Mirësevini, vizitor! [ Regjistrohu | Hyr

Bli me plan: Kur dhe çfarë duhet të blesh

Këshilla të dobishme 20/10/2017

Një plan i thjeshtë mund t’ju kursejë shumë para kur bëhet fjalë për blerjet gjatë gjithë vitit. Dihet se disa gjëra janë më të lira në kohë të caktuara. Nëse jeni duke blerë me shumicë, duke ngrënë jashtë, duke blerë në internet, apo duke blerë ndonjë gjë tjetër, shpesh ka “një kohë më të mirë për të blerë”. Çdo vit, ne përpilojmë një listë të periudhës më të mirë për të blerë në dyqane të cilat boshatisin stokun e vjetër, ose kur ulin çmimet për festat, apo edhe kur fillojnë të shtojnë shitjet pa asnjë arsye.

 

Tremujori i parë (Janar / Shkurt / Mars)

Mjete lundrimi: Shitja e tyre është jashtë sezonit, që do të thotë se mund të kapni shumë oferta  me çmime të mira.

Kompjutera: Sasia më e madhe e zhdoganimit të kompjuterave në janar dhe shkurt është e madhe, jo vetëm në Shqipëri, por edhe në Botë.

Kondicionerë: Janë padyshim jashtë sezonit (të paktën në Tiranë, Elbasan, Durrës, Fier, Vlorë dhe Shkodër).

Aksesorë për dasma: Tashmë shumë preferojnë një dasëm në pranverë, që do të thotë se është shumë më e lehtë për të gjetur një vend dhe për të negociuar çmimet që në dimër – në varësi të vendndodhjes, natyrisht.

Veshje dimri: Sa më shumë të vonoheni në ditët e fundit të dimrit për të blerë veshje dimri, aq më të lira do t’i gjeni çmimet, sepse të gjithë i kanë blerë ato tashmë.

 

Janar

Veshje: Keni qenë ndonjëherë në një dyqan veshjesh pas Krishtlindjeve? Është e mrekullueshme. Të gjithë kanë ulje çmimesh pas pushimeve, kështu që është momenti për të blerë disa rroba shtesë nëse keni nevojë për to.

Qilima dhe parkete: Shumica e njerëzve blejnë qilima në fund të vitit, gjatë përgatitjeve para festave. Por, sapo Janari t’i afrohet fundit, çmimet do të zbresin.

Mobilje: Mobiljet janë më të lira në kohë të ndryshme të vitit, por janari është muaji më i mirë, pasi shumica e kompanive të mobiljeve i qarkullojnë produktet e reja dy herë në vit: në shkurt dhe gusht. Kjo do të thotë se ata do të bëjnë disa ulje në janar për të hapur vend për produktet e reja.

Dyshekë dhe jorganë: Janari ka qenë muaji më i mirë për të blerë dyshekë dhe mbulesa, natyrisht, ashtu si me veshjet, shitësit do të ulin çmimet për stinën e kaluar.

Motor (motoçikletë): Është me të vërtetë ftohtë dhe nuk duket mot i përshtatshëm për motor, por nëse keni menduar për blerjen e një motori, blijeni në janar dhe prisni kur moti të ngrohet.

Kostume: Jo shumë njerëz blejnë kostume në janar, kështu që mund të shihni ofertat e ndryshme. Mos harroni, megjithatë, ju merrni atë që ju paguani, kështu që mos u nisni vetëm nga kostoja.

Video Lojëra: Shumë lojëra të reja shfaqen në fund të vjeshtës për sezonin e festave dhe dalin në shitje pasi pushimet mbarojnë. Kontrolloni për çmime të zbritura.

 

Shkurt

Telefona: Dita e Shën Valentinit mund të duket si një ditë e çuditshme për shitjet e telefonave celularë, por shpesh mund të gjeni ofertat e pritura në ditët në vijim, pas festës.

Televizor: Të gjitha shfaqjet e bukura, kampionatet e futbollit, apo evenimentet e tjera televizive janë drejt përfundimit, nxitoni para se të vijë Pranvera.

 

Mars

Çokollata: Nëse i dëshironi aq shumë prisni deri pas 14 shkurtit.

Çanta: Është fundi i stinës të ftohtë, kështu që dyqanet po ulin çmimet. Mund të shihni edhe për çantat e verës, të cilat mund t’ju duhen që në mars.

 

Tremujori i dytë (Prill / Maj / Qershor)

Pajisje elektronike: Viti fiskal i prodhuesve japonezë dhe koreanë përfundon në mars, kështu që ata janë të interesuar të heqin qafe stoqet e vjetra.

Shtëpi: Blerja e një shtëpie është pak më ndryshe. Fundi i verës deri në fund të vitit është sezoni i pikut për blerjen e shtëpive, që do të thotë se çmimet janë të larta dhe konkurrenca është e ashpër, por në tremujorin e dytë mund të keni një përzgjedhje shumë më të mirë.

Kamera dixhitale: Kamerat digjitale fillojnë të dalin në shitje në shkurt, pasi modelet e reja janë prezantuar në janar. Megjithatë, nëse jeni duke kërkuar për çmime më të mira, do t’i gjeni në tremujorin e dytë të vitit – për sa kohë që s’e keni problem blerjen e një modeli pak më të vjetër.

Fshesa: Fshesat e reja zakonisht dalin në qershor. Kjo është shumë e leverdishme, pasi ju mund të blini një fshesë për një çmim të ulët paraprakisht dhe të filloni pastrimin që në pranverë.

 

Prill

Atlete, veshje sportive: Ndërsa moti fillon të bëhet më i ngrohtë, është një kohë e mrekullueshme për të përfituar nga shitjet e pranverës në dyqanin tuaj të preferuar.

 

Maj

Frigoriferë: Ndërkohë që pajisjet më të mëdha dalin në shitje gjatë fundit të vitit, frigoriferët janë përjashtim i madh. Modelet e reja dalin në maj, kështu që modelet e vitit të kaluar do të ulin çmimet.

Mobilje zyre: Nëse ju bleni menjëherë pas periudhës kur bizneset sapo kanë paguar taksat vjetore të bashkisë, zakonisht mund të gjeni marrëveshje të shkëlqyera për karrige dhe tavolina zyre.

 

Qershor

Makinë Pjatalarëse: Sezoni i dasmave sjell ulje çmimesh për të gjitha enët, duke përfshirë edhe ato që nuk kanë lidhje me një dasëm.

Anëtarësimi në palestra dhe pajisjet sportive: Gjithkush harron “shëndoshjen” gjatë festave të Vitit të Ri duke u dembelosur pak, kështu palestra është më pak e kërkuar. Mund të blini pajisje palestre edhe për shtëpinë tuaj me një zbritje të ngjashme.

Mjete pune: Është e vështirë të ankoheni për çmimet e veglave të punës. Para pushimeve verore shitjet e tyre bien dhe çmimet gjithashtu.

 

Tremujori i tretë (Korrik / Gusht / Shtator)

Kompjuter, laptop: Procesorët e rinj Intel dhe AMD fillojnë të shfaqen në korrik, dhe shitjet pas përfundimit të shkollave janë duke rënë. Nëse dyqanet e kompjuterave kërkojnë të ruajnë shifrat e shitjeve do t’ju duhet të ulin çmimet.

 

Korrik

Mobilje: Korrik është muaji tjetër i mirë për të blerë mobilje, meqënëse shumë gjëra të reja do dalin në gusht. Kontrolloni shitjet e stoqeve për disa çmime të mira.

Dekorimi i shtëpisë: Do të gjeni shumë oferta të mira për dekorimin e shtëpive gjatë mesit të sezonit të dasmave.

Video Lojra: Nëse luani lojëra, mund të prisni derisa lojrat tuaja të dëshiruara të dalin në shitje, zakonisht disa muaj pasi të jenë prezantuar. Lojtarët e PC-ve mund të përfitojnë nga shitjet e mëdha në internet

 

Gusht

Veshje për fëmijë: Është përsëri sezoni i shkollës, kështu që shumë dyqane janë më të orientuara nga fëmijët.

Mjete shkollore: Me shitjet e mjeteve shkollore nënkuptojnë edhe furnizime për zyra. Mund të blini tani, kur shitjet janë në pikun e tyre, ose edhe më vonë në shtator, kur dyqanet janë duke larguar stoqet.

Rroba banje: Ndërkohë që në fillim të pranverës mund të gjeni çmime të mira për rrobat e banjës, zbritjet më të mira vijnë në fund të verës, kur të gjithë pastrojnë inventarin e tyre.

 

Shtator

Pajisje shtëpiake: Me përjashtim të frigoriferëve (shih Maj), shtatori dhe tetori janë koha më e mirë për të blerë pajisje të mëdha, pasi shfaqen modele të reja. Ju mund të merrni modelet e vitit të kaluar për shumë më pak para.

Biçikleta: Modele të reja dalin në fund të sezonit, që është rreth shtatorit. Shikoni për çmime të mira të modeleve nga viti i kaluar.

Makina të reja: Makinat e reja zakonisht dalin në fund të verës, kështu që shumë prej tyre do të bëjnë njëfarë ulje çmimi për modelet e vjetra. Do të jetë më e lehtë të përballosh çmimin për blerjen e një makine të re. Kjo është gjithashtu një kohë e mirë edhe për të marrë makinë me qera, pasi piku i verës ka kaluar.

Korrëse bari, vegla kopshti: Dyqanet duhet të krijojnë vend për pajisjet e dimrit, që do të thotë se kositëset e barit mund të duan t’i largojnë nga dyqani. Zgjedhja nuk do të jetë aq e mirë, por pranverën e ardhshme do të keni një korrëse të blerë me shumë pak lekë.

Bileta avioni: Ju duhet t’i blini biletat e avionit dy muaj më parë, që do të thotë se tani është koha për të përgatitur vizitat për pushimet tuaja për miqtë dhe familjen.

Artikuj shkollore: Siç e përmendëm më lart, dyqanet do të pastrojnë hapësirat e tyre nga të gjitha mjetet e shkollës. Çdo gjë që nuk keni nevojë për javët e para të shkollës, mund të blihet në shtator për edhe më pak.

Verë: Është koha e vjeljes, që do të thotë se kjo është koha më e mirë për të grumbulluar verën.

 

Tremujori i katërt (Tetor / Nëntor / Dhjetor)

Aksesorë kuzhine: Ofertat e festave ndonjëherë fillojnë shumë herët, dhe pajisjet e kuzhinave janë nga artikujt më të njohur që do të gjeni në shitje gjatë gjithë tremujorit.

Kamera dixhitale: Ka një raund të dytë të ofertave të kamerave në shtator, prandaj kontrolloni modelet më të vjetra për një çmim të reduktuar pasi të dalin ato të rejat.

