Mirësevini, [ Regjistrohu | Hyr

SHITET PORTALI 100oferta.com

Edhe 18 ditë në ankand. Kliko për më tepër info!

10 këshilla për të shitur një makinë të përdorur

Këshilla të dobishme 15/09/2017

1. Të njohësh tregun

Do të jetë e lehtë të shisni makinën tuaj? Apo do t’ju duhet të ulni çmimin dhe të prisni gjatë? Ja disa të dhëna interesante:

–          Makinat familjare edhe pse nuk kanë shumë fansa, kanë një kërkesë në rritje
–          Shitjet e makinave të modifikuara dhe sportive janë sezonale; më shumë preferohen në verë
–          Kamionat, autobusët dhe furgonat kanë blerës të qëndrueshëm dhe çmime të mira. Mos i zhvlerësoni.
–          Makinat e rralla kërkojnë më shumë kohë për t’u shitur, megjithatë mund të fitojnë vlerë të jashtëzakonshme po të gjeni blerësin e duhur.

 

2.Vendosni një çmim konkurues

Pasi t’i keni hedhur një vështrim tregut të makinave do të vini re që çmimet ndryshojnë sipas markës, vitit të prodhimit, llojit të karburantit, kilometrazhit, ngjyrës, opsioneve dhe gjendjes së mirëmbajtjes. Gjithmonë ka vend për të diskutuar çmimin kështu që, nëse nuk e shpallni çmimin të padiskutueshëm, lini pak hapësirë për ulje çmimi. Ju mund të shihni sesi disa shitës përdorin çmime të mira nga ana psikologjike, p.sh. në vend të 7000 Euro – 6990 Euro. Kjo mund të jetë efikase për tregëtarët, por nëse shisni makinën personale do të ishte më mirë p.sh. 6900 ose 6800 Euro.

 

3. Bëjeni makinën tuaj “ta duan me shikim të parë”

Kur blerësit të shohin makinën tuaj, me shumë mundësi do të vendosin ta blejnë apo jo në pak sekonda. Kjo, sipas studimeve, ndodh nga shikimi i parë i makinës. Para se të bëni fotografitë për publikimin e ofertës tek 100oferta.com, sigurohuni që makina të jetë e pastër. Ja ç’mund të bëni për të tërhequr sa më shumë blerësit:

–          Lajeni dhe pastrojeni mirë makinën nga jashtë;
–          Sigurohuni që makina të jetë në gjendje të mirë mekanike. Më mirë shpenzoni pak për ndonjë riparim, sesa të ulni çmimin për ndonjë problem;
–          Hiqni brenda makinës ndonjë send personal. Nëse blerësi kërkon ta provojë, nuk duhet t’i duket si makina e tjetërkujt;
–          Fshihni pluhurin e ferrotave dhe pastroni mirë gomat me ndonjë shkëlqyes;
–          Pastroni me kujdes xhamat dhe pasqyrat;
–          Lani kroskotin dhe pastroni tavllën;
–          Mirëmbani gjithë çertfikatat e servisit për t’ia treguar blerësit
–          Nëse makina kërkon ndërim vaji dhe filtrash, kujdesuni t’ia ndëroni edhe pse po e shisni
–          Kontrollojeni tek mekaniku, në mënyrë që të jeni në dijeni të gjendjes së makinës edhe nëse blerësi mund të ngrejë dyshime.
–          Jepini siguri të argumentuar blerësit për të dhënat e makinës dhe kilometrazhin

 

4. Ku të njoftoni shitjen e makinës suaj

Tani që makina juaj është gati për shitje, ju duhet të vendosni se ku do ta shisni. Zakonisht një mënyrë tradicionale është nëpër gazeta, ose vendosja e njoftimit në xhamin e makinës, por që të dyja janë mënyra pak efikase, sepse mbulojnë një zonë shumë të vogël kërkimi dhe nuk janë të përshtatshme për komunikim. Shitja online nëpërmjet 100oferta.com sa vjen e bëhet më e suksesshme. Oferta juaj përhapet menjëherë në të gjitha rrjetet sociale si Facebook, Twitter, Linkedin, Google+, Pinterest ku 100oferta.com ka më shumë se 100.000 ndjekës të rregullt dhe njoftimi mund të ketë brenda ditës qindra lexime. Për më tepër ju lutem lexoni: Si të formuloni një ofertë të suksesshme!

 

5. Krijoni një njoftim që “shet”

Mendoni për sqarimin që do t’iu bënit blerësve kur shkruani një njoftim. Pak fjalë mund të thonë shumë. Përveç çmimit, njoftimi juaj duhet të përfshijë vitin e prodhimit, modelin dhe markën, llojin e karburaniti, kilometrazhin, ngjyrën, gjendjen e makinës dhe opsionet e veçanta të saj.

Kur vendosni një njoftim për shitje makine në 100oferta.com ju keni mundësi të tregoni sa “të paduruar” jeni për ta shitur këtë makinë dhe këtë mund ta bëni duke filluar përshkrimin:

–          Okazion!…
–          Oferta më e mirë!
–          Çmim i diskutueshëm! Etj.

6. Tregojeni makinën tuaj

Mund t’ju kontaktojnë shumë blerës për makinën që shisni. Kjo mund të jetë edhe e bezdisshme, por duke lejuar intuitën tuaj ju mund t’i zgjidhni ata që mendoni se do të keni një marrëveshje. Nëse doni të mbani privacinë tuaj të paekspozuar zgjidhni një vend ku mund të tregoni makinën. (Ndryshe nga mënyrat e tjera të njoftimit tek 100oferta.com ju mund ta ndaloni ose ta fshini njoftimin pasi ta keni shitur makinën). Mbani parasysh, që edhe blerësit mund të mendojnë për ju: a është serioz ky shitës? Kështu që, gjithmonë tregohuni i hapur. Blerësit e vërtetë duan ta provojnë makinën, nëse dyshoni, ju thoni t’iu tregojnë patentën.

Nga ana tjetër me të drejtë blerësit nuk e kanë aq të thjeshtë një vendim për të harxhuar goxha para. Ju duhet t’i siguroni, se ata po bëjnë një shpenzim që ja vlen dhe t’ia bëni sa më të lehtë. Disa blerës mund të duan ta shohin makinën tek një mekanik për kontroll. Nëse ju keni një inspektim nga mekaniku juaj mund t’ia tregoni, por nëse blerësi këmbëngul, kjo është e arsyeshme. Nëse dyshoni se blerësi nuk mund ta drejtojë makinën, ose mund ta vjedhë, shoqërojeni edhe ju. Nëse blerësi ju thotë t’i jepni ju makinës, ka shumë mundësi që ai po ju harxhon kohën kot.

 

7. Negocioni për çmimin më të mirë

Nëse një person provon makinën dhe aprovon blerjen, ju prisni që ai të bëjë një ofertë. Shumë njerëz kanë konceptin e duhur mbi negocimin. (sidomos mesdhetarët).

Ata mund të fillojnë me një fjali si:

–          “Më pëlqen kjo makinë, por…”

Kjo është mënyrë e lehtë për të negociuar. Sepse blerësi po të lë fjalën për një çmim të pranueshëm dhe ju mund t’i thoni: “Sa paguan ti?”

–          “Cili është pazari i fundit?”

Kjo është mënyra direkte për të zbuluar sa e ulni ju çmimin, por po ta shihni nga ana e blerësit nuk duket shumë trysni për të ulur çmimin.

–          “Ma shet kaq Lekë?”

