Mirësevini, [ Regjistrohu | Hyr

KKT miraton Planet Vendore për 11 bashki, ja si të aplikoni për leje ndërtimi

Info-Treg 09/02/2017

Sot u miratuan në Këshillin Kombëtar të Territorit, planet e përgjithshme vendore për 11 bashki: Krujë, Kukës, Gjirokastër, Urë Vajgurore, Skrapar, Poliçan, Cërrik, Librazhd, Kurbin, Divjakë dhe Korçë.

 

Ja se cilat janë hapat që duhet të ndiqet dhe dokumentacioni që duhet të plotësoni.

Aplikimi do t’i dërgohet bashkisë dhe kjo e fundit do të kryejë vetë (përmes sistemit) të gjithë bashkërendimin me institucionet e tjera publike, me afate të qarta dhe pa vonesa. Nëse institucionet nuk përgjigjen brenda 10 ditësh, kërkesa konsiderohet e miratuar në heshtje. Afati i shqyrtimit të lejes së ndërtimit nga bashkia është 15 ditë, ndërsa institucionet e tjera që duhet të japin mendimin e tyre në lidhje me lejen, duhet të përgjigjen brenda 10 ditëve pune. Në rast se institucionet publike nuk i japin përgjigje bashkisë brenda 10 ditëve pune, miratimi/pëlqimi i tyre konsiderohet i dhënë në heshtje dhe bashkia mund të vijojë  më tej me shqyrtimin e aplikimit.

Në çdo rast të mungesës së përgjigjes nga bashkia, brenda 60 ditësh nga dorëzimi i kërkesës së aplikuesit, sistemi gjeneron vendim për miratimin në heshtje.

 

Dokumentacioni i nevojshëm

Dokumentet që duhet të paraqesë aplikuesi për t’u pajisur me leje ndërtimi pranë njësive të qeverisjes vendore janë:

  1. Kërkesa për leje ndërtimi, sipas formularit të aplikimit, të përcaktuar në sistemin elektronik të lejeve;
  2. Dokumente që vërtetojnë të drejtat pasurore të pronës/ave që marrin pjesë.
  3. Zhvillim, përfshirë marrëveshjet midis pronarëve dhe zhvilluesit ose/dhe palëve të treta;
  4. Plani i vendosjes së ndërtimit mbi fragmentin e hartës në gjendjen ekzistuese;
  5. Projekti i ndërtimit dhe relacioni përkatës;
  6. Grafiku paraprak i punimeve dhe afati i dorëzimit të objekteve, sipas fazave të zbatimit;
  7. Preventivi;
  8. Deklarata e projektuesit të licencuar, sipas formatit të aplikimit, të përcaktuar në sistemin elektronik të lejeve të ndërtimit, nëpërmjet së cilës konfirmohet përputhshmëria e projektit me lejen e zhvillimit, dokumentet e planifikimit e kontrollit të zhvillimit, në fuqi, dhe me legjislacionin që rregullon veprimtarinë e ndërtimit në Republikën e Shqipërisë, përfshirë dispozitat antisizmike, të sigurisë, mbrojtjes nga zjarri dhe higjieno-sanitare;
  9. Lejet, licencat, autorizimet apo aktet e miratimit, të nevojshme për ushtrimin e aktivitetit, në zbatim të legjislacionit të posaçëm për lejet, licencat dhe autorizimet, në rastet kur është e nevojshme që ato të paraqiten përpara marrjes së lejes së ndërtimit;
  10. Mandatpagesa/t e tarifës/tarifave të aplikimit;
  11. Kopje e policës së sigurimit të projektuesve, për mbulimin e përgjegjësive profesionale.

 

Agjencia e Zhvillimit të Territorit bën të ditur se nuk janë të detyrueshme projektet e instalimeve, si dhe mbikëqyrja dhe kolaudimi i punimeve, me kushtin që zbatuesi të dorëzojë një deklaratë noteriale, me të cilën të konfirmojë, nën përgjegjësinë e tij të plotë civile dhe penale, se objekti është ndërtuar në përputhje me lejen e ndërtimit dhe projektin përkatës.

Koha e nevojshme për marrjen e shërbimit është brenda 45 ditëve nga data e dorëzimit të aplikimit. Afati do t’ju përcaktohet në formularin e lejes së ndërtimit.

