Mirësevini, vizitor! [ Regjistrohu | Hyr

Lajm dekurajues për Amazon: Ende herët për shpërndarjen me drone

Info-Treg 16/02/2015

Do të jetë pothuajse e pamundur që Amazon të bëjë realitet projektin ambicioz të shpërndarjes në adresë nëpërmjet droneve në SHBA.

Pas disa shtyrjeve për vendimin, Administrata Federale e Aviacionit të SHBA (FAA) sot njoftoi zyrtarisht rregullat e propozuara për dronet e vogla komerciale, të cilat janë ndoshta më të buta se sa priteshin, por ende të rrepta për ta bërë praktike shërbimin e droneve të Amazon.

Këto rregulla do të zbatohen për dronet që peshojnë më pak 2.5 kg: pilotët do të duhet të kalojnë një test të njohurive (jo një test praktik) për të marrë një licencë të operatorit që telekomandon (test që duhet përsëritur çdo 24 muaj) dhe të jenë të paktën 17 vjeç. Dronet do të lejohen të fluturojnë vetëm gjatë orëve të ditës dhe duhet të jenë në fushëshikimin e pilotit (edhe nga një operator i dytë si vëzhgues).

Siç pritej, dronet komerciale do të lejohen të fluturojnë vetëm nën 150 metra dhe jo më shpejt se 60 km/h. Dronet do të duhet të jenë të regjistruara tek FAA. Fluturimet mbi njerëz janë të ndaluara dhe duhet të jenë të dukshme mbi 5 km.

FAA po konsideron krijimin e një kategorie të veçantë për drone shumë të vogla nën 1,5 kg që mund të lejojnë operatorët të fluturojnë mbi njerëz. Këto rregulla nuk zbatohen për modelet e aeroplanëve të vegjël me telekomandim.

Një nga aspektet më kufizuese të rregullave të propozuara është, se vetëm fluturimet me destinacion janë të lejuara, ndërsa nuk mund të përdoret një aparat fotografik apo kamera që rri pezull mbi njerëzit (dylbitë nuk janë të lejuara).

Amazon deklaroi se “Rregullat e propozuara të FAA-së për drone të vogla mund të miratohen pas dy vitesh, por edhe atëherë ato rregulla nuk do të lejojnë dronen e Amazon për të operuar në Shtetet e Bashkuara. FAA ka nevojë të përfundojë procesin formal për të adresuar nevojat e biznesit tonë, dhe në fund të fundit të klientëve tanë. Ndoshta operimi droneve tona së pari do të fillojë jashtë SHBA.”

FAA megjithatë vuri në dukje se ky është vetëm një hap i parë. Administrata vazhdon të vlerësojë teknologjitë e reja që do të lejojnë dronet të shkojnë përtej kontrollit të operatorëve dhe do të lejojë përjashtime.

695 herë e lexuar, 1 herë sot

  

  • Ndryshimi i çmimeve të shitjes së apartamenteve në Tiranë

    by në 29/09/2018 - 0 Komente

    ZONA I Zona 1/1 Kinema “Ali Demi”, fusha e sportif, fshati Shkozë, Depo e Ujit, ishte 98,000 lekë/ m2, bëhet 97,700 lekë/m2   Zona 1 /2 Poligrafiku, Shkoza, Uzina e Autotraktorëve, fshati Shkozë, Lanabregas, Linzë, Sauk, ishte 80,000 lekë/ m2, bëhet 78,000 lekë/m2   ZONA 2 Zona 2/1 Piramida, stadiumi “Qemal Stafa”, ishte 187,000 lekem2, […]

  • 7 rregulla që duhet t’i thyesh kur intervistohesh për punë

    by në 29/09/2018 - 0 Komente

    Intervistat mund të jenë argëtuese. Ata që kanë kaluar disa intervista e dinë se nuk ka pse të jetë një përvojë e vështirë dhe stresuese. Stigma që rrethon intervistën është se gjithmonë duhet të mendoni për të projektuar versionin më të mirë të vetes. Por, kur intervistoheni disa herë, mësoni se më shumë se çdo […]

20 shitjet e fundit

total