Ky blerës po ju bën një ofertë, që nuk lë shumë vend për negociata. Por kujdes, ai mund të jetë edhe duke bërë bllof. E vetmja mënyrë për ta kuptuar është t’i thoni “Jo”.

Mos bëni premtime, që nuk mund t’i mbani më vonë pas shitjes, p.sh. “do të gjej një pasqyrë ta zëvendësoj”, ose “do të jap edhe gomat që kam në shtëpi”. Kjo jo vetëm nuk ju ndihmon, por ngre dyshime tek blerësi.

Nëse nuk kontaktoni shumë blerës, mbase është më mirë të rishikoni çmimin. Nëse kini postuar një ofertë dhe blerësit duan të komunikojnë me email apo celular për të sqaruar detaje, kjo nuk ja vlen. Më mirë iu thoni të vijnë ta shohin.

 

8. Negociatat e vështira

Në disa raste mund të bini dakord t’i bëni edhe disa shërbime makinës para se t’ia shisni blerësit. Por kjo mund të sjellë keqkuptime për llojin e riparimeve, cilësinë, etj., prandaj mund ta lini këtë opsion. Gjëja më e mirë është ta keni makinën gati dhe pasi ta shisni të shtrëngoni dorën me blerësin. Por blerësi mund t’ju kërkojë me insistim një riparim të caktuar. Nëse riparimi nuk është shumë i kushtueshëm mund ta bëni pa ndryshuar çmimin, por nëse blerësi ju kërkon një riparim të kushtueshëm duhet të informoheni saktë për shpenzimin te mekaniku. Nëse blerësi vazhdon të këmbëngulë për ndonjë problem tjetër, atëherë mund t’i thoni “kjo është makinë e përdorur dhe s’mund të jetë perfekte” duke justifikuar edhe çmimin që e shisni.

 

9. Finalizimi i shitjes

Akti noterial i shit-blerjes kryehet në çdo zyrë noteri të Republikës së Shqipërisë. Dokumentat për shitjen e një makine janë përcaktuar me ligj dhe aplikohen për çdo zyrë noteriale. Dokumentat që ju kërkohen:

–          Vërtetim pronësie mbi mjetin
–          Vërtetim për detyrimet të shlyera (gjoba, dorëzani nga bankat , etj.)
–          Lejë Qarkullim
–          Mjet identifikimi

Sapo të merrni paratë nga blerësi mund të nënshkruani aktin e shitblerjes. Mbani një kopje të tij, të siguroheni që përgjegjësia tashmë nuk është më mbi ju (P.sh. nëse blerësi bën aksident me makinën e saposhitur).

 

10. Pasi keni shitur makinën

Ju nuk mbani asnjë përgjegjësi tashmë për makinën e shitur, edhe në kontratë përcaktohet kjo. Nëse makinës i ndodh ndonjë defekt apo parregullsi, ky nuk është më problemi juaj. Nëse keni bërë çdo gjë korrekte para se ta shisnit makinën, jeni të qetë. Keni fituar, sepse keni kthyer një mjet tashmë të panevojshëm për ju, në një mjet të nevojshëm për dikë tjetër dhe për këtë jeni shpërblyer financiarisht. Uroni që po i fituar të jetë edhe blerësi.

është lexuar 6125 herë (3 herë sot)

Këshilla për një udhëtim të shkurtër turistik

Këshilla të dobishme 15/07/2017

1. Krijo një itinerar

Kur ndërmerrni në një udhëtim të shkurtër, është e rëndësishme që të planifikoni me kujdes kohën tuaj. Nëse nuk planifikoni orët dhe ditët, mund të përfundoni duke humbur diçka që dëshironi të shihni.

Një itinerar i mirë përfshin paraprakisht udhëzime, harta dhe informacione të rëndësishme për vendet që po vizitoni.

Spontaniteti është zbavitës kur udhëton, por nuk funksionon mirë nëse keni kohë të kufizuar në një vend.

Ruaj aktivitetet spontane për udhëtime më të gjata dhe krijoni një itinerar për festat tuaja të shkurtra për të maksimizuar kohën tuaj.

2. Mos u mundoni të shihni gjithçka

Kur krijoni itinerarin tuaj, jini të kujdesshëm që të mos mbingarkoni oraret.

Shumë njerëz bëjnë gabim duke u përpjekur të shohin gjithçka në vendin që po vizitojnë, por shpesh kjo është e pamundur për një udhëtim të shkurtër. Nëse planifikoni shumë brenda nje ditë, nuk mund të kënaqeni nga ndonjë aktivitet, sepse do të jeni shumë të zënë duke nxitur nga një gjë në tjetrën.

Vendosni se cilat vende janë më të rëndësishmet dhe quajini prioritet kur të krijoni itinerarin.

Jepini vetes kohë të mjaftueshme në secilin vend, në mënyrë që t’i përjetoni ato në mënyrë të plotë.

 

3. Paketoni pak gjëra

Kur niseni për një udhëtim të shkurtër, bagazhet e tepërta do të jenë vetëm një barrë e rëndë. Kjo është veçanërisht e vërtetë nëse udhëtoni me avion.

Mundohuni të kufizoni gjithçka në një valixhe të vogël që mund ta mbartni me vete, kështu që ju nuk do të duhet të shqetësoheni për bagazhet e humbur.

Plus, nuk do të duhet të tërhiqni një valixhe të rëndë nëpër rrugët e qytetit që po vizitoni.

Mund të vishni një veshje më shumë se një here, në këmbim të faktit që do të jeni në gjendje të mbani një bagazh të lehtë.

është lexuar 67 herë (0 herë sot)

Si të blej shtëpi në Shqipëri?

Këshilla të dobishme 20/06/2017

Përcaktoni buxhetin

Ky është hapi kryesor që përcakton se cilën shtëpi mund të blini. Për një përfundim më të saktë, kërkoni vlerësimin nga një profesionist ose bankë, që mund të kontrollojë të ardhurat tuaja, borxhet dhe kreditë.

Zakonisht në vendet e zhvilluara rregulli i thjeshtë është synimi për një shtëpi, e cila kushton sa 30 fishi i pagës mujore, por në Shqipëri ky indeks ndryshon nga 50-100. Nëse keni borxhe, detyrime të tjera financiare apo doni të mos hiqni dorë nga ndonjë hobi i shtrenjtë, mund t’ju duhet të ulni pritshmëritë.

Ka dhe një rregull tjetër nqs. merrni një kredi: Pagesat mujore për shtëpinë nuk duhet të kalojnë 36% të të ardhurave bruto mujore. Mundësia e pagesës së kësteve mujore do të përcaktojë blerjen që mund të përballoni.

Sigurimi i të ardhurave

Ndryshe nga vendet e zhvilluara, ku huadhënësit pëlqejnë të shohin 20% të çmimit të shtëpisë si paradhënie, në Shqipëri do t’ju duhet jo më pak se 70% e vlerës së shtëpisë. Pasi ta keni konsideruar pagesën paraprake, sigurohuni që ju mbeten mjaftueshëm të ardhura për të mbuluar tarifat dhe kostot e tjera. Këto mund të përfshijnë tarifën e vlerësimit, tarifat e huasë, tarifat e avokatisë, tarifat e inspektimit dhe koston e regjistrimit të titullit, të cilat zakonisht shkojnë deri në 5% të shumës së hipotekës.

 

Kërkoni për një shtëpi tek 100oferta.com

Ky kërkim ju njeh hollësisht me çmimet e tregut, duke bërë krahasimet e nevojshme sipas zonave, apo ofertave për shtëpi në shitje nga individë dhe agjenci imobilare.