 

 

Publiko edhe në:
Share on FacebookShare on Google+Share on LinkedInEmail this to someone

është lexuar 75 herë (0 herë sot)

Investitorët tregojnë interes në rritje për pronat në Evropën Lindore

Info-Treg 06/02/2017

Zotëruesit e pronave në Evropën Qendrore dhe Lindore po presin investime nga kapitalet perëndimore. Investitorë nga Evropa Perëndimore dhe SHBA kanë investuar më shumë se 20 miliardë € gjatë katër viteve të fundit. Investitorë nga Afrika e Jugut, si kompania Redefine, kanë paguar 1.2 miliardë € për të marrë kontrollin e Echo Prime Properties në Poloni në mars 2016, i cili ishte transaksioni më i madh në Evropën Qendrore dhe Lindore.

Kapitali i huaj ka rrjedhur në tregjet e pronave të Evropës Qendrore dhe Lindore, menjëherë pas viteve 1990, kur përfundoi periudha e sundimit të regjimit komunist. Veçanërisht interesi u rrit për 10 shtete, duke përfshirë Poloninë, Republikën Çeke, Sllovakinë dhe Hungarinë, që ju bashkuan BE-së në 2004.

Kryeqytetet e këtyre vendeve janë transformuar nga qendrat e përgjumura, të dominuara nga ndërtesat e zymta prej betoni të viteve 1970, në kryeqytete me gradaçela prej xhami e çeliku të përshtatshme për biznesin modern.

Fondet nga Gjermania dhe të tjera vende evropiane perëndimore udhëhoqën investimet e para, pasuar  nga interesi i fondeve të SHBA dhe investitorët e kapitalit privat. Të gjithë ishin të etur për rendimentet më të larta të ofruara nga ritmet e rritjes ekonomike të tregjeve në zhvillim, të cilat në këto vende ishin më të larta gjatë dy dekadave të fundit, se në pjesën tjetër të BE-së. Rritja vjetore në Poloni, për shembull, ishte mesatarisht 3.9 për qind në vit gjatë dekadës së fundit krahasuar me mesataren e BE-së prej 0.9 për qind.

Procesi u inkurajua nga programet e mëdha të ndërmarra nga bankat qendrore në SHBA, Britaninë e  Madhe dhe Eurozonë, që nga viti 2008. Këto ndërhyrje krijuan kapital të lirë në kërkim të kthimit të investimeve.

Gjithashtu vitet e fundit, investitorë nga Kina, Azia Juglindore, Afrika e Jugut dhe ekonomitë e tjera në zhvillim, kanë filluar blerjen e aseteve në të gjithë rajonin gjithnjë e më shpesh. Disa kanë investuar për të diversifikuar kapitalet e brendshme ose për të siguruar ekspozimin në tregun evropian, ndërsa disa të tjerë e konsiderojnë këtë rajon si një trampolinë për investime të mëtejshme në perëndim.

New Europe Investment Property, një fond investimi i Afrikës së Jugut, ka aksione me vlerë rreth 1.5 miliardë € në Rumani, ndërsa Tower  Property me bazë në Cape Town, ka bërë investimin e saj të parë në Kroaci në shkurt 2016.

Problemet me monedhat vendase janë një tjetër faktor shtytje për investitorët në kërkim të tregjeve jashtë kufijve. Investitorët nga Korea e Jugut, Kina dhe Malajzia kanë bërë investime në Europën Qendrore dhe Lindore, duke e parë si një rajon që i ndihmon të përshtaten me praktikat e biznesit të BE-së – me kosto më të ulët dhe me kthime më të larta të investimeve se në Perëndim.

Hana Asset Management, me qendër në Seul, është në procesin e blerjes së një qendre logjistike të Amazon në rrethinat e Poznanit, në Poloni perëndimore, në një vlerë prej 85 milionë USD. Investitorët kinezë, gjithashtu kanë treguar interes në projekte që shtrihen nga Praga në Beograd. Këto investime kanë patur një impakt pozitiv edhe për investimet lokale.