Zgarë pjekje, kondicioner: Përsëri, siç ishte në stinën e ftohtë jashtë sezonit, edhe tani këto artikuj janë jashtë sezonit, shih ofertat.

Bimë, pemë, lule: Nëse keni një vend ku mund t’i ruani bimët dhe lulet deri në pranverë, atëherë mund t’i blini ato tani mjaft lirë.

Lodra: Përsëri, shitjet e Krishtlindjeve fillojnë herët dhe do të vazhdojnë seri në sezonin e festave. Sa më larg festave, aq më i mirë do të jetë çmimi.

Aksesorë, shërbime për dasma: Pas verës gjetja e një vendi dhe negociimi i shërbimeve për dasma do të jetë shumë më i lehtë. Sa më tepër t’i afrohesh dimrit, aq më shumë kursen.

 

Tetor

Xhinse: Veshjet xhins (Jeans) janë një nga artikujt më të zakonshëm që mbeten në sasi të vogla pas vrapimit për blerje nga nxënësit dhe studentët, por disa masa që mbeten kanë çmime të leverdisshme.

Mobilje shtëpie, dhoma gjumi: Tani që sezoni i ekspozitave dhe panaireve sapo ka filluar do të gjeni çmimet më të mira të mobiljeve.

 

Nëntor

Ëmbëlsira: Për aq kohë sa mbetet nga Halloween dhe festat e ardhshme, mund të gjeni shumë oferta në çdo dyqan ushqimor ose ëmbëltore.

Televizorë dhe elektronike të tjera: Edhe në Shqipëri tashmë kompanitë e mëdha po përshtatin marketingun sipas modeleve perëndimore, me festa të reja dhe ditë të përcaktuara për ulje çmimesh si e Premtja e Zezë, ose Super e Hëna, sidomos për pajisje elektronike.

Mjete pune për profesionistë: Shitjet e pushimeve që afrojnë janë perfekte për kapjen e veglave dhe mjeteve të lira për profesionistë, por edhe për ata që kanë nevojë për riparime në shtëpi.

 

Dhjetor

Shampanjë: Përsëri, ky është një nga ato pak raste kur çmimet bien, sepse kërkesa nuk është aq e lartë. Kompanitë e shampanjës janë duke u përpjekur të konkurrojnë me njëra-tjetrën, prandaj tregohuni të gatshëm për luftën e çmimeve.

Pajisje për pishina: Mund të duket si shumë larg, por në qoftë se blini një pishinë apo aksesorë për të tani, mund të merrni një zbritje të madhe çmimi për t’u argëtuar verën e ardhshme.

 

Këshilla të përgjithshme për blerjen në çdo kohë të vitit

Përveç periudhave të mësipërme, ka edhe ditë të tjera të javës ose vitit që janë më të mira për blerjen e sendeve të caktuara (ja vlen nëse mund të presësh tre muaj për një kompjuter të ri). Këtu janë disa gjëra që duhet të mbani mend:

  • Aparatet fotografike kanë tendencë të jenë më të lira të dielave, kur shumica e njerëzve blejnë të reja.
  • Kompjuterat dhe elektroniket e tjera janë më të lira të hënave, kur prodhuesit aplikojnë zbritjet e tyre. Kjo vlen edhe për televizorët, kamerat dhe lojrat.
  • Vendet e argëtimit si muzetë dhe parqet zbavitëse shpesh kanë ulje gjatë mesit të javës, kur kanë më pak fluks vizitorësh. Plus, turmat më të vogla janë gjithmonë të këndshme. Disa muze mund të kenë edhe ditë pushimi falas, prandaj kontrolloni vendet ku jeni më të interesuar.
  • Çmimet e naftës apo gazit janë më të larta në fundjavë. Furnizohuni të mërkurën ose herët në mëngjes të enjteve për të kursyer më shumë.
  • Bizhuteritë është më mirë të blihen të mërkurën, kur shumica e njerëzve nuk priren të blejnë. Megjithatë, qëndroni larg kur bëhet fjalë për disa ditë si Dita e Shën Valentinit, Dita e Nënës dhe Krishtlindjet.
  • Çokollata është mirë të blihet pas çdo feste që përfshin çokollatën: për shembull, Krishtlindjet, Pashkët dhe Ditën e Shën Valentinit.

Mbi të gjitha, nëse gjeni një artikull që ju pëlqen, monitoroni rregullisht. Gjërat shiten për asnjë arsye gjithmonë, qoftë jashtë sezoni, mbiprodhim, afërsi e datës së skadencës, apo kur një produkt i veçantë nxjerr një seri të re. Paç fat!

56 herë e lexuar, 1 herë sot

Parimet themelore të dizajnit për dekorimin e shtëpisë

Këshilla të dobishme 12/10/2017

Disa njerëz kanë talent të lindur për dekorimin ose dizajnin. Të tjerët i mësojnë aftësitë dhe janë në gjendje t’i zbatojnë me sukses. Ka edhe të tjerë, që nuk janë shumë të aftë për dizajn, por disa teknika bazë mund t’i ndihmojnë shumë.

Këto rregulla dhe parime për rregullimin janë mjaft të thjeshta dhe shumica mund t’i zbatojnë ato. Shtëpia juaj nuk mund të duket si një faqe katalogu i West Elm, por megjthatë do të duket këndshëm.

 

Rregulli i numrave të veçantë

Projektimi me numra të veçantë si një ide bazë mund të krijojë harmoni dhe interes vizual, shpjegon dizajnerja Cecilia Walker: Ideja themelore është se detajet dhe objektet që janë rregulluar ose grupuar në numra të vacantë janë më tërheqës, të paharrueshëm dhe më efektiv.

Kjo ndihmon në krijimin e grupimeve të objekteve në lartësi të ndryshme, forma dhe cilësi. Por në të njëjtën kohë, duhet të ketë diçka të ngjashme rreth tyre, që të grupojë artikujt së bashku.

Shikoni imazhin e mësipërm si shembull. Tre vazo, të gjitha me lartësi të e ndryshme, por materialet kryesore janë të ngjashme dhe lidhen nga siperfaqja e xhamit, gjithsesi ekzistojnë dallime delikate në elementet: rërën, ujin dhe bimët.

 

Gjeni pikën qendrore të dhomës suaj

Pika qendrore e dhomës është veçoria më e theksuar e saj. Është gjëja që sytë tuaj tërheqin natyrshëm kur ecni nëpër dhomë. Dhe gjithçka rreth pikës qendrore e nderon.

Nëse nuk dini se si të filloni dekorimin e një dhome, gjetja e pikave të saj qendrore është një fillim i mirë. Shumë dhoma i kanë pikat qendrore të qarta: një dritare e madhe me pamje panoramike, ose një oxhak. Nëse dhoma juaj nuk ka një pikë qendrore të integruar, ja disa këshilla krijimin e një të tillë:

  • Lyeni një mur me një ngjyrë të ndryshme, pastaj plotësojeni me vepra arti ose rafte, thotë projektuesi Coral Nafie.
  • Vendosni se për çfarë doni ta përdorni dhomën, pastaj krijoni një pikë qendrore rreth saj. Për shembull, nëse dëshiron ta përdorësh për të lexuar, do të kesh një raft librash si pikën qendrore.
  • Mund të përdorni një punim artistik si një pikë qendrore, apo një pasqyrë të madhe.

Pasi të keni gjetur pikën qendrore, dekoroni rreth saj. Përdorni ngjyrën e tij kryesore nëpër elementët e pjesës tjetër të dhomës. Në shembullin e mësipërm, pika qendrore – oxhaku – është e bardhë. Muret e kuqe e shquajnë më tepër ngjyrën e saj, dhe qirinjtë e bardhë, orkideja dhe vazot në të gjithë dhomën “nderojnë“ oxhakun.

Gjithashtu mund ta kornizoni atë. Në foto, vazot, dritaret dhe sofat i shërbejnë këtij qëllimi. Një oxhak është i lehtë të kornizohet, pasi zakonisht ka një mantel. Ju mund të shtoni dekor mbi mantelin. Nëse pika juaj qendrore është një dritare e madhe me pamje panoramike, mund të caktoni orenditë tuaja për ta nxjerrë në pamje atë.

Pika qendrore është thelbi i paraqitjes së dhomës suaj. Nuk duhet të jetë mesi i saktë i dhomës, edhe pse ky është rasti i zakonshëm në shumë shtëpi. Pika qendrore e një dhome të gjallë është vendi ku uleni: tryeza e kafesë ose tryeza e qendrës, rregullimet rreth saj. Mendoni sikur të jetë spiranca e dhomës.

 

Rregullat bazë të matjes

Kur është fjala për perde të varura ose për rregullimin e mobiljeve, shumica prej nesh e matin me sy si duket. Por duhen bërë matje specifike për dekorimin. Ja disa masa të përgjithshme që duhen mbajtur në mend:

  • Distanca e tryezës së kafes : Lini të paktën 40 – 50 cm mes tavolinës të kafes dhe sofave, thotë dekoratorja Maria Killam .
  • Tablotë e varura: Kur varni një tablo, vendosni qendrën e saj në nivelin e syrit, i cili në përgjithësi është 150 – 170 cm nga dyshemeja, thotë Driven By Decor. Kur varni tablo mbi divanin tuaj, sigurohuni që nuk është e gjerë më shumë se 2/3 e gjerësisë së divanit. Gjithashtu duhet të lini 25-30 cm hapësirë ​​midis tablosë dhe mobiljeve
  • Perdet e varura: është tipike që perdet të dalin jashtë në të dyja anët e dritares tuaj rreth 5-8 cm. Për lartësinë, duhet të vendosni shufrat e perdeve 10 cm mbi dritaren. Nëse doni që dritaret tuaja të duken më të gjera ose më të gjata mund të shkoni përtej standardit 10 cm, por mos e kaloni 20 cm. Për të krijuar iluzionin e gjerësisë, ndjehuni të lirë të thyeni standardin deri në 30 cm në të dyja anët.
  • Largësia nga televizori: Sa larg duhet të jetë televizori nga divani, kjo varet nga madhësia e tij. Shumëfishoni madhësinë diagonale të televizorit tuaj me dy, pra nqs. keni një televizor 32” ose 80 cm, duhet të jetë 160 cm larg divanit.

Për qilimin ose tapetin, ka tre rregulla bazë që mund të ndiqni:

  • Nëse një qilim është mjaft i madh, mund të vendosni të katra këmbët e mobiljeve mbi të. Por duhet të lini 30-40 cm sipërfaqe të dyshemesë në të katër anët e qilimit, thotë dekoratori Houzz.
  • Nëse keni një hapësirë ​​më të vogël, mund të zgjidhni një qilim të vogël dhe ta largoni nga të gjitha këmbët e mobiljeve tuaja.
  • Shumë dizajner zgjedhin të vënë vetëm dy këmbët e para të mobiljeve në qilim. Kjo mund të lidhë gjithçka dhe të krijojë ndjenjën e hapjes.