Hapi juaj i parë është të kuptoni se në cilën qytet apo lagje dëshironi të jetoni. Shikoni shenjat e vitalitetit ekonomik: një përzierje e familjeve të reja dhe çifteve të vjetra, papunësi të ulët dhe të ardhura të mira. Kushtojini vëmendje të veçantë zonave me shkolla të mira, edhe nëse nuk keni fëmijë të moshës shkollore. Kur vjen koha për të shitur, do të zbuloni se një sistem i fortë shkollor është një avantazh i madh për të ndihmuar shtëpinë tuaj të mbajë ose të fitojë vlerë.

Mundohuni gjithashtu të merrni një ide rreth tregut të pasurive të patundshme në zonë. Për shembull, nëse shtëpitë po shiten afër çmimit të kërkuar, kjo tregon se zona është e dëshirueshme. Nëse keni mundësi, mendoni për një blerje jashtë sezonit, e cila në përgjithësi është në muajt e ftohtë të vitit – do të keni më pak konkurrencë dhe shitësit mund të jenë më të gatshëm për të negociuar.

Nëse nuk arrini në një përfundim që ditën e parë, mund të vazhdoni kërkimin për disa ditë, sepse çdo ditë tek 100oferta.com publikohen rreth 50 oferta të reja për pasuri të paluajtshme, duke pasqyruar edhe levizjen e çmimeve – tendencën e tregut. Jini të kujdesshëm në zgjedhjen e kritereve të kërkimit: për shembull, zgjidhni çmimet 10% më lart dhe 10% më poshtë çmimit tuaj të vërtetë, duke përdorur kutinë “Kërko me detaje”.

 

Gjeni një agjenci imobilare

Shumica e shitësve publikojnë ofertat për shtëpi nëpërmjet një agjenti, të cilët paguhen në bazë të një përqindjeje të çmimit të blerjes. Duke ditur se tek 100oferta publikojnë ofertat më shumë se 50 agjenci imobilare dhe 500 agjentë, ju mund ta kryeni krëkimin për një agjent imobilar tek 100oferta.com.

 

Bëni një ofertë

Sapo të gjeni shtëpinë që dëshironi, lëvizni shpejt për të bërë ofertën tuaj. Nëse jeni duke bashkëpunuar me një agjent për blerje, atëherë merrni këshilla nga ai për një ofertë fillestare, por nëse po pyesni agjentin e shitësit, hartoni vetë strategjinë.

Mundohuni të shihni të dhënat për të paktën tre shtëpi që kanë shitur kohët e fundit në lagje. Nëse e doni me të vërtetë shtëpinë, mos e humbni. Shitësi mund të heqë dorë nga zgjatja e tepërt.

Nuk ka sistem të pagabueshëm për negocimin e një çmimi të drejtë. Herë pas here është më mirë të merresh drejtpërdrejt me shitësin vetë. Pasi të keni arritur një çmim reciprokisht të pranueshëm, agjenti i shitësit do të hartojë një ofertë për blerje që përfshin një datë për të mbyllur transaksionin.

 

është lexuar 96 herë (1 herë sot)

Marketingu Online për Hotelet

Këshilla të dobishme 23/05/2017

Nuk ka rëndësi nëse keni vetëm dy dhoma që i jepni me qira për pushime, një hostel të vogël, çadra kampingu, apo një hotel me 3 yje: ju keni nevojë të bëni marketing online për të komunikuar me ata që janë duke planifikuar pushime, në mënyrë që të bëhen klientët tuaj. Ndryshe nga një biznes i zakonshëm që shet produkte apo shërbime gjatë gjithë vitit dhe klientët i kalojnë pranë dyqanit apo zyrave të shitjes, pushuesit zakonisht janë larg hotelit tuaj dhe kërkojnë produktin që shisni në një periudhë të caktuar. Kështu që, mënyra më efikase për të bërë të njohur produktin tuaj para klientëve potencialë është MARKETINGU ONLINE, kjo është gjithashtu edhe mënyra më e lirë.

Më poshtë kemi renditur disa pika orientuese për të ndërtuar një fushatë marketingu online, e cila do t’ju ndihmojë të prezantoni aty ku duhet produktin tuaj (dhoma plazhi, hotele, resorte etj) për ta kthyer në një marrëdhënie të sigurtë dhe afatgjatë me klientin e mundshëm.

 

Të njohësh klientin

Para se pushuesit të rezervojnë pushimet e ardhshme, ndoshta do të kenë bërë disa kërkime për të zgjedhur hotelin apo resortin e duhur për ta. Nëpërmjet 100oferta.com, Facebook, Instagram, Twitter dhe Tripadvisor ju keni mundësinë të ndikoni në mënyrën se si klienti percepton hotelin tuaj para se të vendosë të rezervojë.

Përcaktoni saktë produktin që ofroni dhe llojet e klientëve që dëshironi të vizitojnë hotelin tuaj. A vjen klienti juaj për biznes, aventurë, një fundjavë, pushime të shkurtra apo pushime të gjata me familjen? A duhet të prezantoni një atmosferë romantike apo të mbushur me aventura, ekonomike apo luksoze? Mënyra e prezantimit që vendosni në fillim do të përdoret në të gjitha platformat e mediave sociale, kështu që është e rëndësishme të zgjidhni me kujdes mesazhet tuaja që nga fillimi.

Pasi të keni ngushtuar këtë demografik, inkurajoni klientët që të përfshihen në postimet tuaja tek 100oferta.com, Facebook, Instagram apo Twitter. Shpërblejini ata duke ofruar zbritje për produktet dhe shërbimet. Nëse ata kanë një blog udhëtimi, ju kërkoni që të shkruajnë për hotelin tuaj, kundrejt një zbritje të mëtejshme. Nëse nuk kanë një blog udhëtimi mund t’ju propozoni për të postuar një vlerësim në TripAdvisor.

 

  1. Marketingu në 100oferta.com

    ⭐⭐⭐⭐⭐

Tek 100oferta.com ju keni dy mundësi të shkëlqyera për të prezantuar produktet tuaja:

  1. duke postuar oferta tek kategoria “Dhoma plazhi“, “Shtëpi pushimi”, ose “Pushime, Akomodim” dhe;
  2. duke promovuar biznesin tuaj tek blogu “Promovim”.

Për më tepër të dyja këto mundësi fantastike ofrohen FALAS nga 100oferta.com, duke u prezantuar para një audience të gjerë të shqiptarëve kudo nëpër Botë: Shqipëri, Kosovë, Maqedoni e disaporë. Çdo ofertë e re, apo shkrim promovues përhapet automatikisht edhe në rrjetet sociale (100.000+ ndjekës). Nëse klienti juaj i ardhshëm është duke kërkuar me fjalët kyçe “pushime në Shqipëri”, apo “Kerkoj dhoma plazhi me qira”, etj. terma si këto, ka më tepër se 80% mundësi, që oferta apo shkrimi juaj të lexohet prej tyre dhe nëpërmjet tij të vizitojnë edhe webin tuaj. 100oferta.com gjithashtu përmban një kuti kërkimi, e cila është efikase dhe e shpejtë. Përpara një audience prej 18.000 vizitorësh në ditë, me mesatarisht 42.000 oferta të lexuara në ditë, suksesi për ju është i sigurt.

