Mirësevini, vizitor! [ Regjistrohu | Hyr

Përshkallëzohet kriza e sektorit të ndërtimit

Info-Treg 06/10/2012

Ekonomia e Eurozonës është tkurrur gjatë tremujorit të dytë të 2012 me -0.5% në krahasim me vitin e kaluar. Të dhënat e publikuara së fundmi nga Eurostat, kanë treguar se ekonomia e Eurozonës vijon të vuajë dobësinë e kërkesës së brendshme, ecurinë e pafavorshme të tregut të punës, rritjen modeste të kreditimit të bizneseve si dhe situatën e brishtë në tregjet financiare. Pritjet për një rritje pozitive janë zhvendosur në vitin 2013.

Dy prej vendeve që Shqipëria ka marrëdhëniet më të shumta tregtare, Italia dhe Greqia, vazhdojnë të jenë në recesion. Ekonomia italiane ka vijuar të qëndrojë në recesion, duke regjistruar një tkurrje ekonomike prej 2.6 % në terma vjetorë. Eksportet neto kanë ndikuar pozitivisht, ndërsa shpenzimet konsumatore dhe sektori i ndërtimit kanë vijuar ecurinë negative. Ndërsa ekonomia e Greqisë ka vijuar rënien ekonomike edhe në tremujorin e dytë, duke shënuar normën vjetore të rënies prej 6.5%. Prodhimi industrial dhe sektori i ndërtimit kanë rënë, duke eklipsuar rritjen e shpenzimeve konsumatore.

Edhe në Shqipëri, sipas të dhënave nga Banka e Shqipërisë, prodhimi në sektorin e ndërtimit vijoi të bjerë në tremujorin e dytë, duke mos mbështetur rritjen ekonomike të këtij tremujori. Vlera e shtuar nga ky sektor thelloi rënien vjetore në 18.4%, pas tkurrjes me 17.1% një tremujor më parë. Në terma kontributesh, kontraktimi i ndërtimit e uli rritjen ekonomike me 2.1 pikë përqindje. Shfrytëzimi i kapaciteteve në nivelin më të ulët të regjistruar dhe rënia e treguesit të kërkesës së referuar nga bizneset e përfshira në vrojtimin e besimit, vazhdojnë të mbeten faktorë me ndikim negativ në performancën e sektorit ndërtues.

Në tremujorin e tretë të vitit, rënia e treguesit të besimit në ndërtim sinjalizon për vazhdim të zhvillimeve negative, duke qenë në një linjë me nivelin minimal historik të lejeve të ndërtimit të akorduara në gjysmën e parë të vitit. Ndonëse treguesi i porosive për tremujorin e dytë dhe ai i normës së shfrytëzimit të kapaciteteve në tremujorin e tretë vlerësohen lehtësisht më mirë, përmirësimi i tyre gjykohet i ulët për të korrektuar pozitivisht prodhimin e sektorit ndërtues

 

Çmimet në tregun e banesave për tremujorin e tretë, 2012.

Indeksi i çmimit të banesave24 ka pësuar një rënie dyshifrore gjatë tremujorit të tretë të vitit. Ndryshimi vjetor nominal i këtij treguesi ishte -10.2% dhe i deflatuar me indeksin e çmimit të konsumit, ndryshimi vjetor real në këtë tremujor rezultoi -13.2%.Indeksi i qirasë së banesave është karakterizuar nga norma pozitive rritjeje që nga tremujori i tretë i vitit 2011. Pasi u rrit me 2.3% në gjashtëmujorin e parë të këtij viti, indeksi i qirasë ra me 2.2% në tremujorin aktual. I rregulluar për inflacionin,indeksi i qirasë ra me 5.5% në terma realë.

Zhvillimet në çmimet e banesave në tremujorin e tretë janë ndikuar në një masë më të madhe nga faktorët e kërkesës se sa nga ato të ofertës. Ngadalësimi i kërkesës për blerje banese është ndikuar nga besimi i ulët konsumator lidhur me zhvillimet në të ardhmen, ngadalësimi i të ardhurave të disponueshme, norma ende e lartë e papunësisë dhe kushtet e shtrënguara të kreditimit. Për sa i përket ofertës, tregues të tërthortë sasiorë dhe cilësorë prej vrojtimeve mbështesin vlerësimin për një ofertë të munguar për banesa të reja. Gjithashtu, standardet e akordimit të kredisë për sektorin e ndërtimit vijojnë të jenë të shtrënguara.Zhvillimet në tregun e banesave tregojnë se çmimet e shitjes vijojnë të mbeten të larta krahasuar me marrjen e tyre me qira, mbështetur në analizën e raportit të indeksit të çmimit ndaj qirasë. Ky raport ka pësuar një ngadalësim të lehtë në tremujorin e tretë, megjithatë ai mbetet mbi mesataren e tij afatgjatë. Dinamika tremujore tregon për rënie si të çmimeve ashtu dhe të qirave të banesave në këtë tremujor. Rënia më e theksuar e çmimeve të banesave në krahasim me rënien e qirave, është reflektuar në uljen e raportit çmim/qira me 0.16 pikë përqindje krahasuar me nivelin e tremujorit të kaluar.

Burimi: Banka e Shqipërisë, Raporti i Politikes Monetare per Tremujorin e trete te Vitit 2012

  • Ndryshimi i çmimeve të shitjes së apartamenteve në Tiranë

    by në 29/09/2018 - 0 Komente

    ZONA I Zona 1/1 Kinema “Ali Demi”, fusha e sportif, fshati Shkozë, Depo e Ujit, ishte 98,000 lekë/ m2, bëhet 97,700 lekë/m2   Zona 1 /2 Poligrafiku, Shkoza, Uzina e Autotraktorëve, fshati Shkozë, Lanabregas, Linzë, Sauk, ishte 80,000 lekë/ m2, bëhet 78,000 lekë/m2   ZONA 2 Zona 2/1 Piramida, stadiumi “Qemal Stafa”, ishte 187,000 lekem2, […]

  • 7 rregulla që duhet t’i thyesh kur intervistohesh për punë

    by në 29/09/2018 - 0 Komente

    Intervistat mund të jenë argëtuese. Ata që kanë kaluar disa intervista e dinë se nuk ka pse të jetë një përvojë e vështirë dhe stresuese. Stigma që rrethon intervistën është se gjithmonë duhet të mendoni për të projektuar versionin më të mirë të vetes. Por, kur intervistoheni disa herë, mësoni se më shumë se çdo […]

20 shitjet e fundit

total