Përsëri, mos kini frikë të thyni këto rregulla, nuk është e thënë të funksionojnë gjithmonë, por janë udhëzime të mira për t’u ndjekur.

 

Konsideroni hapësirën tuaj negative

Ndonjëherë, më pak është më shumë. Në dizajn, hapësira negative është zona që nuk përdoret nga asnjë objekt. Zakonisht, kjo është zona e bardhë e mureve. Tentimi për të mbushur çdo hapësirë nuk është i  mirë, sepse ndonjëherë hapësira negative flet vetë.

Dekorimi me hapësirën ​​negative mund të jetë pak i komplikuar, por ka disa mënyra që çdokush mund t’i përdorë:

  • Shmangni rrëmujën . Kjo është ndoshta mënyra më e mirë dhe më e zakonshme për të krijuar më shumë hapësirë ​​negative. Disa gjëra mund të përshtaten në mënyrë të përkryer me tryezën tuaj, por kjo nuk do të thotë se është e nevojshme. Lini një hapësirë ​​negative në dhomë.
  • Bëje me një qëllim. Sigurohuni që hapësira negative i shërben një qëllimi. Ju mund të lini një hapësirë ​​bosh për të nxjerrë në pah një zonë të zbukuruar afër, ose ndoshta hapësira negative krijon një dizajn interesant.
  • Vlerësoni format. Dy forma të kundërta mund të krijojnë një hapësirë ​​të çuditshme ose interesante: një tavolinë kafeje e lakuar mund të zbusë linjat e ashpra të hapësirave negative të krijuara nga sofat këndore dhe karriget në një dhomë katrore. Ky plan hapësinor nuk mund të funksionojë në dhoma të vogla, të cilat përqëndrohen buzë tryezës së rrumbullakët shumë afër divanit për ulje të rehatshme.

Nuk ka pse të kërkoni vende ku mund t’i hiqni gjërat, por vende që duken të mira edhe kur janë bosh.

 

Zgjidhni ndriçimin e duhur

Ndriçimi mund të jetë një kapitull i tërë në vetvete, por po supozojmë se nuk doni të investoni shumë për këtë. Tre llojet themelore të ndriçimit janë:

  • Ambjenti: I quajtur edhe ndriçim i përgjithshëm, ka për qëllim të ndriçojë në mënyrë të barabartë një dhomë.
  • Selektiv: Ndriçimi selektiv ka për qëllim të ndriçojë një zonë të veçantë. Një llambë në dhomën e ndenjes mund të ndriçojë një zonë leximi. Dritat në një kuzhinë shërbejnë si dritë vetëm për sipërfaqen e gatimit.
  • I theksuar: Ndriçimi i theksuar ka për qëllim të nxjerrë në pah një objekt të veçantë. Për shembull, spotet që mund t’i vendosni mbi një pikturë.

Shtimi i ndriçimit të llojeve të ndryshme mund t’ju japë dimensione të tjera. Filloni me ndriçimin e ambjentit (të përgjithshëm) në secilën dhomë, pastaj merrni parasysh se si mund të përdorni ndriçimin selektiv dhe të theksuar.

Përtej këtyre rregullave të thjeshta themelore, ndoshta do të dëshironi të bëni shtëpinë tuaj të ketë karakterin e vet. Këto udhëzime ju ndihmojnë të filloni, por ju duhet ta përshtatni dekorimin tuaj sipas shijeve dhe preferencave tuaja. Mos kini frikë t’i thyeni këto rregulla nëse iu besoni instinkteve tuaja, asaj që duket më drejtë për ju.

88 herë e lexuar, 1 herë sot

7 rregulla që duhet t’i thyesh kur intervistohesh për punë

Këshilla të dobishme 10/10/2017

Intervistat mund të jenë argëtuese. Ata që kanë kaluar disa intervista e dinë se nuk ka pse të jetë një përvojë e vështirë dhe stresuese. Stigma që rrethon intervistën është se gjithmonë duhet të mendoni për të projektuar versionin më të mirë të vetes. Por, kur intervistoheni disa herë, mësoni se më shumë se çdo gjë tjetër, duhet të jeni real.

Jini objektiv për përvojat, aftësitë dhe njohuritë tuaja. Tregojini punëdhënësit tuaj të ardhshëm veten tuaj të vërtetë. Të qenit i sinqertë vlerësohet dhe pyetja e duhur mund të sjellë avantazhe për ju.

Mund të zbatoni rregullin e thjeshtë si duhet të bëni një pyetje, por këtu janë shtatë rregulla që duhet t’i thyeni për të marrë vendin e punës. Kujdes: Thyerja e disa rregullave të zakonshme ndoshta nuk do të jetë e përshtatshme në disa raste dhe madje mund të bëjë të kundërtën, duke krijuar mosmarrëveshjeve. Me fjalë të tjera, ndjekja e këtyre veprimeve të sugjeruara nuk është garanci për sukses. Megjithatë, nëse thyerja e disa rregullave ndihmon të jesh i vërtetë për veten, mund të jetë pikërisht kjo, ajo që shefi yt i ri po kërkon.

 

  1. Pyesni për pagën.

Rregulli i parë që mund të thyesh në një intervistëthyerjen është ideja e vjetëruar, që kurrë nuk duhet të pyesësh se çfarë page do të kesh. Përkundrazi, pyetja për paratë është padyshim gjëja më e mirë që mund të bëni. Këto ditë, shumica e kompanive janë transparente për pagën që në intervistën e parë. Pavarësisht, nëse kompania nuk është e gatshme të jetë transparente, kjo është një pjesë kryesore e informacionit që dëshironi të dini. Duke e bërë këtë pyetje, ju do të tregoni se e vlerësoni veten dhe jeni vërtet të interesuar për të bërë një punë të shkëlqyer. Për më tepër, nëse kompania nuk është e gatshme t’ju tregojë informacionin mbi pagën, mund të jetë një tregues se nuk është një vend pune i përshtatshëm.

 

  1. Flisni për mënyrën se si i keni zgjidhur problemet në punën e kaluar.

Zakonisht thuhet se nuk duhet folur për problemet që mund të keni pasur në vendin e mëparshëm të punës. Por disa profesionistë kanë filluar ta kundërshtojnë këtë në vitet e fundit. Nëse sinqerisht tregoni se çfarë lloj çështjesh keni pasur gjatë pozicioneve tuaja të mëparshme dhe si i keni zgjidhur ato, mund të merrni pikë bonus në sytë e shumë intervistuesve. Ata duhet të shohin atë që keni kaluar dhe ta dinë se çfarë mund të bëni për kompaninë e tyre. Vlera që do të sillni është një konsideratë e rëndësishme dhe madje e rëndësishme në procesin e vendimmarrjes.

 

  1. Tregojini kompanisë pritjet tuaja.

Jo të gjithë aplikantët ndihen entuziastë për të shprehur me besim nevojat e tyre dhe kërkesat nga një punëdhënës i ardhshëm. Por e vërteta është, se ata duhet të dinë për vlerat dhe motivet e tua. Në të njëjtën kohë, ju duhet t’u tregoni atyre se çfarë prisni realisht nga mjedisi i tyre i punës: paga, shpërblimi madje edhe politika. Nëse pritjet tuaja nuk përputhen me atë që po ofrojnë, atëherë ata mund t’ju japin më shumë, nëse ata me të vërtetë ju vlerësojnë si profesionist. Tregohuni të vërtetë.

 

  1. Pyesni cilat burime janë në dispozicion për pozicionin.

Ju nuk dëshironi të kërkoni mbështetjen që ju nevojitet për një rol që nuk keni fituar ende, por është më se e arsyeshme të pyesni për resurset që do t’ju duhen. Tregojini punëdhënësit të ardhshëm që ju jeni gati për të filluar punën. Hidhni çdo dyshim të arsyeshëm në lidhje me të dhe pyesni se çfarë do të keni dhe si mund ta përdorni për rritjen e rolit tuaj.

 

  1. Shpjegoni pse e keni lënë punën tuaj të fundit.

Ky është një tjetër rregull që shkon kundër këshillave që janë dhënë në të kaluarën. Jini të ndershëm duke treguar përse e latë punën tuaj. Këto histori shpesh nuk janë të këndshme, por duhet të tregosh arsyen e vërtetë. Kjo do të thotë se ju doni që punëdhënësit tuaj të njihen për gjërat që nuk dëshironi të përsëriten në një mjedis pune. Të gjitha përgjigjet që jepni në një intervistë ofrojnë një vlerësim të personalitetit tuaj dhe llojin e punëtorit që jeni. Nuk ka pse të përshkruani të gjitha detajet e këqija (nëse ekzistojnë), por duhet të flisni për rrënjën e çfarëdo çështjeje që keni përjetuar.

 

  1. Përshkruani një projekt që keni punuar dhe ishte një dështim i plotë.

Është duke u bërë gjithnjë e më e zakonshme të flasësh për dështimet si një nisje drejt suksesit, dhe kjo është pjesë e kësaj. Duke përshkruar një dështim të mëparshëm tregon se keni besim, dini se si të përballoni situatat e vështira dhe keni përvojë. Mos i fshih gabimet. Pse? Ato ndihmojnë t’ju formojnë ju si person dhe profesionist. Dhe, nganjëherë ato mund t’ju bëjnë punë. Ji i guximshëm dhe ata do ta vlerësojnë.

 

  1. Përshkruani personalitetin tuaj.

Nuk ka asnjë përdorim të gjërave të fshehta këto kohë. Tregojuni atyre se çfarë do të marrin prej jush. Flisni për zakonet tuaja, hobit dhe madje edhe difektet. Tregojuni se mund ta përdorni këtë përzierje unike të tipareve në avantazhin tuaj. Le ta dinë se si mund t’i përballoni me sukses detyrat me gjithçka që ju sjellin mbi tavolinë. Ata do të mësojnë për ju së shpejti, kështu që le të shkëlqejë më herët personaliteti juaj.

44 herë e lexuar, 0 herë sot

5 arsye pse fansat largohen nga faqja juaj në rrjetet sociale

Këshilla të dobishme 27/09/2017

Nuk ka asgjë më emocionuese për një administrator të faqes apo profilit të tij në rrjetet sociale, se sa të shohë numrat e fansave të rriten. Të krijon ndjesinë se po arrin diçka, përpjekjet e tua të marketingut po funksionojnë. Ju mburreni me faqen tuaj kur numrat rriten dhe festoni me fansat tuaj të rinj. Por çfarë ndodh kur i humb ata?

