Mirësevini, vizitor! [ Regjistrohu | Hyr

Gjermania kërkon personel shëndetësor

Info-Treg 16/09/2013

Gjermanisë i mungojnë me mijëra infermierë dhe persona për përkudesje. Qeveria ka hartuar një varg masash për përmirësimin e gjendjes, por shumë prej këtyre masave nuk janë në përputhje me kodin e mirësjelljes. Gjermania ka një problem serioz me mungesën e këtij personeli mjekësor që kujdeset për të moshuarit dhe të sëmurët. Deri në fund të kësaj dekade, Gjermanisë do t’i mungojnë 220.000 persona të tillë, thonë ekpsertët. Qeveria gjermane tani po përpiqet që të zbutë këtë gjendje emergjente. Nga vendet e tjera janë duhet të vijë personel mjekësor, i cili duhet të kujdeset për popullatën gjithnjë e më të moshuar gjermane.

Në veçanti në fokus janë vendet si Spanja, Greqia, Italia dhe Portugalia. Këto janë vendet prej nga duhet të vijnë më së shumti ndihmës, thuhet në në një përgjigje të qeverisë gjermane lidhur me këtë çështje. Në këto vende ka probleme shumë të mëdha me papunësinë, ndaj ato paraqesin një potencial të konsiderueshëm të kandidatëve për tregun gjerman të punës. Potenciali i këtyre vendeve është me të vërtetë i madh, sepse në këto vende gati janë shterruar mundësitë e punësimit në shëndetësi, për shkak të kursimeve dhe krizës financiare e bankare. Marrëveshje janë arritur edhe me Serbinë dhe Bosnjë e Hercegovinën sikur edhe me Tunizinë dhe Filipinet. Në mbarë botën po kërkohet personel shëndetësor. Së fundi nga Kina janë sjellë në Gjermani 150 persona.

Por opozita gjermane kundërshton masat e qeverisë duke iu referuar edhe kodit për mirësjellje të Organizatës Botërore të Shëndetësisë, ku ndalohet rekrutimi i personelit shëndetësor në vendet që vuajnë nga uria. Sipas këtij kodi, në 1000 banorë duhet të ketë 2,29 persona për përkujdesje, që do të thotë se 20 % e popullatës mbetet pa përkujdesjeje. Por autoritetet gjermane thonë se ata nuk kanë organizuar ndonjë rekrutim aktiv.

“Ne kemi nënshkruar marrëveshje me vendet për të cilat e dimë se nuk kanë ndonjë gjendje emergjente me mungesën e këtij personeli”, thotë ministri për Shëndetësi Daniel Bahr (FDP). “Ne gjendemi në një konkurrencë të fuqishme për këtë personel dhe nëse nuk bëjmë asgjë ata do të shkojnë në Zvicërr, Britani të Madhe apo vendet skandinave”, shton ai. Qeveria gjermane po përpiqet t’i mobilizojë forcat e brendshme, por as kjo nuk mjafton.

Sa i përket rekrutimit të personelit nga vendet e Lindjes së Largët, ekspertët dyshojnë se kjo nuk mund të funksionojë mirë, për shkak të dallimeve kulturore. “Ekzistojnë probleme të mëdha në komunikim mes një 80 vjeçari nga Gjermania dhe një personi nga India, Kina apo Vietnami”, shpjegon ai.

Burimi: dw.de

  • Ndryshimi i çmimeve të shitjes së apartamenteve në Tiranë

    by në 29/09/2018 - 0 Komente

    ZONA I Zona 1/1 Kinema “Ali Demi”, fusha e sportif, fshati Shkozë, Depo e Ujit, ishte 98,000 lekë/ m2, bëhet 97,700 lekë/m2   Zona 1 /2 Poligrafiku, Shkoza, Uzina e Autotraktorëve, fshati Shkozë, Lanabregas, Linzë, Sauk, ishte 80,000 lekë/ m2, bëhet 78,000 lekë/m2   ZONA 2 Zona 2/1 Piramida, stadiumi “Qemal Stafa”, ishte 187,000 lekem2, […]

  • 7 rregulla që duhet t’i thyesh kur intervistohesh për punë

    by në 29/09/2018 - 0 Komente

    Intervistat mund të jenë argëtuese. Ata që kanë kaluar disa intervista e dinë se nuk ka pse të jetë një përvojë e vështirë dhe stresuese. Stigma që rrethon intervistën është se gjithmonë duhet të mendoni për të projektuar versionin më të mirë të vetes. Por, kur intervistoheni disa herë, mësoni se më shumë se çdo […]

20 shitjet e fundit

total