 

  1. Marketingu në Facebook

    ⭐⭐⭐⭐⭐

Facebook është një vend ideal për të ndarë me të afërmit mesazhe, foto dhe video nga pushimet e tyre, para dhe pas udhëtimit. Kjo është mundësia juaj për të treguar se si hoteli apo resorti juaj, do t’i bëjë pushimet e tyre më të mirat që kanë pasur ndonjëherë.

Ju mund të pyesni klientë të ngazëllyer për hotelin tuaj, ose të krijoni lidhje përmes fotografive, videove në faqen tuaj. Jan disa mënyra për të krijuar një faqe të suksesshme në Facebook për të shtuar klientë të rinj dhe për të ri-fituar ata të mëparshmit:

  1. Zgjidhni një foto për Cover, me pamje të plotë dhe përshkruese – Një fotografi vlen sa një mijë fjalë, prandaj është e rëndësishme të zgjidhni me kujdes foton tuaj Cover. Zgjidh një foto bazuar në vendndodhjen, sezonin kryesor dhe atë që e bën hotelin tuaj të veçantë, sepse ky është imazhi më i dukshëm në faqen tuaj dhe gjëja e parë që njerëzit do të shikojnë. Duhet t’ju tregojë vizitorëve potencialin.
  2. Tregoni sa më shumë fotografi të jetë e mundur – Përdorni edhe fotografitë e qytetit tuaj për t’u krijuar një ide pushuesve për pushimet që do të kenë. Tregojuni atyre se ju jeni mikpritës gjatë gjithë kohës dhe kujdeseni për ta edhe kur nuk qëndrojnë në hotel. Krijoni albume me shumëllojshmëri të fotografive nga profesionistë që shfaqin hotelin dhe qytetin në dritën më të mirë.
  3. Krijoni oferta të veçanta ose promocione – Ju mund t’u ofroni klientëve stimuj të veçantë për të bërë “Like” faqen tuaj, si p.sh. zbritje për akomodimin e ardhshëm, që të inkurajoni klientët për produktin që shisni.

Cilat janë disa mënyra që mund ta bëni këtë?

  • Krijoni një konkurs dhe ftoni përdoruesit për të futur emrin dhe adresën e-mail.
  • U kërkoni atyre të ndajnë këtë garë me miqtë e tyre në Facebook për më shumë mundësi shtesë për të fituar.

 

  1. Marketingu në Instagram

    ⭐⭐⭐⭐

Instagrami është një mjet i fuqishëm marketingu dhe mund të ketë rezultate të shkëlqyera nëse përdoret siç duhet. Hashtags janë një komponent kyç në përdorimin e Instagramit.

  1. Hashtaget trendi mund të përdoren për të rritur ndërgjegjësimin e hotelit ose resortit tuaj – Mund të ketë raste të veçanta që ju dëshironi më shumë klientë në hotelin tuaj në një periudhë të caktuar, për një event të caktuar, p.sh. koncerte live, festa etj. Promocione të veçanta si këto inkurajojnë klientët e tjerë nëse dëshirojnë të marrin pjesë në këto evente.
  2. Hashtaget e veçanta mund të përdoren për klientë të veçantë – Nëse hoteli ndodhet në një vend të famshëm të bregdetit si Uji i Ftohte, ju mund të përdorni një hashtag specifik si #UjiFtohte. Gjatë planifikimit të një udhëtimi në një vend të caktuar, vizitorët potencialë do të kërkojnë nëpërmjet hashtagut të vendndodhjes, çka ju jep një mundësi të mrekullueshme për të shfaqur hotelin tuaj dhe t’u drejtoheni atyre.

 

  1. Marketingu në Twitter

    ⭐⭐⭐

Twitter ndoshta nuk është shumë i parapëlqyer për shqiptarët, por mbetet një nga rrjetet sociale kryesore për të huajt. Twitter e bën të lehtë për klientët, që të ndajnë përvojat e tyre me miqtë, duke sjellë referenca. Ai gjithashtu siguron një dritare prezantimi për t’u ekspozuar klientëve atë që hoteli juaj ka për të ofruar.

  1. Përfshini në një link (lidhje) me ofertat aktuale- Kjo varet nga vendet bosh që keni në dispozicion dhe datat që kërkoni të rezervohen.
  2. Pasqyrimi i ngjarjeve që ndodhin në qytet – Ka ndonjë festë apo ngjarje të veçantë në qytet? Shpërndani informacion rreth ngjarjes: një koncert, festival, promovim, inagurim etj.
  3. Ofroni shërbime për facilitetet e ofruara edhe jashtë dhomave të hotelit – Ndoshta keni një sallon, spa, restorant apo pishinë. Ndërtoni oferta vetëm për to, në mënyrë që klientët të vijnë sa më pranë hotelit tuaj. P.sh. 50% ulje për SPA, drekoni çift dhe paguani për një, ejani të shihni finale në barin tonë dhe shijoni një birrë falas, etj.

 

  1. Marketingu në Tripadvisor

    ⭐⭐⭐

Tripadvisor është një mjet popullor i përdorur nga turistët për të përcaktuar se ku të shkojnë, ku të qëndrojnë, ku të hanë dhe cilat vende të vizitojnë, gjithashtu iu jep atyre një mundësi për të ndarë mendimet dhe vlerësimet e tyre në lidhje me produktet e udhëtimit. Klientët ofrojnë rishikime të paanshme të hotelit tuaj, ngarkojnë fotot e tyre, votojnë pro ose kundër renditjen tuaj të hotelit, rekomandojnë miqtë etj.

Përveç turistëve, çdo hotel ose resort mund të krijojë një përshkrim të personalizuar, shërbimet e ofruara, çmimet, facalitetet dhe të ngarkojë fotot. Hoteli juaj do të renditet në një listë që përbëhet nga disa kategori: romantike, miqësore, familje, biznesi ose luksi.

Ju nuk mund të jeni në krye të listës së të gjitha hoteleve, por mund të jeni në kategori të caktuara. Theksoni ato pika që ju veçojnë nga hotelet e tjera. Ekziston edhe një opsion ku klientët mund të shikojnë çmimet dhe disponueshmërinë për rezervime. Për këtë arsye, po aq e rëndësishme është që çmimi juaj të jetë i saktë dhe i azhornuar sipas sezoneve.

 

Ky shkrim u publikua fillimisht tek lidhje.net 

 

është lexuar 184 herë (0 herë sot)

Mos u nxito! Vlerëso saktë pronën që shet!

Këshilla të dobishme 25/04/2017

Nëse po mendon të shesësh një shtëpi, makinë, telefon apo diçka tjetër, gjëja e parë që duhet të bësh, është një vlerësim i saktë, për të vendosur një çmim të pranueshëm si për blerësin, ashtu edhe për ty. Çmimi i shitjes nuk duhet t’ju shkaktojë humbje financiare, por as nuk duhet ekzagjeruar duke kërkuar një fitim, që ndoshta për llogjikën e tregut nuk është normal.

Nëse po mendon se ajo ç’ka shisni vlen shumë më tepër se kërkesat e tregut, mund të mos jetë momenti i përshtatshëm për ta nxjerrë në treg. Disa prej shitësve tregohen kokëfortë dhe vendosin çmime të larta, të cilat largojnë blerësit, duke pritur një kohë të gjatë për të “peshkuar” ndonjë blerës të painformuar. Por kjo është vështirë të ndodhë dhe në këtë rast kostoja më e madhe është KOHA.