Mos ishte diçka që nuk u pëlqeu në postimin e fundit? Ishte një nga komentet tuaja fyese? Fansat tuaj kaluan në faqen e konkurrentit?

Këto janë padyshim pyetjet që i bën vetes kur sheh rënien e numrave, sidomos këto kohë, që administrimi i faqeve është më i vështirë. Gjithsesi nuk duhet të mërziteni kur fansat largohen nga faqja juaj. Njerëzit lëvizin, profilet fshihen dhe mbyllen. Mos e qortoni veten për këtë.

E rëndësishme është që të bëni një kontroll të shpejtë dhe të siguroheni, që nuk jeni duke bërë gjëra që mund të shkaktojnë largimin nga faqja juaj!

 

 

Ja 5 nga këto gjëra:

 

  1. Vetë-Promovimi i vazhdueshëm

Meqenëse kjo është faqja juaj, ju mendoni se duhet që vazhdimisht të SHISNI, SHISNI, SHISNI, apo jo?

GABIM!

Nëse kemi mësuar ndonjë gjë në lidhje me mediat sociale gjatë 3-4 viteve të fundit, kemi mësuar se “marketingu shtytës” nuk funksionon më.

Çfarë është marketingu shtytës? Është kur një markë ose person poston reklamat shumë shpesh para fansave, duke ndërprerë informacionet e tyre të zakonshme dhe duke iu kërkuar të vizitojnë faqen e internetit apo në rrjetet sociale dhe të blejnë produktin e tyre.

Çdo postim i tillë për t’u regjistruar në webin e tyre, ose për të blerë produktet është një goditje për marketingun. Edhe nëse aty gjenden produkte të nevojshme, askush nuk dëshiron të blejë pa pushim, ditë pas dite.

Kjo është arsyeja pse “marketingu tërheqës” është një strategji shumë më e mirë.

Në marketingun tërheqës, ju mund të gjeneroni prurje drejt faqes ose webit – por e bëni atë në një mënyrë bujare, informative, jo si një robot.

Për shembull, ky shkrim është një shembull i marketingut tërheqës. Ju ndoshta keni ardhur në këtë postim nëpërmjet një media sociale ose kërkimit në Google dhe po e lexoni për të marrë informacion, për të përmirësuar njohuritë tuaja në mediat sociale, ç’ka përputhet edhe me qëllimin tonë. Qëllimi ynë është që tek 100oferta.com të kemi sa më tepër oferta të publikuara dhe sa më tepër vizitorë që kërkojnë për to, duke ju siguruar (shpresojmë) informacion cilësor, pra duke ndërtuar një marrëdhënie.

 

2. Ndiqni rregullin tim 70/20/10

Ndoshta keni dëgjuar këshillat e “ekspertëve” të rrjeteve sociale rreth rregullit 80/20 ose 90/10.

Kjo do të thotë që 9 postime në rrjetet sociale duhet të jenë informuese ose “të lehta” dhe një postim mund të jetë “shitës”. Por do ishte më mirë sikur 70% (ose 7 nga 10 postime) të jenë postime informative – dhe shumica e tyre duhet të jenë postimet tuaja. Kujtoni se ju jeni “duke tërhequr” dhe jo “duke shtyrë”.

Pjesa tjetër, 20% e postimeve tuaja duhet të jenë pjesë e postimeve, blogeve, imazheve ose videove të njerëzve të tjerë, ndërsa 10% e postimeve mund të jenë promovuese.  Kjo tregon se nuk keni një faqe “të rrethuar” me mure vetëm prej përmbajtjes tuaj – gjithashtu motivon fansat për të ndarë postimet tuaja dhe për t’ju kthyer favorin.

 

3. Numri i postimeve

Kur bëhet fjalë për mediat sociale, sidomos Facebook, “më pak” është shpesh “më shumë”.

Njerëzit tentojnë të hyjnë në Facebook vetëm për disa momente të shkurtra: në kafe, orën e pushimit ose pas punës. Nëse gjatë këtyre minutave ata shohin se vetëm nga faqja juaj janë 37 postime, ju do të dënoheni me “fsheh postimin”, ose më keq akoma “mos pëlqim”.

Sa është “shumë”? Në fakt ekziston një “rregull i artë” dhe “magjik” i numrit të postimeve që duhet të ndiqni, por nuk është i njëjti për çdo faqe. Çdo faqe është e vacantë dhe administratori i saj duhet të vendosë se çfarë është më e mira për audiencën e saj të veçantë. Sugjerohet që të mos postoni më shumë se 6-7 herë në ditë në Facebook.

Duke postuar tepër mund të humbni fansat, apo jo? Po, por edhe duke postuar pak mund të bëni që fansat të largohen. Pse? Sepse ata nuk duan të jenë të lidhur me faqet boshe, ose që nuk kanë një komunikim me ta. Që biznesi juaj të jetë i pranishëm në median sociale duhet të miratoni një plan të postimeve, që përfshin edhe postimet e përditshme.

A ka një numër minimal të postimeve në faqen tuaj çdo ditë? Duhet të postoni të paktën një herë në ditë. Por do të ishte më mirë që të postoni 3 herë në ditë (në mëngjes, në mesditë dhe natën).

 

4. Bëheni i bezdisshëm!

Ndoshta ju nuk jeni një tip i bezdisshëm në të vërtetë, por luani këtë rol në Facebook.

Mos prisni t’ju ndjekin fansa nëse keni krijuar probleme dhe merrni reagime negative vazhdimisht në faqen tuaj pasi postoni me arrogancë dhe silleni vrazhdë. …apo kur reagoni ndaj komenteve apo mesazheve në mënyrë fyese. Kështu mund të jeni një tip asocial!

Sigurisht që është mirë ta konsideroni veten një ekspert , por mos harroni – të gjithë po ju shikojnë. Dhe ata e venë re menjëherë kur jeni të pasjellshëm me dikë. Zakonisht ata nuk do t’ju tregojnë çfarë mendojnë – thjesht do të largohen.

Postimet tepër negative, jo vetëm që mund të marrin një reagim negativ nga njerëz të caktuar, por ndikojnë edhe në autoritetin e faqes suaj që përllogaritet nga algoritmat e rrjeteve sociale. Pra, bëhu i mirë!

 

  1. Postimi i artikujve që nuk lidhen me faqen tuaj

Të gjithë duam të qeshim, megjithatë, nëse strategjia e biznesit tuaj në Facebook është postimi i memeve 12 herë në ditë, jeni vetëm një administrator i bezdisshëm. Fotografitë janë media më e mirë për të tërhequr fansat dhe tentojnë të mbledhin pëlqime, komente dhe reagime, por a ju ndihmon për të krijuar një emër serioz të biznesit tuaj? Me siguri jo. Kompania juaj ka personalitet dhe fansat tuaj do të kuptojnë se nuk jeni serioz në lidhje me biznesin.

Kjo nuk ka vlerë vetëm për memet, por edhe për postimet që nuk kanë lidhje me faqen tuaj. Njerëzve iu pëlqente faqja juaj, sepse ata kanë interes për biznesin, ose produktin tuaj. Për të qeshur kanë zgjedhur një faqe tjetër.

 

Pra, përqendrohuni të mos i bëni këto gjëra dhe do të vëreni rezultate më të mira për faqen tuaj, që në fund të fundit është edhe qëllimi juaj, apo jo?

43 herë e lexuar, 0 herë sot

50 ide biznesi për të rinjtë e vendeve në zhvillim

Këshilla të dobishme 25/09/2017

  1. Kontabiliteti. Nëse keni një diplomë kontabiliteti mund të filloni një shërbim si kontabilist i pavarur për bizneset e tjera të vogla që nuk mund të përballojnë një person me kohë të plotë.

 

  1. Marketing affiliate. Nëse jeni një person bindës, mund të merrni një komision nga një kompani për shitjen e prodhimeve të tyre drejt palëve të treta.

 

  1. Zhvillues i aplikacioneve. Nëse pëlqeni kompjuterat dhe programimin, ky mund të kthehet në një biznes për ju. Gjithçka duhet të bëni është të uleni dhe të krijoni/zhvilloni programe.

 

  1. Servis aparatesh. Është si një zanatçi tradicional por me një zonë më kufizuese. Në rast se ju pëlqen të riparoni gjëra, kjo është puna e duhur për ju.

 

  1. Blogimi. Nëse doni të shkruani, por nuk doni të jeni të pavarur, ju mund të gjeni blogun tuaj tërheqës dhe të kontriboni për të. Ka shumë mundësi të ardhurash nga blogimi, duke përfshirë partneritetet, sponsorizimin, shitjet e produkteve dhe reklamat.

 

  1. Shërbimi i planifikimit të biznesit. Shumë njerëz nuk kanë kohë për të planifikuar një biznes, kështu që puna juaj është ta transformoni idenë e tyre në një plan biznesi.

 

  1. Shërbimi Catering. Kjo punë mund t’ju përshtatet shumë mirë nëse jeni të apasionuar për ushqim. Njerëzit gjithmonë do ta urdhërojnë shërbim catering, është sin jë restorant që vjen tek ju.

 

  1. Kujdestar për fëmijët. Shumë prindër janë duke kërkuar zgjidhje për kujdesin ndaj fëmijëve. Mund të kërkoni edhe një mënyrë për të qëndruar në shtëpi me fëmijët tuaj, duke fituar edhe para.

 

  1. Shërbim pastrimi. Mund të zgjidhni shërbimin e pastrimit që dëshironi të filloni (makina, rroba, shtëpi) ose të gjitha.

 

  1. Riparimi dhe mirëmbajtja e kompjuterit. Kompjuterët janë të shtrenjtë dhe njerëzit mbështeten tek ta për të punuar. Pra, kur ata prishen është puna juaj për t’i rikthyer në punë normale.

 

  1. Trajnime kompjuterike. Jo të gjithë e dinë se si të përdorin një kompjuter, apo se sa i dobishëm mund të jetë. Kështu mund të jesh mësuesi i tij/saj. Ndihmoni ata që të ndihmoni veten.

 

  1. Krijues i shkrimeve me përmbajtje të caktuar (copywriter). Kjo punë i referohet atyre që kanë një përvojë sado të shkurtër për postimet e blogut, artikuj dhe çdo gjë që një klient ka nevojë.

 

  1. Shërbimi i futjes së të dhënave (operator). Ajo që duhet të bëni është të hidhni informacion nga letrat ose librat në kompjuter, duke përdorur tastierën, skanerin, etj.

