Mirësevini, vizitor! [ Regjistrohu | Hyr

Rruga e Arbërit, kinezët do të vazhdojnë ndërtimin

Lajme-Treg 31/01/2015

Kompania kineze China State Construction engrg.corp.ltd do të ndërtojë Rrugën e Arbërit. Kjo u bë e ditur nga burime nga Ministria e Transportit dhe Infrastrukturës.

Një ditë më parë, vet ministri i Transportit, Edmond Haxhinasto, tha se punimet për ndërtimin e rrugës së Arbërit, konsideruar si rruga e dytë e rëndësishme në vend pas Rrugës së Kombit, do të nisin brenda muajit prill.

“Besoj se brenda muajit prill do miratojmë ligjin përkatës për akordimin e kontratës së Rrugës së Arbërit kompanisë kineze, e cila paraqiti ofertën”, tha ministri. Ende nuk janë bërë publike detaje të ofertës së paraqitur nga kompania kineze China State Construction.

Qeveria shqiptare nënshkroi në mesin e muajit dhjetor të vitit që lamë pas memorandumin e bashkëpunimit me Chinese Exim Bank për hapjen e disa projekteve në Shqipëri me financime kineze.

Projekti i parë i këtij bashkëpunimi mes Shqipërise e Kinës planifikohej Rruga e Arbërit. Rruga e Arbërit është rrugë në ndërtim e sipër e cila do të lidhë Tiranën me Maqedoninë.

Në fund të muajit dhjetor përfundoi edhe shpimi i tunelit të Qafës Buallit, pjesë e Rrugës së Arbërit. Tuneli ka një gjatësi prej 464 m. Ky tunel është tuneli i parë, që po ndërtohet nga një kompani shqiptare.

Rruga e Arbërit përshkon luginat malore të Shpalit, Murrizës, kapërcen me tunel në veri të Qafë-Murrizës nga ana e Tiranës, duke dalë në anën e Matit në luginat malore të Xibrit e Gurit të Bardhë, në grykën e rrjedhjes së sipërme të lumit të Matit mbi Urën e Vashës dhe pasi kalon luginën e Planit të Bardhë dhe tunelin e Qafës së Buallit, del në luginën e mirënjohur të Vajkalit, Zallit të Bulqizës, Zerqanit deri sa del në fushën e Gjoricës të pellgut të Dibrës dhe për të vazhduar deri në Dibër të Madhe.

Kush është kompania kineze

CSCEC u themelua në vitin 1957 si një kompani shtetërore. Kompania ka një profil ndërkombëtar në ndërtimin e industrisë së rëndë dhe të infrastrukturës në Azi, Afrikë dhe Lindjen e Mesme.

Me inkurajimin e ndihmës kineze e qeverisë dhe financimin nga Eksport-Import Bank e Kinës, CSCEC ka ndërmarrë hapa gjithnjë e më të guximshëm si një ndërtuese dhe investitore e projekteve jashtë shtetit.

Kjo është kompania më e madhe e ndërtimit në vendet në zhvillim. CSCEC ka zgjeruar biznesin e saj në mbi 29 vende të vendit me krijimin e 29 degëve në të gjithë botën. Ajo gjeneron rreth 800.000 vende pune për shoqërinë çdo vit. /ATA/

Nuk ka tag

417 herë e lexuar, 1 herë sot

  

  • 19 ide për dekorimin e shtëpisë me qira

    by në 02/08/2016 - 0 Komente

    Të jetosh në një hapësirë ​​të vogël është e vështirë, sidomos kur mundësitë tuaja për dekorime janë të kufizuara nga rregullat që ka vendosur edhe qiradhënësi.  Ja 19 ide origjinale dhe të thjeshta për t’u realizuar, që ju frymëzojnë për dekorimin e shtëpisë (dhe hapësirën) në mënyrën që dëshironi, pa shkelur asnjë nga detyrimet që […]

  • 10 këshilla për të blerë një makinë të përdorur

    by në 06/01/2016 - 3 Komente

    1. Pse po blini një makinë të përdorur? Nëse keni vendosur të blini një makinë të përdorur, keni marë një vendim të mençur. Mund të gjeni një makinë pothuajse aq të mirë sa edhe një e re.

  • 10 këshilla për të shitur një makinë të përdorur

    by në 15/01/2017 - 1 Komente

    1. Të njohësh tregun Do të jetë e lehtë të shisni makinën tuaj? Apo do t’ju duhet të ulni çmimin dhe të prisni gjatë? Ja disa të dhëna interesante: –          Makinat familjare edhe pse nuk kanë shumë fansa, kanë një kërkesë në rritje –          Shitjet e makinave të modifikuara dhe sportive janë sezonale; më shumë […]

  • Shfaqi ofertat përsëri në faqen e parë!

    by në 11/02/2017 - 2 Komente

    Ofertat e publikuara mund t’i shfaqësh përsëri në faqen e parë, çdo 24 orë, pa pritur aprovim dhe falas. Ky është një veprim fare i thjeshtë: mjafton të klikoni vetëm një buton që gjendet në fund të njoftimit, ose një ikonë tek paneli “Menaxhoni njoftimet” dhe automatikisht oferta ngjitet në krye të faqes së parë. Shih shembujt […]

  • SHBA kërkon urgjentisht shoferë për kamionë

    by në 10/10/2015 - 0 Komente

    Deri në fund të ketij viti do të krijohet një mungesë prej 50.000 shoferë kamioni në Shtetet e Bashkuara, sipas raportit nga Shoqatave Amerikane e Kamionëve (ATA). Bizneseve amerikane ju duhen shoferët e kamionëve për të transportuar mallrat për dërgesat e përditshme dhe çdo gjë të domosdoshme, nga ushqimi në supermarkete deri tek dërgesat e […]

total