Le të supozojmë një rast kur keni për të shitur një telefon 2 vjet të përdorur, duke pretenduar një çmim prej 20.000 Lekë. Pas gjashtë muajsh pritje për të gjetur një blerës, me qindra modele të reja hidhen në treg dhe çmimi i tij realisht mund të ulet deri në 15.000 Lekë. Për më tepër telefoni vjetërohet edhe më tepër, duke zvogëluar mundësitë e shitjes. I njëjti shembull vlen edhe për shitjen e një makine, ndërsa më i ndërlikuar mund të jetë rasti për shitjen e pronave, pasi vlerësimi i tyre ndikohet nga faktorë të tjerë, përveç kohës dhe konkurrencës në treg.

Po si ta vlerësoni drejt çmimin e shitjes për atë çfarë doni të shisni?

Mënyra më e mirë do të ishte hulumtimi i ofertave të ngjashme me atë që mund të publikoni edhe ju tek 100oferta.com. Duke krahasuar çmimet për një makinë të ngjashme me disa nga të dhënat kryesore, si p.sh: marka, viti i prodhimit, km e përshkruara dhe specifikime të tjera, do të arrini të kuptoni se ç’po ndodh në treg aktualisht.

Po ashtu, nëse mendoni të shisni shtëpi, apo ambjent biznesi, mund të hulumtoni ofertat e tjera, që kanë karakteristika të ngjashme, si p.sh: zona ku ndodhet, lloji i planimetrisë, sipërfaqja etj.

Suksesi juaj për të shitur diçka varet nga përcaktimi i një çmimi të drejtë që ndodhet në një interval mes pretendimit të blerësit dhe shitësit. Pasi të keni vendosur një çmim të drejtë, ju mund të publikoni ofertën tuaj tek 100oferta.com, mes mijëra ofertave të tjera, me të cilat mund të konkuroni gjithashtu në mënyrë të drejtë.

Ka raste, kur oferta e sapo publikuar tërheq menjëherë interesin e blerësve duke arritur në më shumë se 30 telefonata në ditë, tek të cilat duhet të gjeni blerësin tuaj potencial. Kjo tregon se çmimi që keni vendosur dhe përshkrimi i ofertës kanë qenë një zgjedhje e mirë.

Por ka edhe raste, kur oferta mund të mos krijojë interesin e dëshiruar në treg. Ju mund ta ndryshoni çmimin edhe pas publikimit tek 100oferta.com (duke klikuar “Menaxho ofertat”), por impakti i parë është shumë i rëndësishëm, kështu që një vlerësim i drejtë do të thotë një shitje më e shpejtë.

Pas vlerësimit për një çmim sa më të pranueshëm dhe formulimit të saktë të ofertës për publikim tek 100oferta.com, suksesi do të jetë i padiskutueshëm!

100oferta = 100%sukses!

 

është lexuar 125 herë (1 herë sot)

Si ta mirëmbani makinën

Këshilla të dobishme 08/03/2017

Mirëmbajtja e makinës jo vetëm i paraprin ndonjë defekti të mundshëm, por është më e sigurt për ju dhe të tjerët. Një makinë e mbajtur mirë, me të gjitha shërbimet e kryera në kohën e duhur, do të jetë gjithashtu më e vlefshme edhe kur ta shisni.

 

Nëse blini një makinë të përdorur ose të re, duhet të keni parasysh të bëni kontrollet e mëposhtme për ta mirëmbajtur:

 

Kontrolle periodike

Gjendja e gomave: Kontrolloni shpesh presionin e ajrit në goma. A është aq sa rekomandohet nga prodhuesi, pasi gomat paraqesin rrezik sigurie dhe rritin konsumin e karburantit të makinës. Kontrolloni nëse thellësia e gjurmëve të gomave e plotëson ose tejkalon minimumin prej 1.6mm. Drejtimi me goma të konsumuara është jashtëzakonisht i rrezikshëm dhe mund të ndikojë që nga aksidenti deri në pezullimin e lejës së drejtimit.

Niveli i vajit: Vaji është gjaku i makinës dhe e mban motorin në gjendje të mirë duke e lubrifikuar, pastruar dhe freskuar. Niveli i ulët i vajit do të shkaktojë dëmtimin e motorit, sepse nënproduktet e karbonit do të formojnë skorje në pjesët kritike të motorit dhe çdo sipërfaqe e tyre rrit konsumin. Kontrolloni vaji rregullisht, pas çdo 5000 deri 8000 km, në varësi të markës dhe llojit të vajit të përdorur. Asnjëherë mos e kontrolloni nivelin e vajit kur motori është i nxehtë.

Niveli i lëngjeve të tjera: Ruajtja e nivelit të duhur të vajit është e rëndësishme, por ka lëngje të tjera, për të cilat makina ka nevojë në mënyrë që të funksionojë në mënyrë të sigurtë dhe pa probleme. Sa herë kontrolloni vajin, kontrolloni edhe alkoolin e frenave, ujin e radiatorit dhe të fshirëses së xhamave. Pyetni një mekanik të besuar për të kontrolluar, nëse nuk keni njohuri të mjaftueshme.

Vaji i kutisë së shpejtësisë (kambios): Konsultohuni me një mekanik për kontrollin e vajit të kambios dhe nëse është e nevojshme mbushjen e saj me vaj shtesë.

Rripi i motorit: Përdorimi i rripave të lirshëm mund të shkaktojë probleme serioze në motor, veçanërisht në qoftë se ata janë dëmtuar gati për t’u këputur. Shiko për pjesët e veshura dhe dëgjo me kujdes për ndonjë zhurmë të pazakontë që vjen nga motori, ndërsa drejtoni makinën. Nëse vini re ndonjë problem, duhet të shkoni menjëherë në servis, pa pritur shërbimin e ardhshëm.

Bateria e makinës: Bateria e makinës gradualisht do të vjetërohet dhe duhet të zëvendësohet, por mund ta zgjatni përdorimin e saj duke e pastruar për të shmangur korrozioni. Së pari, hiqni fishat e baterise pastaj pastroni polet. Mund të përdorni edhe ujë të gazuar për këtë punë, por rekomandohen produkte profesionale pastrimi që i gjeni në dyqane me pjesë-auto. Së fundi, shpëlajeni me pak ujë dhe thaheni me një leckë të pastër.

Fshirëset e xhamave: Kontrolloni nëse janë dëmtuar fshirëset e xhamave. Zëvendësimi i fshirëseve është jashtëzakonisht i lehtë. Nëse nuk jeni i sigurt për llojin e duhur kontrolloni manualin e makinës.

 

Rregullime të përgjithshme

Mbani pastër sallonin (pjesën e brendshme të makinës): Kjo mund të duket e parëndësishme, por salloni i makinës shpesh i bën shumë përshtypje një blerësi të ardhshëm. Nivelet i vajit dhe gjendja e shumë pjesëve poshtë kapakut nuk mund të jenë të rëndësishme për një marrëveshje me blerësin, por një sallon i pistë ose një radio / CD e thyer ndikon shumë në caktimin e çmimit.

Pastroni me vakum tapicerinë e brendshme, kroskotin, xhepat anësore dhe sigurohuni që çdo pjesë elektronike është mbajtur në gjendje të mirë pune.

Mbani shënime në libër shërbimi: Për shumë makina 5-15 vjet të përdorura shërbimet e servisit janë të vlefshme në libër servisi, i cili i jepet pronarit të ri. Makinat e prodhuara vitet e fundit i plotësojnë shërbimet përkatëse në internet për të informuar gjendjen gjatë ndryshimit të pronësisë. Megjithatë, mbajtja e një libri shërbimi të saktë është ende i rëndësishëm dhe çdo boshllëk në këtë libër mund të shtyjë blerësit të mendojnë se keni diçka për të fshehur.