 

  1. Shitës online. Blej gjërat dhe i rishet ato në online (Ebay, Etsy, etj).

 

15. Shërbimet editoriale. Këtu janë disa nga shërbimet editoriale që mund të ofroni nga shtëpia juaj:

  • Kopjimi – përmirësoni stilin, saktësinë ose tekstin e një artikulli, blog
  • Korrigjim – shënon gabimet e shkrimtarit
  • Indeksimi – tregon ose udhëzon në një referencë
  • Shkrimi i Ghost – shkruar në vendin e dikujt tjetër, pa marrë ndonjë meritë
  • Copywriting – shkruan përmbajtje për informacion, edukim, promovim, etj
  • Shkrimi i librit – shkruan libra
  • Shkrimi i artikujve të revistës – shkrimi i artikujve për revista me qëllime të ndryshme
  • Ofruesi i përmbajtjes së faqeve në internet – bën një faqe interneti më tërheqëse dhe më të dobishme

 

  1. Riparimi i pajisjeve elektronike. Ky biznes është i ngjashëm me biznesin e riparimit të kompjuterave, por përfshin të gjitha llojet e pajisjeve elektronike përveç kompjuterëve.

 

  1. Kopshtar. Kujdesi për kopshtet e njerëzve, lulet dhe bimësinë.

 

  1. Hartues i Granteve. Përgjegjësia juaj do të jetë që të kujdeseni për të gjitha aktivitetet e nevojshme për të përgatitur, dorëzuar dhe menaxhuar propozimet për grante.

 

  1. Punonjës për shërbime shtëpiake. Nëse ju pëlqen të ndihmoni njerëzit dhe si të riparoni gjëra të ndryshme të shtëpisë, ky është biznes për ju.

 

  1. Kujdestar për fëmijët në shtëpi (babysitter). Personi ideal për këtë punë duhet të dojë foshnjat, sepse ky përshkrim i punës kërkon kujdes për foshnjet e vogla.

 

  1. Konsulent imazhi. Puna e një konsulenti të imazhit është të përmirësojë pamjen, reputacionin e një personi ose të një kompanie dhe t’i ndihmojë ata të ndikojnë në fushën e tyre.

 

  1. Rimbushja e tonerave. Në ditët e sotme të gjithë zotërojnë një printer dhe tonerat e rinj janë shumë më të shtrenjtë se mbushja e një ekzistuesi.

 

  1. Projektues i brendshëm (interior design). Nëse keni ndonjë ide për dizajn, modë apo art dhe nëse imagjinata juaj është krijuese, kjo mund të jetë një punë për ju.

 

  1. Hulumtues i internetit. Një studiues i internetit zbulon internetin për informacione të ndryshme, të cilat ju nevojiten individëve ose kompanive që ju duhen specialistë ose shumë burime për t’i gjetur.

 

  1. Krijimi i një faqe interneti për komunitetin lokal. Ju mund të krijoni një faqe interneti për komunitetin tuaj lokal me një përmbajtje të nevojshme dhe interesante, ku njerëzit mund të vendosin reklama ose ndonjë informacion të dobishëm.

 

  1. Terapist masazhesh. Ndihmoni njerëzit të relaksohen duke përdorur teknika të ndryshme të masazhit.

 

  1. Riparimi i celularit. Riparimi i celularëve mbulon kaq shumë zona: nga përshtatja tek makinat deri tek sinkronizimi me kompjuterin. Nëse keni aftësi për të ndrequr gjërat dhe nuk keni ndërmend ta humbni atë kot, mund të keni gjetur mundësinë e përsosur të biznesit.

 

  1. Shërbim transporti. Jo të gjithë zotërojnë një makinë, sidomos një makinë të mjaftueshme për të zhvendosur të gjitha gjërat e tyre nga një shtëpi në tjetrën, kështu që mund ta oroni këtë shërbim.

 

  1. Leksione muzikore. Nëse jeni të mirë në të kënduar ose luani në ndonjë instrument, shanset janë se ekziston dikush që dëshiron të mësojë nga aftësitë tuaja.

 

  1. Nutritionist (dietolog). Si nutritionist ju ndihmoni njerëzit të humbasin, fitojnë ose mbajnë peshën e tyre duke ndryshuar dietën dhe stilin e jetës.

 

  1. Ndërmjetësi i prurjeve në internet. Ideja është që ju do të sillni klientë tek bizneset e prezantuara në internet nëpërmjet faqeve apo profileve të tyre. Çdo biznes po kërkon klientelë shtesë dhe shumica dërrmuese e bizneseve janë gjithashtu të gatshëm të paguajnë mirë për këtë.

 

  1. Fermë organike / serë. Zotërimi i një ferme organike ose një sere është një sipërmarrje me klientë potencialë. Ju mund t’i ndihmoni njerëzit të hanë shëndetshëm dhe të fitoni para në të njëjtën kohë.

 

  1. Kuzhinier personal. Shumë njerëz, sipërmarrës apo jo, nuk dinë si të gatuajnë, ose janë shumë të zënë, kështu që ata kërkojnë ndihmë dhe punësojnë një kuzhinier personal.

 

  1. Trajner personal. Një trajner personal është përgjegjës për të ndihmuar një person të ushtrojë dhe të mbajë një mënyrë jetese të shëndetshme.

 

  1. Kontroll ndaj dëmtuesve/parazitëve. Mbani zyra, bimë dhe shtëpi të pastra dhe pa dëmtues.

 

  1. Kujdestar për kafshë. Kjo punë i përshtatet dashamirësit më të mirë të kafshëve. Është si babysitting, por për kafshët shtëpiake.

 

  1. Menaxher i projektit. Një menaxher projekti mbikëqyr planifikimin e projektit, përcjellë afatet dhe siguron që çdo objektiv është plotësuar dhe të gjithë po bëjnë punën e tyre.

 

  1. Agjent i pasurive të patundshme. Ky person është i përfshirë në shitjen ose dhënien me qira të shtëpive, banesave ose ndërtesave.

 

  1. Hartues për Rezyme / CV. Puna e një hartuesi të rezymeve përbëhet nga shkrimi i një CV për punëkërkuesit.

 

  1. Konsulent shitës. Ideja e një konsulenti të shitjes ndihmon njerëzit të blejnë atë që i përshtatet më mirë, si dhe rritjen e të ardhurave të kompanisë.

 

  1. Kujdestar për të moshuarit. Përshkrimi i punës për këtë punë konsiston në marrjen e kujdesit për të moshuarit dhe nevojat e tyre.

 

  1. Konsulent SEO. Një konsulent SEO ju udhëzon përmes gjithçkaje që duhet të dini, në mënyrë që të rritni praninë tuaj në internet.

 

  1. Marketingu i mediave sociale. Ndihmoni kompanitë të krijojnë një platformë online të ndjekësve në shënjestër për mediat sociale.

 

  1. Ofruesi i shërbimit të përkthimit. Bëni përkthime nga dhe në çdo gjuhë që kërkohet.

 

  1. Trajnim / Mentor. Ka shumë fusha të jetës sonë ku mund të përdorim pak ndihmë për t’u përmirësuar, duke përfshirë artin, aftësitë kompjuterike, organizimin, gatimin etj. Nëse jeni të aftë në një fushë të caktuar, ku njerëzit e tjerë kanë probleme dhe duan të japin mësim, ato aftësi mësimore ose mësimdhënie mund të jenë thirrja juaj.

 

  1. ​​Zhvilluesi i kurseve online. Zhvilloni kurse trajnimi në internet, që secili nga njerëzit në mbarë botën t’i njohë aftësitë që keni për të ndarë.

 

  1. Call Center virtuale. Filloni Call Center nga shtëpia juaj si një freelancer.

 

  1. Zhvilluesi i faqeve të internetit. Krijon ose optimizon faqet e internetit

 

  1. Planifikues martese. Një projektues i dasmës kujdeset për gjithçka që përfshin gjithë ngjarjen, deri në detajet e fundit.

 

  1. Yll i YouTube. YouTube është përdorur nga miliona njerëz, kështu që është një nga vendet më të mira për të reklamuar. Duke qenë një yll në YouTube, do të kontaktoheni nga shumë klientë potencialë.

142 herë e lexuar, 3 herë sot

10 këshilla për të shitur një makinë të përdorur

Këshilla të dobishme 15/09/2017

1. Të njohësh tregun

Do të jetë e lehtë të shisni makinën tuaj? Apo do t’ju duhet të ulni çmimin dhe të prisni gjatë? Ja disa të dhëna interesante:

–          Makinat familjare edhe pse nuk kanë shumë fansa, kanë një kërkesë në rritje
–          Shitjet e makinave të modifikuara dhe sportive janë sezonale; më shumë preferohen në verë
–          Kamionat, autobusët dhe furgonat kanë blerës të qëndrueshëm dhe çmime të mira. Mos i zhvlerësoni.
–          Makinat e rralla kërkojnë më shumë kohë për t’u shitur, megjithatë mund të fitojnë vlerë të jashtëzakonshme po të gjeni blerësin e duhur.

 

2.Vendosni një çmim konkurues

Pasi t’i keni hedhur një vështrim tregut të makinave do të vini re që çmimet ndryshojnë sipas markës, vitit të prodhimit, llojit të karburantit, kilometrazhit, ngjyrës, opsioneve dhe gjendjes së mirëmbajtjes. Gjithmonë ka vend për të diskutuar çmimin kështu që, nëse nuk e shpallni çmimin të padiskutueshëm, lini pak hapësirë për ulje çmimi. Ju mund të shihni sesi disa shitës përdorin çmime të mira nga ana psikologjike, p.sh. në vend të 7000 Euro – 6990 Euro. Kjo mund të jetë efikase për tregëtarët, por nëse shisni makinën personale do të ishte më mirë p.sh. 6900 ose 6800 Euro.