Në 20 vitet e fundit, kapitali vendas ka qenë i vogël në drejtimin e tregut të pronës, përveç në Republikën Çeke, si rrjedhojë e përfshirjes së investitorëve vendas. Analistët e tregut vlerësojnë se, në Poloni, industria lokale për menaxhimin e aseteve llogaritet në shifrat 5 – 10% të transaksioneve të pronës me vlerë të përgjithshme dhe është një normë rritje që ka lënë pas tregun e përgjithshëm.

Sipas specialistëve edhe asetet e pronave të paluajtshme në Shqipëri kanë interes të madh nga investitorët e huaj, pavarësisht ndryshimeve të fundit politike në Britaninë e Madhe dhe SHBA. Ky interes lidhet kryesisht me pozicionin e favorshëm gjeografik të Shqipërisë, si dhe prespektivën e industrisë së turizmit. Me anëtarësimin e Shqipërisë në BE, tregu shqiptar i pasurive të paluajtshme pritet të ketë një rivlerësim të përgjithshëm, duke ndikuar jo vetëm në sektorin e ndërtimit dhe shërbimeve, por në të gjithë ekonominë e vendit.

 

Burimi: The Economist, Financial Times, Wall Street Journal.

Publiko edhe në:
Share on FacebookShare on Google+Share on LinkedInEmail this to someone

është lexuar 75 herë (0 herë sot)

Rriten kërkesat për blerje pronash

Info-Treg 27/01/2017

Kërkimi për prona në shitje në gjysmën e dytë të vitit 2016 u rrit pothuajse 3 herë krahasuar me të njëjtën periudhë të vitit 2015 tek 100oferta.com. Rritja filloi që në muajt e verës; korrik – gusht, duke arritur përkatësisht në 134.678 dhe 143.094 kërkesa, ndërsa arriti shifrën rekord prej 265.298 kërkesa në dhjetor 2016.

Kutia e kërkimit vetëm për prona tek 100oferta.com është përdorur gjithsej 1.139.704 herë në gjashtëmujorin e dytë të 2016, ose afërsisht 3 herë më shumë krahasuar me 358.985 kërkimet e të njëjtës periudhë për vitin 2015. Mesatarisht janë regjistruar 6.332 kërkime në ditë për prona në shitje të tipeve të ndryshme si: apartamente, ambjente biznesi, shtëpi banimi ose vila dhe troje.

Kërkimet kryesore janë drejtuar tek kategoria “Apartamente 2+1” në shifrën 35% (ose 398.654 kërkime), e ndjekur nga kategoria “Apartamente 1+1” me 21% dhe kategoria “Ambjente biznesi” (dyqane, zyra, magazina) me 17% të kërkimeve. Kategoritë e tjera si “Apartamente 3+1 ose më të mëdha“ kanë regjistruar 8.6% të kërkimeve, “Troje” 8% dhe “Shtëpi, vila” 6.4 %.

Kryeqyteti i vendit, Tirana, mbetet e parapëlqyera për investimin në pasuri të paluajtshme me 78% të kërkesave ose 888.426 kërkesa për gjashtë muajt e fundit të vitit 2016, e ndjekur nga Durrësi me 6.1%, Saranda 4.7%, Vlora 3.2%, Shkodra 2.3% dhe Fieri 2.1%.

Rritjes së kërkesave për prona në shitje i është përgjigjur njëkohësisht edhe rritja e publikimit të ofertave nga agjenci të ndryshme imobilare dhe persona që zotërojnë titujt e pasurive të paluajtshme. Gjatë gjashtëmujorit të dytë të 2016, janë publikuar 5.734 prona në shitje, nga të cilat 483, ose 8.4% e tyre janë deklaruar të shitura tek 100oferta.com, pra oferta të suksesshme për postuesit.

Pas 5 viteve në tregun shqiptar të ofertave 100oferta.com është kthyer në faqen më prestigjoze dhe të besueshme për shitësit e blerësit dhe krenohet me kontributin që jep për zhvillimin e tregut shqiptar nëpërmjet cilësisë së shërbimit të informacioneve të dobishme në internet. Tek 100oferta.com do të ketë gjithmonë hapësirë për publikimin e ofertave falas nga të gjithë personat dhe kompanitë, pa u kushtëzuar dhe duke u trajtuar me të njëjtën përkujdesje për çdo ofertë të publikuar.

