

  

  • 19 ide për dekorimin e shtëpisë me qira

    by në 02/08/2016 - 0 Komente

    Të jetosh në një hapësirë ​​të vogël është e vështirë, sidomos kur mundësitë tuaja për dekorime janë të kufizuara nga rregullat që ka vendosur edhe qiradhënësi.  Ja 19 ide origjinale dhe të thjeshta për t’u realizuar, që ju frymëzojnë për dekorimin e shtëpisë (dhe hapësirën) në mënyrën që dëshironi, pa shkelur asnjë nga detyrimet që […]

  • 10 këshilla për të blerë një makinë të përdorur

    by në 06/01/2016 - 3 Komente

    1. Pse po blini një makinë të përdorur? Nëse keni vendosur të blini një makinë të përdorur, keni marë një vendim të mençur. Mund të gjeni një makinë pothuajse aq të mirë sa edhe një e re.

  • 10 këshilla për të shitur një makinë të përdorur

    by në 15/01/2017 - 1 Komente

    1. Të njohësh tregun Do të jetë e lehtë të shisni makinën tuaj? Apo do t’ju duhet të ulni çmimin dhe të prisni gjatë? Ja disa të dhëna interesante: –          Makinat familjare edhe pse nuk kanë shumë fansa, kanë një kërkesë në rritje –          Shitjet e makinave të modifikuara dhe sportive janë sezonale; më shumë […]

  • Shfaqi ofertat përsëri në faqen e parë!

    by në 11/02/2017 - 2 Komente

    Ofertat e publikuara mund t’i shfaqësh përsëri në faqen e parë, çdo 24 orë, pa pritur aprovim dhe falas. Ky është një veprim fare i thjeshtë: mjafton të klikoni vetëm një buton që gjendet në fund të njoftimit, ose një ikonë tek paneli “Menaxhoni njoftimet” dhe automatikisht oferta ngjitet në krye të faqes së parë. Shih shembujt […]

  • SHBA kërkon urgjentisht shoferë për kamionë

    by në 10/10/2015 - 0 Komente

    Deri në fund të ketij viti do të krijohet një mungesë prej 50.000 shoferë kamioni në Shtetet e Bashkuara, sipas raportit nga Shoqatave Amerikane e Kamionëve (ATA). Bizneseve amerikane ju duhen shoferët e kamionëve për të transportuar mallrat për dërgesat e përditshme dhe çdo gjë të domosdoshme, nga ushqimi në supermarkete deri tek dërgesat e […]

total