 

3. Bëjeni makinën tuaj “ta duan me shikim të parë”

Kur blerësit të shohin makinën tuaj, me shumë mundësi do të vendosin ta blejnë apo jo në pak sekonda. Kjo, sipas studimeve, ndodh nga shikimi i parë i makinës. Para se të bëni fotografitë për publikimin e ofertës tek 100oferta.com, sigurohuni që makina të jetë e pastër. Ja ç’mund të bëni për të tërhequr sa më shumë blerësit:

–          Lajeni dhe pastrojeni mirë makinën nga jashtë;
–          Sigurohuni që makina të jetë në gjendje të mirë mekanike. Më mirë shpenzoni pak për ndonjë riparim, sesa të ulni çmimin për ndonjë problem;
–          Hiqni brenda makinës ndonjë send personal. Nëse blerësi kërkon ta provojë, nuk duhet t’i duket si makina e tjetërkujt;
–          Fshihni pluhurin e ferrotave dhe pastroni mirë gomat me ndonjë shkëlqyes;
–          Pastroni me kujdes xhamat dhe pasqyrat;
–          Lani kroskotin dhe pastroni tavllën;
–          Mirëmbani gjithë çertfikatat e servisit për t’ia treguar blerësit
–          Nëse makina kërkon ndërim vaji dhe filtrash, kujdesuni t’ia ndëroni edhe pse po e shisni
–          Kontrollojeni tek mekaniku, në mënyrë që të jeni në dijeni të gjendjes së makinës edhe nëse blerësi mund të ngrejë dyshime.
–          Jepini siguri të argumentuar blerësit për të dhënat e makinës dhe kilometrazhin

 

4. Ku të njoftoni shitjen e makinës suaj

Tani që makina juaj është gati për shitje, ju duhet të vendosni se ku do ta shisni. Zakonisht një mënyrë tradicionale është nëpër gazeta, ose vendosja e njoftimit në xhamin e makinës, por që të dyja janë mënyra pak efikase, sepse mbulojnë një zonë shumë të vogël kërkimi dhe nuk janë të përshtatshme për komunikim. Shitja online nëpërmjet 100oferta.com sa vjen e bëhet më e suksesshme. Oferta juaj përhapet menjëherë në të gjitha rrjetet sociale si Facebook, Twitter, Linkedin, Google+, Pinterest ku 100oferta.com ka më shumë se 100.000 ndjekës të rregullt dhe njoftimi mund të ketë brenda ditës qindra lexime. Për më tepër ju lutem lexoni: Si të formuloni një ofertë të suksesshme!

 

5. Krijoni një njoftim që “shet”

Mendoni për sqarimin që do t’iu bënit blerësve kur shkruani një njoftim. Pak fjalë mund të thonë shumë. Përveç çmimit, njoftimi juaj duhet të përfshijë vitin e prodhimit, modelin dhe markën, llojin e karburaniti, kilometrazhin, ngjyrën, gjendjen e makinës dhe opsionet e veçanta të saj.

Kur vendosni një njoftim për shitje makine në 100oferta.com ju keni mundësi të tregoni sa “të paduruar” jeni për ta shitur këtë makinë dhe këtë mund ta bëni duke filluar përshkrimin:

–          Okazion!…
–          Oferta më e mirë!
–          Çmim i diskutueshëm! Etj.

6. Tregojeni makinën tuaj

Mund t’ju kontaktojnë shumë blerës për makinën që shisni. Kjo mund të jetë edhe e bezdisshme, por duke lejuar intuitën tuaj ju mund t’i zgjidhni ata që mendoni se do të keni një marrëveshje. Nëse doni të mbani privacinë tuaj të paekspozuar zgjidhni një vend ku mund të tregoni makinën. (Ndryshe nga mënyrat e tjera të njoftimit tek 100oferta.com ju mund ta ndaloni ose ta fshini njoftimin pasi ta keni shitur makinën). Mbani parasysh, që edhe blerësit mund të mendojnë për ju: a është serioz ky shitës? Kështu që, gjithmonë tregohuni i hapur. Blerësit e vërtetë duan ta provojnë makinën, nëse dyshoni, ju thoni t’iu tregojnë patentën.

Nga ana tjetër me të drejtë blerësit nuk e kanë aq të thjeshtë një vendim për të harxhuar goxha para. Ju duhet t’i siguroni, se ata po bëjnë një shpenzim që ja vlen dhe t’ia bëni sa më të lehtë. Disa blerës mund të duan ta shohin makinën tek një mekanik për kontroll. Nëse ju keni një inspektim nga mekaniku juaj mund t’ia tregoni, por nëse blerësi këmbëngul, kjo është e arsyeshme. Nëse dyshoni se blerësi nuk mund ta drejtojë makinën, ose mund ta vjedhë, shoqërojeni edhe ju. Nëse blerësi ju thotë t’i jepni ju makinës, ka shumë mundësi që ai po ju harxhon kohën kot.

 

7. Negocioni për çmimin më të mirë

Nëse një person provon makinën dhe aprovon blerjen, ju prisni që ai të bëjë një ofertë. Shumë njerëz kanë konceptin e duhur mbi negocimin. (sidomos mesdhetarët).

Ata mund të fillojnë me një fjali si:

–          “Më pëlqen kjo makinë, por…”

Kjo është mënyrë e lehtë për të negociuar. Sepse blerësi po të lë fjalën për një çmim të pranueshëm dhe ju mund t’i thoni: “Sa paguan ti?”

–          “Cili është pazari i fundit?”

Kjo është mënyra direkte për të zbuluar sa e ulni ju çmimin, por po ta shihni nga ana e blerësit nuk duket shumë trysni për të ulur çmimin.

–          “Ma shet kaq Lekë?”

Ky blerës po ju bën një ofertë, që nuk lë shumë vend për negociata. Por kujdes, ai mund të jetë edhe duke bërë bllof. E vetmja mënyrë për ta kuptuar është t’i thoni “Jo”.

Mos bëni premtime, që nuk mund t’i mbani më vonë pas shitjes, p.sh. “do të gjej një pasqyrë ta zëvendësoj”, ose “do të jap edhe gomat që kam në shtëpi”. Kjo jo vetëm nuk ju ndihmon, por ngre dyshime tek blerësi.

Nëse nuk kontaktoni shumë blerës, mbase është më mirë të rishikoni çmimin. Nëse kini postuar një ofertë dhe blerësit duan të komunikojnë me email apo celular për të sqaruar detaje, kjo nuk ja vlen. Më mirë iu thoni të vijnë ta shohin.

 

8. Negociatat e vështira

Në disa raste mund të bini dakord t’i bëni edhe disa shërbime makinës para se t’ia shisni blerësit. Por kjo mund të sjellë keqkuptime për llojin e riparimeve, cilësinë, etj., prandaj mund ta lini këtë opsion. Gjëja më e mirë është ta keni makinën gati dhe pasi ta shisni të shtrëngoni dorën me blerësin. Por blerësi mund t’ju kërkojë me insistim një riparim të caktuar. Nëse riparimi nuk është shumë i kushtueshëm mund ta bëni pa ndryshuar çmimin, por nëse blerësi ju kërkon një riparim të kushtueshëm duhet të informoheni saktë për shpenzimin te mekaniku. Nëse blerësi vazhdon të këmbëngulë për ndonjë problem tjetër, atëherë mund t’i thoni “kjo është makinë e përdorur dhe s’mund të jetë perfekte” duke justifikuar edhe çmimin që e shisni.

 

9. Finalizimi i shitjes

Akti noterial i shit-blerjes kryehet në çdo zyrë noteri të Republikës së Shqipërisë. Dokumentat për shitjen e një makine janë përcaktuar me ligj dhe aplikohen për çdo zyrë noteriale. Dokumentat që ju kërkohen:

–          Vërtetim pronësie mbi mjetin
–          Vërtetim për detyrimet të shlyera (gjoba, dorëzani nga bankat , etj.)
–          Lejë Qarkullim
–          Mjet identifikimi

Sapo të merrni paratë nga blerësi mund të nënshkruani aktin e shitblerjes. Mbani një kopje të tij, të siguroheni që përgjegjësia tashmë nuk është më mbi ju (P.sh. nëse blerësi bën aksident me makinën e saposhitur).

 

10. Pasi keni shitur makinën

Ju nuk mbani asnjë përgjegjësi tashmë për makinën e shitur, edhe në kontratë përcaktohet kjo. Nëse makinës i ndodh ndonjë defekt apo parregullsi, ky nuk është më problemi juaj. Nëse keni bërë çdo gjë korrekte para se ta shisnit makinën, jeni të qetë. Keni fituar, sepse keni kthyer një mjet tashmë të panevojshëm për ju, në një mjet të nevojshëm për dikë tjetër dhe për këtë jeni shpërblyer financiarisht. Uroni që po i fituar të jetë edhe blerësi.

6335 herë e lexuar, 3 herë sot

Këshilla për një udhëtim të shkurtër turistik

Këshilla të dobishme 15/07/2017

1. Krijo një itinerar

Kur ndërmerrni në një udhëtim të shkurtër, është e rëndësishme që të planifikoni me kujdes kohën tuaj. Nëse nuk planifikoni orët dhe ditët, mund të përfundoni duke humbur diçka që dëshironi të shihni.

Një itinerar i mirë përfshin paraprakisht udhëzime, harta dhe informacione të rëndësishme për vendet që po vizitoni.

Spontaniteti është zbavitës kur udhëton, por nuk funksionon mirë nëse keni kohë të kufizuar në një vend.

Ruaj aktivitetet spontane për udhëtime më të gjata dhe krijoni një itinerar për festat tuaja të shkurtra për të maksimizuar kohën tuaj.

2. Mos u mundoni të shihni gjithçka

Kur krijoni itinerarin tuaj, jini të kujdesshëm që të mos mbingarkoni oraret.

Shumë njerëz bëjnë gabim duke u përpjekur të shohin gjithçka në vendin që po vizitojnë, por shpesh kjo është e pamundur për një udhëtim të shkurtër. Nëse planifikoni shumë brenda nje ditë, nuk mund të kënaqeni nga ndonjë aktivitet, sepse do të jeni shumë të zënë duke nxitur nga një gjë në tjetrën.

Vendosni se cilat vende janë më të rëndësishmet dhe quajini prioritet kur të krijoni itinerarin.

Jepini vetes kohë të mjaftueshme në secilin vend, në mënyrë që t’i përjetoni ato në mënyrë të plotë.

 

3. Paketoni pak gjëra

Kur niseni për një udhëtim të shkurtër, bagazhet e tepërta do të jenë vetëm një barrë e rëndë. Kjo është veçanërisht e vërtetë nëse udhëtoni me avion.

Mundohuni të kufizoni gjithçka në një valixhe të vogël që mund ta mbartni me vete, kështu që ju nuk do të duhet të shqetësoheni për bagazhet e humbur.

Plus, nuk do të duhet të tërhiqni një valixhe të rëndë nëpër rrugët e qytetit që po vizitoni.

Mund të vishni një veshje më shumë se një here, në këmbim të faktit që do të jeni në gjendje të mbani një bagazh të lehtë.

103 herë e lexuar, 1 herë sot

Si të blej shtëpi në Shqipëri?

Këshilla të dobishme 20/06/2017

Përcaktoni buxhetin

Ky është hapi kryesor që përcakton se cilën shtëpi mund të blini. Për një përfundim më të saktë, kërkoni vlerësimin nga një profesionist ose bankë, që mund të kontrollojë të ardhurat tuaja, borxhet dhe kreditë.

Zakonisht në vendet e zhvilluara rregulli i thjeshtë është synimi për një shtëpi, e cila kushton sa 30 fishi i pagës mujore, por në Shqipëri ky indeks ndryshon nga 50-100. Nëse keni borxhe, detyrime të tjera financiare apo doni të mos hiqni dorë nga ndonjë hobi i shtrenjtë, mund t’ju duhet të ulni pritshmëritë.

