Mirësevini, vizitor! [ Regjistrohu | Hyr

Panairi ndërkombëtar i elektronikës në Berlin

Promovim 02/08/2012

Edhe pse në një kohë krize, Panairi Ndërkombëtar i Elektronikës, IFA 2012, në Berlin, ruan ende reputacionin si panairi më i rëndësishëm i llojit të tij. (31 Gusht-5 Shtator) Në edicionin e tij të 52-të, IFA 2012, ka tërhequr shumë vizitorë. Si gjithmonë ata kanë mundur të shohin pajisjet që së shpejti do të mund t’i blejnë në dyqane.

Më i madh, më i hollë, më i zgjuar

Moda për të patur një televizor më të madh dhe më të mirë, ka pushtuar edhe panairin. Në Berlin është prezantuar një prototip ekrani i quajtur mamuth, qe ka një gjerësi prej 228 centimetrash. Prodhuesit gjermanë të markës Loewe, synojnë të pushtojnë tregun me këtë televizor të tekonologjisë së lartë.

Televizori inteligjent

Lufta mes televizionit dhe internetit është duke u zhvilluar prej vitesh në Gjermani. Në shtëpitë gjermane ‘Smart TV’ (televizorët inteligjentë) përdoren shumë pak edhe pse kanë një lidhje Interneti. Me shumë aplikacione të reja prodhuesit kërkojnë që ky lloj televizori të pushtojë tregun.

Touchscreen me përmasa gjigande

Zhvillimet e fundit në teknologjinë e smart phone-s dhe ekraneve të kompjuterave tregohen në ekrane të mëdha. Ky është një ekran i markës Sharp 178 cm dhe kontrollohet nga prekja dhe gjestet.

Një premierë për Samsung-un

Në të kaluarën celularët dhe smart phone-ët pajiseshin edhe me kamera për fotografi, por Samsung-u po përpiqet të hedhë një hap tjetër tashmë. Kompania koerane ka krijuar një kamera që lidhet shumë shpejt me sistemin e operimit Android. “Galaxy Camera” tashmë është gjysmë aparat fotografik dhe gjysmë smart phone.

Nga laptop-i tek ultrabook-u

Çfarë është e vogël dhe e ndritshme, ka një performancë të mirë, mban gjatë bateri, është e pajisur me procesorin Intel dhe mund të mund kthehet në një sukses? Përgjigja është ultrabook-u. Toshiba ka paraqitur prototipin e saj me përmasa 21:9 dhe me sistem operimi Windows 8.

E ardhmja dëgjon të shkuarën

E rikthyer në vitin 2009, marka italiane Brionvega ka ndërtuar një radio me pamje klasike, por me funksione moderne. Modeli kryesor është RR226 ose “radiofonograf”. Ky është një model për blerës me shije pak ekstravagante dhe është punuar më së shumti me dorë. Çdo pajisje e tij është unike dhe me vlera.

Kritika për elektro-shtëpiaket

Për vite të tëra kursimi i energjisë dhe ujit ka qenë prioritet në zhvillimin e pajisjeve elektro-shtëpiake. Ndihma Mjedisore Gjermane (DUH), ka kritikuar disa kompani për disa produkte të tyre që nuk bëjnë kursimin e duhur dhe janë në kundërshtim me ligjet Gjermane dhe ato Europiane për mbrojtjen e mjedisit. Por për shumë vizitorë të IFA-s një gjë e tillë nuk ka shumë rëndësi.

Kuzhinat moderne tërheqin vizitorët e uritur

Pajisjet për kuzhina tërheqin gjithmonë numrin më të madh të vizitorëve. Zona është e ndarë në kuzhina të vogla, ku shefat e kuzhinës gatuajnë në prani të vizitorëve, por në të njëjtën kohë prezantojnë edhe pajisjet e reja. Mesazhi i tyre: të gatuash në një kuzhinë moderne është kënaqësi.

Një robot i vogël

Me pajisjen e duhur, punët e shtëpisë mund të bëhen me shumë qejf. Këtë vit shumë kompani në IFA janë duke prezantuar fshesat e korentit me vakum. Kompania gjermane Kärcher, një nga më të mëdhatë në pajisjet e pastrimit, e ka quajtur pajisjen e saj “RoboCleaner” dhe thotë se mund të pastrojë shumë lloje dyshemesh.

Të heqësh mjekrën në panair!

Disa vizitorë mund të marrin shërbimet e pajisjeve vetëm pas përfundimit të panairit, por kompania Philips kishte vendosur t’u shërbente vizitorëve edhe gjatë panairit. Kompania elektronike hollandeze i’u dha mundësinë vizitorëve të rruheshin me një nga makinat e saj rruajtëse të prodhuar së fundmi.

Simboli i IFA-s

Çdo natë pasi mbyllet panairi kulla e radios ndriçohet në ngjyrën karakteristike të IFA-s, ngjyrë e kuqe. Kulla konsiderohet si një simbol i panairit më të vjetër industrial në Gjermani. Ajo që nisi modestisht në vitin 1924 si një prezantim radiosh sot është vendi ku mblidhen prodhuesit më të mëdhenj në botë të pajisijeve elektronike.
DW | Autor: M. Böhm | Redaktor: A. Topi

   

1088 herë e lexuar, 1 herë sot

  

  • 19 ide për dekorimin e shtëpisë me qira

    by në 02/08/2016 - 0 Komente

    Të jetosh në një hapësirë ​​të vogël është e vështirë, sidomos kur mundësitë tuaja për dekorime janë të kufizuara nga rregullat që ka vendosur edhe qiradhënësi.  Ja 19 ide origjinale dhe të thjeshta për t’u realizuar, që ju frymëzojnë për dekorimin e shtëpisë (dhe hapësirën) në mënyrën që dëshironi, pa shkelur asnjë nga detyrimet që […]

  • 10 këshilla për të blerë një makinë të përdorur

    by në 06/01/2016 - 3 Komente

    1. Pse po blini një makinë të përdorur? Nëse keni vendosur të blini një makinë të përdorur, keni marë një vendim të mençur. Mund të gjeni një makinë pothuajse aq të mirë sa edhe një e re.

  • 50 ide biznesi për të rinjtë e vendeve në zhvillim

    by në 11/01/2018 - 0 Komente

    Kontabiliteti. Nëse keni një diplomë kontabiliteti mund të filloni një shërbim si kontabilist i pavarur për bizneset e tjera të vogla që nuk mund të përballojnë një person me kohë të plotë.   Marketing affiliate. Nëse jeni një person bindës, mund të merrni një komision nga një kompani për shitjen e prodhimeve të tyre drejt […]

  • 10 këshilla për të shitur një makinë të përdorur

    by në 15/01/2017 - 1 Komente

    1. Të njohësh tregun Do të jetë e lehtë të shisni makinën tuaj? Apo do t’ju duhet të ulni çmimin dhe të prisni gjatë? Ja disa të dhëna interesante: –          Makinat familjare edhe pse nuk kanë shumë fansa, kanë një kërkesë në rritje –          Shitjet e makinave të modifikuara dhe sportive janë sezonale; më shumë […]

  • Si të blesh një makinë në Gjermani

    by në 09/02/2017 - 0 Komente

    Blerja e një makinë të re ose të përdorur në Gjermani mund të jetë një sfidë, megjithatë ka shumë informacione që mund t’ju  ndihmojnë. Blerja e makinës në Gjermani mund të jetë e suksesshme sepse ka një numër shumë të madh makinash në shitje. Makinat e perdorura mund të gjenden me një çmim të mirë […]

20 shitjet e fundit

total