Nëse zbatoni këto kontrolle në kohën e duhur do të bëni kursime të konsiderueshme dhe do të drejtoni një makinë të sigurt e të pastër. Përveç kësaj, makina do të duket shumë më tërheqëse kur të mendoni se është koha për ta shitur.

është lexuar 230 herë (0 herë sot)

Pse është i nevojshëm marketingu?

Këshilla të dobishme 02/03/2017

Suksesi i çdo biznesi qëndron në fushën e marketingut. Sektorët që mbulon një marketing i mirë janë: reklamat, promovimet, marrëdhëniet me publikun dhe shitjet.

Po çfarë bën marketingu në të vërtetë? Marketingu është një proces që trajton një shërbim apo një produkt dhe më pas e promovon drejt çdo konsumatori të mundshëm. Nëse nuk bëni marketingun e duhur, mund të ofroni produktet më të mira në treg, por askush nuk do të dëgjojë të flitet për to. Pa marketing shumë kompani do të mbylleshin, për shkak se shitjet e tyre do të binin.

 

Marketingu përhap fjalën

Nëse doni që biznesi juaj të jetë i suksesshëm, shërbimi ose produkti që ofroni duhet të jetë i njohur, në mënyrë që të fitoni blerësit potencialë. Në qoftë se biznesi juaj është i panjohur për komunitetin dhe ju nuk keni asnjë lloj komunikimi me klientët tuaj, duhet të përdorin patjetër një strategji marketingu.

Pa marketingun e duhur klientët potencialë nuk janë në dijeni se çfarë ofron biznesi juaj dhe kompania mund të humbasë mundësinë për t’u zgjeruar dhe të bëhet e suksesshme.

 

Marketingu rrit shitjet

Pasi të keni prezantuar shërbimet apo produktet e kompanisë, ju do të rritni mundësitë për të realizuar shitje. Kjo bëhet realitet, pasi konsumatorët e rinj do të përhapin fjalën dhe do t’ju tregojnë miqve të tyre për shërbimet tuaja të mahnitshme apo produktet që kanë zbuluar. Mos harroni: klientët e kënaqur mund të bëhen shitësit tuaj. Ndërsa fjala e tyre përhapet gjithnjë e më shumë, edhe shitjet tuaja do të rriten ngadalë. Por pa përdorur fillimisht strategjitë e marketingut, kjo nuk do të kishte ndodhur kurrë dhe pa shitjet, biznesi juaj nuk do të ishte i suksesshëm.

 

Marketingu rrit reputacionin e kompanisë tuaj

Reputacioni i kompanisë është një faktor i rëndësishëm, i cili përcakton nëse biznesi juaj do të vazhdojë të jetë i suksesshëm ose jo. Marketingu i mirë ju ndihmon të ndërtoni markën tuaj.

Kur kompania juaj shfaqet me një të ardhme të sigurt në sytë e publikut, atëherë ajo do të qëndrojë në një terren më të fortë. Pra, kur reputacioni rritet, do të rriten edhe shitjet, ç’ka ju krijon mundësinë për të zgjeruar biznesin.

Për të ndërtuar një reputacion të mirë të kompanisë, duhet të tregoheni sa më aktivë në treg, qoftë në komunikimin efektiv me klientët e tregut lokal, qoftë edhe përtej kufijve.

 

Marketingu ju bën konkurent të ndershëm

Marketingu krijon në treg një konkurrencë të shëndetshme. Kur ju prezantoni çmimet përmes marketingut, jo vetëm që arrini tek konsumatorët potencialë, por gjithashtu arrini tek biznese të tjera që operojnë në të njëjtën industri.

Nëse nuk krijohet kjo konkurrencë e shëndoshë, kompanitë tentojnë të kthehen drejt modelit monopol dhe do të shesin produktet e tyre me çmimet e vendosura arbitrarisht, ndërsa kompanitë e tjera nuk do të kenë mundësi të qëndrojnë në treg. Marketingu mundëson që edhe kompanitë me përvojë, edhe kompanitë e reja të rriten dhe të operojnë në treg.

 

Përfundime

Edhe pse marketingu është shumë i rëndësishëm për çdo biznes, ai mund t’ju kushtojë shtrenjt. Mesatarisht, bizneset e reja shpenzojnë 12-20 % të të ardhurave për marketing që në vitin e parë, ndonëse ka raste kur ju duhet të shpenzojnë deri në 50%. Pas kësaj, buxheti juaj për marketing mund të zvogëlohet gradualisht, por jo më pak se 6% e të ardhurave bruto. Në mënyrë që kompania juaj të ketë mundësitë më të mira, strategjia më e mirë e marketingut do të ishte përzierja e etapave të ndryshme të marketingut online, apo offline, si: krijimi i markës, ndërtimi i website, mediat sociale, pritnime të ndryshme, transmetimi i reklamave video&audio, marrëdhëniet me publikun dhe evenimente të veçanta si panairet tregtare etj. Marketingu mund të kushtojë shumë, por duhet të investoni në mënyrë që të fitoni.

Burimi: lidhje.net

është lexuar 203 herë (0 herë sot)

15 pyetjet më të zakonshme në një intervistë pune

Këshilla të dobishme 10/02/2017

Nuk ka rëndësi nëse është hera e parë, apo e 100-të që intervistoheni për një vend pune. Gjithmonë është e rëndësishme që të jeni të përgatitur, që nga kontakti juaj fillestar me menaxherin e punësimit dhe në vijim. Sigurohuni që keni njohuri të mjaftueshme për kompaninë kohët e fundit, nëse është cituar në lajme, ka nxjerrë produkte të reja, apo ka fituar ndonjë çmim. Hulumtoni për kompaninë nëpërmjet blogjeve, publikimeve, studimeve etj. Përdoreni këtë informacion për të treguar njohuritë tuaja të pozitës aktuale të kompanisë në treg dhe synimin e saj për të ardhmen.

Rishikoni CV-në. CV-ja juaj është përzgjedhur për një arsye. Edhe po të keni dorëzuar një kopje dixhitale, mos harroni të sillni një kopje të printuar për intervistë. Rilexoni përshkrimin e punës përpara intervistës tuaj, për të ndërtuar një argument bindës që shpjegon se si përvoja juaj e mëparshme ju bën një kandidat potencial për këtë rol, në këtë kompani.

Gjithmonë tregohuni të ndershëm, konçizë dhe mos “tregoni me gisht” punëdhënësit e mëparshëm. Shpjegoni raportet që keni me ndershmëri dhe besim. Pas shqyrtimit të CV-së, ka të ngjarë të vijë radha e pyetjeve nga intervistuesit. Shumë herë edhe intervistuesit nuk e dinë se cila përgjigje mund të jetë e drejtë, ose pranojnë se nuk ka përgjigje të drejtë, kështu që mos u bëni nervoz.

Ja një listë me 15 pyetjet më të zakonshme në një intervistë pune:

  • Cilat janë pikat tuaja më të forta?
  • Cilat janë pikat tuaja më të dobëta?
  • Pse jeni të interesuar për të punuar për kompaninë tonë?
  • Ku e shihni veten pas pesë viteve? Dhjetë viteve?
  • A jeni të gatshëm për t’u zhvendosur?
  • A jeni të gatshëm për të udhëtuar?
  • Më tregoni një arritje tuajën.
  • Më tregoni për një rast kur keni bërë një gabim.
  • Si e ëndërroni punën tuaj?
  • Si keni dëgjuar për këtë pozicion?
  • Na flisni rreth fillimeve tuaja.
  • Diskutoni për formimin tuaj arsimor.
  • Përshkruaj veten.
  • Më tregoni se si e trajtoni një situatë të vështirë.
  • Pse duhet t’ju punësojmë ju?