Ka dhe një rregull tjetër nqs. merrni një kredi: Pagesat mujore për shtëpinë nuk duhet të kalojnë 36% të të ardhurave bruto mujore. Mundësia e pagesës së kësteve mujore do të përcaktojë blerjen që mund të përballoni.

Sigurimi i të ardhurave

Ndryshe nga vendet e zhvilluara, ku huadhënësit pëlqejnë të shohin 20% të çmimit të shtëpisë si paradhënie, në Shqipëri do t’ju duhet jo më pak se 70% e vlerës së shtëpisë. Pasi ta keni konsideruar pagesën paraprake, sigurohuni që ju mbeten mjaftueshëm të ardhura për të mbuluar tarifat dhe kostot e tjera. Këto mund të përfshijnë tarifën e vlerësimit, tarifat e huasë, tarifat e avokatisë, tarifat e inspektimit dhe koston e regjistrimit të titullit, të cilat zakonisht shkojnë deri në 5% të shumës së hipotekës.

 

Kërkoni për një shtëpi tek 100oferta.com

Ky kërkim ju njeh hollësisht me çmimet e tregut, duke bërë krahasimet e nevojshme sipas zonave, apo ofertave për shtëpi në shitje nga individë dhe agjenci imobilare.

Hapi juaj i parë është të kuptoni se në cilën qytet apo lagje dëshironi të jetoni. Shikoni shenjat e vitalitetit ekonomik: një përzierje e familjeve të reja dhe çifteve të vjetra, papunësi të ulët dhe të ardhura të mira. Kushtojini vëmendje të veçantë zonave me shkolla të mira, edhe nëse nuk keni fëmijë të moshës shkollore. Kur vjen koha për të shitur, do të zbuloni se një sistem i fortë shkollor është një avantazh i madh për të ndihmuar shtëpinë tuaj të mbajë ose të fitojë vlerë.

Mundohuni gjithashtu të merrni një ide rreth tregut të pasurive të patundshme në zonë. Për shembull, nëse shtëpitë po shiten afër çmimit të kërkuar, kjo tregon se zona është e dëshirueshme. Nëse keni mundësi, mendoni për një blerje jashtë sezonit, e cila në përgjithësi është në muajt e ftohtë të vitit – do të keni më pak konkurrencë dhe shitësit mund të jenë më të gatshëm për të negociuar.

Nëse nuk arrini në një përfundim që ditën e parë, mund të vazhdoni kërkimin për disa ditë, sepse çdo ditë tek 100oferta.com publikohen rreth 50 oferta të reja për pasuri të paluajtshme, duke pasqyruar edhe levizjen e çmimeve – tendencën e tregut. Jini të kujdesshëm në zgjedhjen e kritereve të kërkimit: për shembull, zgjidhni çmimet 10% më lart dhe 10% më poshtë çmimit tuaj të vërtetë, duke përdorur kutinë “Kërko me detaje”.

 

Gjeni një agjenci imobilare

Shumica e shitësve publikojnë ofertat për shtëpi nëpërmjet një agjenti, të cilët paguhen në bazë të një përqindjeje të çmimit të blerjes. Duke ditur se tek 100oferta publikojnë ofertat më shumë se 50 agjenci imobilare dhe 500 agjentë, ju mund ta kryeni krëkimin për një agjent imobilar tek 100oferta.com.

 

Bëni një ofertë

Sapo të gjeni shtëpinë që dëshironi, lëvizni shpejt për të bërë ofertën tuaj. Nëse jeni duke bashkëpunuar me një agjent për blerje, atëherë merrni këshilla nga ai për një ofertë fillestare, por nëse po pyesni agjentin e shitësit, hartoni vetë strategjinë.

Mundohuni të shihni të dhënat për të paktën tre shtëpi që kanë shitur kohët e fundit në lagje. Nëse e doni me të vërtetë shtëpinë, mos e humbni. Shitësi mund të heqë dorë nga zgjatja e tepërt.

Nuk ka sistem të pagabueshëm për negocimin e një çmimi të drejtë. Herë pas here është më mirë të merresh drejtpërdrejt me shitësin vetë. Pasi të keni arritur një çmim reciprokisht të pranueshëm, agjenti i shitësit do të hartojë një ofertë për blerje që përfshin një datë për të mbyllur transaksionin.

 

122 herë e lexuar, 1 herë sot

Marketingu Online për Hotelet

Këshilla të dobishme 23/05/2017

Nuk ka rëndësi nëse keni vetëm dy dhoma që i jepni me qira për pushime, një hostel të vogël, çadra kampingu, apo një hotel me 3 yje: ju keni nevojë të bëni marketing online për të komunikuar me ata që janë duke planifikuar pushime, në mënyrë që të bëhen klientët tuaj. Ndryshe nga një biznes i zakonshëm që shet produkte apo shërbime gjatë gjithë vitit dhe klientët i kalojnë pranë dyqanit apo zyrave të shitjes, pushuesit zakonisht janë larg hotelit tuaj dhe kërkojnë produktin që shisni në një periudhë të caktuar. Kështu që, mënyra më efikase për të bërë të njohur produktin tuaj para klientëve potencialë është MARKETINGU ONLINE, kjo është gjithashtu edhe mënyra më e lirë.

Më poshtë kemi renditur disa pika orientuese për të ndërtuar një fushatë marketingu online, e cila do t’ju ndihmojë të prezantoni aty ku duhet produktin tuaj (dhoma plazhi, hotele, resorte etj) për ta kthyer në një marrëdhënie të sigurtë dhe afatgjatë me klientin e mundshëm.

 

Të njohësh klientin

Para se pushuesit të rezervojnë pushimet e ardhshme, ndoshta do të kenë bërë disa kërkime për të zgjedhur hotelin apo resortin e duhur për ta. Nëpërmjet 100oferta.com, Facebook, Instagram, Twitter dhe Tripadvisor ju keni mundësinë të ndikoni në mënyrën se si klienti percepton hotelin tuaj para se të vendosë të rezervojë.

Përcaktoni saktë produktin që ofroni dhe llojet e klientëve që dëshironi të vizitojnë hotelin tuaj. A vjen klienti juaj për biznes, aventurë, një fundjavë, pushime të shkurtra apo pushime të gjata me familjen? A duhet të prezantoni një atmosferë romantike apo të mbushur me aventura, ekonomike apo luksoze? Mënyra e prezantimit që vendosni në fillim do të përdoret në të gjitha platformat e mediave sociale, kështu që është e rëndësishme të zgjidhni me kujdes mesazhet tuaja që nga fillimi.

Pasi të keni ngushtuar këtë demografik, inkurajoni klientët që të përfshihen në postimet tuaja tek 100oferta.com, Facebook, Instagram apo Twitter. Shpërblejini ata duke ofruar zbritje për produktet dhe shërbimet. Nëse ata kanë një blog udhëtimi, ju kërkoni që të shkruajnë për hotelin tuaj, kundrejt një zbritje të mëtejshme. Nëse nuk kanë një blog udhëtimi mund t’ju propozoni për të postuar një vlerësim në TripAdvisor.

 

  1. Marketingu në 100oferta.com

    ⭐⭐⭐⭐⭐

Tek 100oferta.com ju keni dy mundësi të shkëlqyera për të prezantuar produktet tuaja:

  1. duke postuar oferta tek kategoria “Dhoma plazhi“, “Shtëpi pushimi”, ose “Pushime, Akomodim” dhe;
  2. duke promovuar biznesin tuaj tek blogu “Promovim”.

Për më tepër të dyja këto mundësi fantastike ofrohen FALAS nga 100oferta.com, duke u prezantuar para një audience të gjerë të shqiptarëve kudo nëpër Botë: Shqipëri, Kosovë, Maqedoni e disaporë. Çdo ofertë e re, apo shkrim promovues përhapet automatikisht edhe në rrjetet sociale (100.000+ ndjekës). Nëse klienti juaj i ardhshëm është duke kërkuar me fjalët kyçe “pushime në Shqipëri”, apo “Kerkoj dhoma plazhi me qira”, etj. terma si këto, ka më tepër se 80% mundësi, që oferta apo shkrimi juaj të lexohet prej tyre dhe nëpërmjet tij të vizitojnë edhe webin tuaj. 100oferta.com gjithashtu përmban një kuti kërkimi, e cila është efikase dhe e shpejtë. Përpara një audience prej 18.000 vizitorësh në ditë, me mesatarisht 42.000 oferta të lexuara në ditë, suksesi për ju është i sigurt.

 

  1. Marketingu në Facebook

    ⭐⭐⭐⭐⭐

Facebook është një vend ideal për të ndarë me të afërmit mesazhe, foto dhe video nga pushimet e tyre, para dhe pas udhëtimit. Kjo është mundësia juaj për të treguar se si hoteli apo resorti juaj, do t’i bëjë pushimet e tyre më të mirat që kanë pasur ndonjëherë.

Ju mund të pyesni klientë të ngazëllyer për hotelin tuaj, ose të krijoni lidhje përmes fotografive, videove në faqen tuaj. Jan disa mënyra për të krijuar një faqe të suksesshme në Facebook për të shtuar klientë të rinj dhe për të ri-fituar ata të mëparshmit:

  1. Zgjidhni një foto për Cover, me pamje të plotë dhe përshkruese – Një fotografi vlen sa një mijë fjalë, prandaj është e rëndësishme të zgjidhni me kujdes foton tuaj Cover. Zgjidh një foto bazuar në vendndodhjen, sezonin kryesor dhe atë që e bën hotelin tuaj të veçantë, sepse ky është imazhi më i dukshëm në faqen tuaj dhe gjëja e parë që njerëzit do të shikojnë. Duhet t’ju tregojë vizitorëve potencialin.
  2. Tregoni sa më shumë fotografi të jetë e mundur – Përdorni edhe fotografitë e qytetit tuaj për t’u krijuar një ide pushuesve për pushimet që do të kenë. Tregojuni atyre se ju jeni mikpritës gjatë gjithë kohës dhe kujdeseni për ta edhe kur nuk qëndrojnë në hotel. Krijoni albume me shumëllojshmëri të fotografive nga profesionistë që shfaqin hotelin dhe qytetin në dritën më të mirë.
  3. Krijoni oferta të veçanta ose promocione – Ju mund t’u ofroni klientëve stimuj të veçantë për të bërë “Like” faqen tuaj, si p.sh. zbritje për akomodimin e ardhshëm, që të inkurajoni klientët për produktin që shisni.

Cilat janë disa mënyra që mund ta bëni këtë?