është lexuar 192 herë (0 herë sot)

Si të bëhesh një agjent imobiliar i suksesshëm

Këshilla të dobishme 01/02/2017

Çfarë duhet të bësh, që të kesh sukses në botën imobiliare? Disa mund t’ju thonë se është shumë e thjeshtë, mjafton të shesësh. Por, për çdo agjent, veçanërisht për ata të rinjtë, mund të jetë e vështirë. Shitja e pronave është një biznes i komplikuar, dhe fitimi i të ardhurave të konsiderueshme nuk ndodh brenda ditës.

Ja 10 këshilla themelore për agjentët e rinj të pasurive të patundshme.

 

  1. Gjej kompaninë e duhur imobiliare

Në hapat e parë, askush nuk ka një reputacion për t’u mbështetur. Kjo është arsyeja pse duhet të jeni pjesë e ekipit më të mirë në treg. Mënyra më e mirë për të kuptuar se cila agjenci imobiliare është e duhura për ju, është të kryeni disa kërkime për të gjetur se cilat kompani kanë më tepër oferta për shitje pronash, cilat kanë infrastrukturën më të fortë të marketingut dhe cila ofron mbështetjen që keni nevojë për të ndërtuar karrierën tuaj. Pasi të keni piketuar disa prej tyre, bisedoni me ndonjë prej agjentëve që punojnë në këto agjenci dhe vëreni me kujdes reagimete tyre.

 

  1. Perceptimi realist

Mund të zhgënjehesh lehtë, nëse realiteti për vitin e parë si agjent i pasurive të patundshme nuk përputhet me synimet e mëdha që kishe vendosur për veten. Shumë agjentë të rinj e humbasin shpejt entuziazmin kur hasin në barrikadën e parë, ose shpenzojnë aq shumë para për marketing sa nuk kanë më mundësi të ndërtojnë siç duhet biznesin e tyre. Dhe pas kësaj ata vrapojnë me vrull drejt për të dalë nga ky labirint. Kjo nuk do të thotë se optimizmi është gjë e keqe, vetëm se duhet përzier me një dozë të realizmit në mënyrë që të mos e humbni vrullin, sidomos në kohë të vështira kur merrni përsipër telashet e  shpenzimeve të shpejta.

 

  1. Bëni një plan biznesi dhe zbatojeni me rreptësi

Pas çdo biznesi të mirë, ekziston një plan i saktë biznesi. Pasuritë e patundshme janë një biznes dhe në qoftë se doni të keni sukses, nuk mund ta bëni pa një plan të duhur biznesi. Një plan i mirë duhet të përmbajë elementë të tillë si: qëllimet e shitjes, reklamat dhe marketingu, analiza e shpenzimeve, analiza e konkurrencës dhe elementët tuaj unikë, pra ajo çfarë ju bën të ndryshëm në këtë biznes. Plani i biznesit do të ndryshojë me kalimin e kohës, por që të hidhen hapat e parë,keni nevojë për një themel të fortë. Një pjesë e këtij plani, ajo e marketingut, është një faktor veçanërisht i rëndësishëm. Duhet të keni ide të qarta se si do t’i gjeni klientët e mundshëm, si do të ngjallni interesin e tyre dhe se si do të kthehet ky interes në shitje.

 

  1. Gjeni një agjent me përvojë dhe të besueshëm

Edhe nëse keni arsimimin e nevojshëm për fushën e pasurive të patundshme, nuk ka ndonjë formulë të gatshme që t’ia dilni menjëherë me sukses në botën e ndërlikuar të shitjeve të pasurive të patundshme. Në mënyrë që hyni në lojë, duhet të trajnoheni nga një agjent me përvojë dhe i besueshëm. Ju mund t’i kuptoni të gjitha detajet financiare për të bërë shitje, por pjesa më e rëndësishme është kur vjen puna për gjurmimin e blerësit aktual. Zgjidhni dikë që ka pasur sukses të konsiderueshëm në zonën tuaj, ka një stil të ngjashëm profesional me tuajin dhe është e hapur për t’ju treguar gjithçka. Një marrëdhënie e mirë mund të jetë me dobi për të dyja palët.

 

  1. Krijimi i një markë që bën një përshtypje

Si në çdo treg, ashtu edhe në atë të pasurive të patundshme, konkurrenca do të jetë e madhe. Mënyra më e mirë për t’u përballur është krijimi i një marke biznesin tuaj, që iu identifikon dhe tregon se jeni ndryshe nga çdo agjenci tjetër. Kjo përfshin një logo të veçantë, skemën e ngjyrave, fotot e profilit dhe ndoshta një sllogan. Në mënyrë që të shisni pronat si një profesionist, do t’ju duhet të ndërtoni një markë prestigjioze.

 

  1. Gjej prerjen e artë

Shumica e agjentëve iu thonë klientëve të tyre se ata mund të shesin çdo pronë, me çdo çmim. Ky është një shembull i gabuar për t’u ndjekur, veçanërisht kur jeni një agjent i ri. Jo vetëm që demonstron mungesë të besueshmërisë, por gjithashtu tregon se ju mungon ekspertiza specifike për vlerësimin e rastit në fjalë. Premtimet e pamatura në një treg të panjohur mund t’ju çojë në katastrofë. Një strategji e mirë do të ishte të forconit markën tuaj, duke u bërë një ekspert i tregut. Fillimisht ndoshta mund të merrni përsipër një shitje të lënë përgjysëm ose në harresë, kështu që do të shmangni betejat e panevojshme me një agjent me përvojë, për të fituar me vështirësi territorin.

 

  1. Mësoni të shisni njohuritë tuaja

Në mënyrë që të shisni pasuri të patundshme, duhet të keni njohuri rreth pasurive të patundshme. Nëse nuk keni njohuri për detaje të rëndësishme si prezantimi, çështjet që kanë lidhje me transaksionet, çështjet ligjore etj, atëherë mos nxitoni të filloni kontaktet me klientët. Nuk është e mjaftueshme thjesht të shisni veten sikur keni njohuri të përgjithshme, por duhet të demonstroni se ju i njihni problematikat dhe informacionin e tregut, në mënyrë që të ndërtoni reputacionin tuaj si ekspert në fushën e zgjedhur.

 

  1. Jeni produktiv në përcaktimin e qëllimeve

 

Nëse jeni i vetë-punësuar, ju nuk keni shef apo mbikëqyrë që ju vendosin oraret, apo që ju kontrollojnë a keni punuar mjaftueshëm çdo ditë. Kjo lloj lirie mund të jetë çliruese, por gjithashtu mund t’ju çojë në mungesë produktiviteti dhe humbjen e të ardhurave. Mënyra më e mirë për të mbajtur një standard të lartë produktiviteti është të caktoni objektivat për veten dhe të krijoni një rutinë që do ju ndihmonte të menaxhoni kohën në mënyrë efektive. Duhet të planifikoni çdo javë detyra të rëndësishme si publikim ofertash, ndërtimin e marrëdhënieve me klientët etj, dhe planin e marketingut. Nëse nuk i bëni këto detyra periodikisht, mund të mbeteni pas dhe biznesi juaj mund të vuajnë seriozisht.