  • Krijoni një konkurs dhe ftoni përdoruesit për të futur emrin dhe adresën e-mail.
  • U kërkoni atyre të ndajnë këtë garë me miqtë e tyre në Facebook për më shumë mundësi shtesë për të fituar.

 

  1. Marketingu në Instagram

    ⭐⭐⭐⭐

Instagrami është një mjet i fuqishëm marketingu dhe mund të ketë rezultate të shkëlqyera nëse përdoret siç duhet. Hashtags janë një komponent kyç në përdorimin e Instagramit.

  1. Hashtaget trendi mund të përdoren për të rritur ndërgjegjësimin e hotelit ose resortit tuaj – Mund të ketë raste të veçanta që ju dëshironi më shumë klientë në hotelin tuaj në një periudhë të caktuar, për një event të caktuar, p.sh. koncerte live, festa etj. Promocione të veçanta si këto inkurajojnë klientët e tjerë nëse dëshirojnë të marrin pjesë në këto evente.
  2. Hashtaget e veçanta mund të përdoren për klientë të veçantë – Nëse hoteli ndodhet në një vend të famshëm të bregdetit si Uji i Ftohte, ju mund të përdorni një hashtag specifik si #UjiFtohte. Gjatë planifikimit të një udhëtimi në një vend të caktuar, vizitorët potencialë do të kërkojnë nëpërmjet hashtagut të vendndodhjes, çka ju jep një mundësi të mrekullueshme për të shfaqur hotelin tuaj dhe t’u drejtoheni atyre.

 

  1. Marketingu në Twitter

    ⭐⭐⭐

Twitter ndoshta nuk është shumë i parapëlqyer për shqiptarët, por mbetet një nga rrjetet sociale kryesore për të huajt. Twitter e bën të lehtë për klientët, që të ndajnë përvojat e tyre me miqtë, duke sjellë referenca. Ai gjithashtu siguron një dritare prezantimi për t’u ekspozuar klientëve atë që hoteli juaj ka për të ofruar.

  1. Përfshini në një link (lidhje) me ofertat aktuale- Kjo varet nga vendet bosh që keni në dispozicion dhe datat që kërkoni të rezervohen.
  2. Pasqyrimi i ngjarjeve që ndodhin në qytet – Ka ndonjë festë apo ngjarje të veçantë në qytet? Shpërndani informacion rreth ngjarjes: një koncert, festival, promovim, inagurim etj.
  3. Ofroni shërbime për facilitetet e ofruara edhe jashtë dhomave të hotelit – Ndoshta keni një sallon, spa, restorant apo pishinë. Ndërtoni oferta vetëm për to, në mënyrë që klientët të vijnë sa më pranë hotelit tuaj. P.sh. 50% ulje për SPA, drekoni çift dhe paguani për një, ejani të shihni finale në barin tonë dhe shijoni një birrë falas, etj.

 

  1. Marketingu në Tripadvisor

    ⭐⭐⭐

Tripadvisor është një mjet popullor i përdorur nga turistët për të përcaktuar se ku të shkojnë, ku të qëndrojnë, ku të hanë dhe cilat vende të vizitojnë, gjithashtu iu jep atyre një mundësi për të ndarë mendimet dhe vlerësimet e tyre në lidhje me produktet e udhëtimit. Klientët ofrojnë rishikime të paanshme të hotelit tuaj, ngarkojnë fotot e tyre, votojnë pro ose kundër renditjen tuaj të hotelit, rekomandojnë miqtë etj.

Përveç turistëve, çdo hotel ose resort mund të krijojë një përshkrim të personalizuar, shërbimet e ofruara, çmimet, facalitetet dhe të ngarkojë fotot. Hoteli juaj do të renditet në një listë që përbëhet nga disa kategori: romantike, miqësore, familje, biznesi ose luksi.

Ju nuk mund të jeni në krye të listës së të gjitha hoteleve, por mund të jeni në kategori të caktuara. Theksoni ato pika që ju veçojnë nga hotelet e tjera. Ekziston edhe një opsion ku klientët mund të shikojnë çmimet dhe disponueshmërinë për rezervime. Për këtë arsye, po aq e rëndësishme është që çmimi juaj të jetë i saktë dhe i azhornuar sipas sezoneve.

 

Ky shkrim u publikua fillimisht tek lidhje.net 

 

216 herë e lexuar, 1 herë sot

Mos u nxito! Vlerëso saktë pronën që shet!

Këshilla të dobishme 25/04/2017

Nëse po mendon të shesësh një shtëpi, makinë, telefon apo diçka tjetër, gjëja e parë që duhet të bësh, është një vlerësim i saktë, për të vendosur një çmim të pranueshëm si për blerësin, ashtu edhe për ty. Çmimi i shitjes nuk duhet t’ju shkaktojë humbje financiare, por as nuk duhet ekzagjeruar duke kërkuar një fitim, që ndoshta për llogjikën e tregut nuk është normal.

Nëse po mendon se ajo ç’ka shisni vlen shumë më tepër se kërkesat e tregut, mund të mos jetë momenti i përshtatshëm për ta nxjerrë në treg. Disa prej shitësve tregohen kokëfortë dhe vendosin çmime të larta, të cilat largojnë blerësit, duke pritur një kohë të gjatë për të “peshkuar” ndonjë blerës të painformuar. Por kjo është vështirë të ndodhë dhe në këtë rast kostoja më e madhe është KOHA.

Le të supozojmë një rast kur keni për të shitur një telefon 2 vjet të përdorur, duke pretenduar një çmim prej 20.000 Lekë. Pas gjashtë muajsh pritje për të gjetur një blerës, me qindra modele të reja hidhen në treg dhe çmimi i tij realisht mund të ulet deri në 15.000 Lekë. Për më tepër telefoni vjetërohet edhe më tepër, duke zvogëluar mundësitë e shitjes. I njëjti shembull vlen edhe për shitjen e një makine, ndërsa më i ndërlikuar mund të jetë rasti për shitjen e pronave, pasi vlerësimi i tyre ndikohet nga faktorë të tjerë, përveç kohës dhe konkurrencës në treg.

Po si ta vlerësoni drejt çmimin e shitjes për atë çfarë doni të shisni?

Mënyra më e mirë do të ishte hulumtimi i ofertave të ngjashme me atë që mund të publikoni edhe ju tek 100oferta.com. Duke krahasuar çmimet për një makinë të ngjashme me disa nga të dhënat kryesore, si p.sh: marka, viti i prodhimit, km e përshkruara dhe specifikime të tjera, do të arrini të kuptoni se ç’po ndodh në treg aktualisht.

Po ashtu, nëse mendoni të shisni shtëpi, apo ambjent biznesi, mund të hulumtoni ofertat e tjera, që kanë karakteristika të ngjashme, si p.sh: zona ku ndodhet, lloji i planimetrisë, sipërfaqja etj.

Suksesi juaj për të shitur diçka varet nga përcaktimi i një çmimi të drejtë që ndodhet në një interval mes pretendimit të blerësit dhe shitësit. Pasi të keni vendosur një çmim të drejtë, ju mund të publikoni ofertën tuaj tek 100oferta.com, mes mijëra ofertave të tjera, me të cilat mund të konkuroni gjithashtu në mënyrë të drejtë.

Ka raste, kur oferta e sapo publikuar tërheq menjëherë interesin e blerësve duke arritur në më shumë se 30 telefonata në ditë, tek të cilat duhet të gjeni blerësin tuaj potencial. Kjo tregon se çmimi që keni vendosur dhe përshkrimi i ofertës kanë qenë një zgjedhje e mirë.

Por ka edhe raste, kur oferta mund të mos krijojë interesin e dëshiruar në treg. Ju mund ta ndryshoni çmimin edhe pas publikimit tek 100oferta.com (duke klikuar “Menaxho ofertat”), por impakti i parë është shumë i rëndësishëm, kështu që një vlerësim i drejtë do të thotë një shitje më e shpejtë.

Pas vlerësimit për një çmim sa më të pranueshëm dhe formulimit të saktë të ofertës për publikim tek 100oferta.com, suksesi do të jetë i padiskutueshëm!

100oferta = 100%sukses!

 

158 herë e lexuar, 0 herë sot

Faqe 1 nga 41 2 3 4
  • 10 këshilla për të shitur një makinë të përdorur

    by në 15/09/2017 - 1 Komente

    1. Të njohësh tregun Do të jetë e lehtë të shisni makinën tuaj? Apo do t’ju duhet të ulni çmimin dhe të prisni gjatë? Ja disa të dhëna interesante: –          Makinat familjare edhe pse nuk kanë shumë fansa, kanë një kërkesë në rritje –          Shitjet e makinave të modifikuara dhe sportive janë sezonale; më shumë […]

  • Promovo biznesin në blogun e 100oferta.com

    by në 15/09/2017 - 0 Komente

    Kërkon të përhapësh idetë e tua? Dëshiron të promovosh një sipërmarrje? Ke një reagim për funksionimin e tregut? Shkruaj në blogun e 100oferta.com dhe do kesh mundësinë që shkrimi të lexohet nga mijëra vizitorë në ditë, të përhapet brenda pak minutash në rrjetet kryesore sociale: Facebook, Linkedln, Twitter, Google+ etj., në të cilat 100oferta.com ka […]

  • Si të blesh makina në ankand

    by në 14/10/2017 - 0 Komente

    Ka shumë mënyra për të blerë një makinë në Evropë, por kur bëhet fjalë për blerje të zgjuara me çmime sa më të lira një nga mënyrat më të mira është ajo e ankandit. Ankandi në internet ndryshon nga ankandi i zakonshëm i makinave, por disa nga rregullat bazë janë të njëjta. Duhet të regjistroheni […]

  • Cila është më e mira nga makinat e përdorura?

    by në 31/08/2017 - 0 Komente

    Kompania prestigjoze e testimit të makinave Dekra ka vlerësuar 15 milion inspektime të automjeteve. Kur ble një makinë të përdorur, ka edhe shumë rreziqe. Për shembull, vlerësimi i kostove për mirëmbajtjen e vazhdueshme: Sa është rreziku për blerjen e një makine që ka përshkuar 100,000 kilometra? A ka nevojë për shërbime në kutinë e shpejtësisë, […]

  • Çmimet e automjeteve të përdorura 2017

    by në 25/10/2017 - 0 Komente

    Përcaktimi i çmimeve mesatare të makinave sipas vendeve kërkon modele komplekse të përcaktimit të çmimeve, por këtë studim e ka realizuar me sukses Car Spring. Për makinat e përdorura, kjo mund të jetë edhe më e komplikuar. Shkalla e zhvlerësimit nga një makinë në tjetrën fillon në momentin kur makina shitet nga pronari i parë […]