 

  1. Trajtojeni klientin si mbret

Ky mund të përshkruhet si një rregull i artë në tregun imobiliar: “Trajtojini klientët tuaj, ashtu si do të donit t’ju trajtojnë.” Kur tregoni respekt të madh, integritet dhe mirësi ndaj klientëve, ju do të ndërtoni një reputacion si lloji i agjentit me të cilin njerëzit duan të punojnë. Si një agjent i ri, kjo është e paçmueshme, pasi disa prej klientëve tuaj të parë mund ta ndërtojnë ose shkatërrojnë karrierën tuaj. Në qoftë se i trajtoni drejt, ata mund të kthehet në shitës të mirë, gjë që kërkon çdo biznes.

 

  1. Vazhdoni të kërkoni për klientë të rinj

” Vazhdoni të kërkoni për klientë të rinj.” Ky mund të jetë një sllogan që duhet ta përsëritni me vete çdo ditë, ose shkruajeni me shkronja të mëdha në zyrën tuaj. Kjo tingëllon e thjeshtë, por shpesh agjentët harrojnë për rëndësinë e gjetjes së klientëve të rinj, pasi arrijnë një nivel të caktuar suksesi. Ndodh që mund të jeni mbytur me klientë një ditë dhe pastaj, një javë askush nuk i bie telefonit, as troket në zyrë. Duhet të jeni vazhdimisht duke kërkuar nga po shkon e reja, madje edhe kur ndjeheni se keni shumë kontrata në dorë, në mënyrë që të siguroheni se biznesi juaj i pasurive të patundshme është i suksesshëm jo vetëm sot, por nesër, javën e ardhshme, dhe dhjetë vjet më vonë.

  • Agent Marketing Tips

është lexuar 304 herë (1 herë sot)

Suksesi i ofertave të publikuara edhe në rrjetet sociale

Këshilla të dobishme 14/01/2017

Pjesa më e madhe e informacionit që marrim çdo ditë, i takon internetit. Hapësira e mediave klasike si: gazetat, revistat dhe televizionet, sa vjen e ngushtohet, ndërsa numri i faqeve të reja të internetit (website) bashkë me përdorimin e rrjeteve sociale, shtohen me ritme të shpejta.

Në Shqipëri numri i përdoruesve të interentit që përdorin rrjetet sociale është rreth 1.500.000 ose më shumë se 50% e popullsisë, ndërsa grupmosha që i përdor më tepër është 25-34 vjeç, që përbën afërsisht 25% të përdoruesve. Vetëm përdoruesit e Facebook, rrjetit më të madh social, përllogariten rreth 1.400.000 (qershor 2016, burimi: internetworldstats).

Ky numër kaq i madh përdoruesish i ka kthyer rrjetet sociale në burimin kryesor të informacionit për lajme, blogje, statistika, lajmërime, oferta, njoftime, biseda mes njëri tjetrit etj. Larmia e mediave që mund të përcjellin rrjetet sociale, si: video, foto, tekste, imazhe, lidhje (links), sondazhe, etj është e pazëvendësueshme. Shumë prej përdoruesve përveç profilit, kanë madje faqet e tyre mjaft aktive, duke u kthyer edhe vetë në një burim informacioni të nevojshëm.

100oferta.com që ditën e parë të prezantimit online, më 8 shkurt 2012, ka qenë mjaft aktive në rrjetet sociale kryesore që përdoren në Shqipëri dhe ka arritur të ndërtojë një komunitet me më shumë se 100.000 ndjekës të rregullt. Çdo ofertë e re e publikuar tek 100oferta.com publikohet njëkohësisht edhe në faqet e 100oferta në Facebook, Google+, Twitter, Linkedin etj. Kjo është arsyeja që përveç vizitorëve të përditshëm tek 100oferta.com, ofertat e publikuara lexohen nga mijëra persona të tjerë.

Çdo postues i ofertave apo vizitor mund ta publikojë gjithashtu një ofertë në rrjetet sociale, duke klikuar ikonat në fund të ofertës siç tregohet në figurën më poshtë.

rrjetet-sociale-shqiperi

Po ashtu nëse e hapni 100oferta.com nga telefoni mund ta njoftoni publikimin për miqtë tuaj edhe nëpërmjet WhatsApp.

Shembujt më të mirë të ofertave të suksesshme janë ata kur edhe postuesi e ka shpërndarë ofertën e publikuar në profilin apo faqen e tij, duke arritur një numër rekord të leximit të ofertës brenda 2 ditëve, siç tregohet më poshtë.

perhapja-e-ofertes

Kjo është arsyeja pse e njëjta ofertë që mund të publikoni në faqe të ndryshme, tek 100oferta.com ka më tepër lexime dhe interes, e rrjedhimisht mundësi më të mëdha për të qenë e suksesshme.

100oferta.com = 100% sukses!

 

është lexuar 411 herë (0 herë sot)

Faqe 1 nga 41 2 3 4
  • 10 këshilla për të shitur një makinë të përdorur

    prej në 15/09/2017 - 1 Komente

    1. Të njohësh tregun Do të jetë e lehtë të shisni makinën tuaj? Apo do t’ju duhet të ulni çmimin dhe të prisni gjatë? Ja disa të dhëna interesante: –          Makinat familjare edhe pse nuk kanë shumë fansa, kanë një kërkesë në rritje –          Shitjet e makinave të modifikuara dhe sportive janë sezonale; më shumë […]

  • Promovo biznesin në blogun e 100oferta.com

    prej në 15/09/2017 - 0 Komente

    Kërkon të përhapësh idetë e tua? Dëshiron të promovosh një sipërmarrje? Ke një reagim për funksionimin e tregut? Shkruaj në blogun e 100oferta.com dhe do kesh mundësinë që shkrimi të lexohet nga mijëra vizitorë në ditë, të përhapet brenda pak minutash në rrjetet kryesore sociale: Facebook, Linkedln, Twitter, Google+ etj., në të cilat 100oferta.com ka […]

  • Cila është më e mira nga makinat e përdorura?

    prej në 31/08/2017 - 0 Komente

    Kompania prestigjoze e testimit të makinave Dekra ka vlerësuar 15 milion inspektime të automjeteve. Kur ble një makinë të përdorur, ka edhe shumë rreziqe. Për shembull, vlerësimi i kostove për mirëmbajtjen e vazhdueshme: Sa është rreziku për blerjen e një makine që ka përshkuar 100,000 kilometra? A ka nevojë për shërbime në kutinë e shpejtësisë, […]

  • 15 arsye pse duhet të vizitoni Shqipërinë

    prej në 30/06/2017 - 0 Komente

    Publikuar nga Alexander Waltner (Suedi) Dëshironi të vizitoni Shqipërinë? Zgjedhje e mirë! E kam bërë vitin e kaluar dhe u kënaqa. Deri tani është një nga vendet e mia të preferuara, dhe këtu janë 15 arsye pse të gjithë duhet të vizitojnë Shqipërinë në vitin 2017! Është ende një vend relativisht i pashkelur Sa njohuri […]

  • Tregu i pronave në bregdetin e Adriatikut. A mund të konkurojë Shqipëria?

    prej në 15/09/2017 - 0 Komente

    Luhatjet e tregut të pronave në bregdetin dalmat Pas një recesioni të gjatë prej 6 vitesh (2009-2015), tashmë ekonomia e Kroacisë është në rritje, ç’ka pritet të forcojë në mënyrë të natyrshme edhe  tregun e pronave. Një rikuperim i çmimeve po ndodh edhe në kryeqytet Zagreb dhe vitet e ardhshme pritet një rimëkëmbje edhe për […]