Publiko edhe në:
Share on FacebookShare on Google+Share on LinkedInEmail this to someone

është lexuar 153 herë (0 herë sot)

Agjencitë imobilare më prestigjoze në Shqipëri

Info-Treg 14/09/2016

Agjencitë imobilare më prestigjoze në Shqipëri publikojnë çdo ditë oferta të reja për apartamente dhe shtëpi në shitje ose me qira, ambjente biznesi, truall, shtëpi pushimi etj. Që prej shkurtit 2012, tek 100oferta.com janë regjistruar më shumë se 500 agjentë dhe agjenci imobilare dhe rreth 2500 individë që kanë publikuar ofertat e tyre për prona në shitje ose me qira.

Për të kërkuar ofertat prej disa nga agjencive imobilare me numrin më të madh të ofertave të publikuara në 100oferta.com mund të klikoni lidhjet e mëposhtme:

Future Home Opportunity

Homeplus Albania

Edilal

Ideal

Imobiliare Pluss

Reger

Tirana Real Estate

Pavlo Agency

Homes in Albania

Studio Kryemadhi Ligjore dhe Real Estate

Future Home Real Estate

HomeDeal.Albania

Sun Real Estate

ATI Albania

Kontakt sh.p.k.

Century 21 Golden

Eagles Estate

Property Albania

Merlin Imobiliare

Nëse jeni një agjenci imobilare që publikoni ofertat tek 100oferta.com me një profil të verifikuar, mund të shtoni lidhjen tek lista e mësipërme duke na dërguar një email në adresën info@100oferta.com.

 

Publiko edhe në:
Share on FacebookShare on Google+Share on LinkedInEmail this to someone

është lexuar 351 herë (0 herë sot)

Rritet numri i kërkesave për prona në shitje gjatë Gushtit

Info-Treg 12/09/2016

Rritet numri i kërkesave për prona në shitje gjatë Gushtit. Kjo rritje e pazakontë e kërkesave tek 100oferta.com për prona në shitje arrin në më shumë se dyfishin krahasuar me muajin paraardhës, ndërsa është rreth 5 herë më e lartë krahasuar me Qershorin 2016.

Rritja është padyshim rezultat i prestigjit që ka fituar 100oferta.com tek të gjithë të interesuarit për blerje pronash, si dhe seriozitetit e menaxhimit rigoroz të informacionit të publikuar. Rritja e muajit të fundit është gjithashtu edhe rezultat i regjistrimit të shumë agjencive prestigjioze imobilare tek 100oferta.com, të cilat postojnë çdo ditë oferta të reja për shtëpi banimi dhe ambjente biznesi në shitje. Kjo tendencë vazhdon të vërehet edhe ditët e para të shtatorit, pak ditë pas opsionit të “verifikimi të profilit” të postuesve, një opsion i ri nga 100oferta.com, i cili rrit besueshmërinë e postuesve dhe lehtëson pubilikimin e ofertave.

kerkesa-gusht-100ofertaQë prej shkurtit të vitit 2012, 100oferta.com është faqja më serioze për publikimin e ofertave, duke u kujdesur çdo ditë për vërtetësinë e informacionit dhe marrëdhëniet rigoroze me postuesit.

Vihet re një rënie e lehtë për kërkesat ndaj ofertave të automjeteve dhe pajisjeve elektronike, por kjo shpjegohet si një rënie e përvitshme sezonale, pasi gjithmonë kërkesat për këto kategori arrijnë pikun në periudhën e ndërrimit të viteve.

 

 

Publiko edhe në:
Share on FacebookShare on Google+Share on LinkedInEmail this to someone

është lexuar 289 herë (1 herë sot)

Ku përfundojnë makinat e reja që nuk shiten!?

Info-Treg 06/08/2016

Vitet e fundit, një nga temat e trajtuara shpesh ka qenë rimëkëmbja ekonomike.

Por është mbajtur e fshehtë mungesa e kërkesës dhe rrjedhimisht edhe shitjet tek konsumatorët, sidomos nga prodhuesit e automobilave, të njohura si “mallra kanali”. Vazhdoni leximin …

Publiko edhe në:
Share on FacebookShare on Google+Share on LinkedInEmail this to someone

është lexuar 4366 herë (0 herë sot)

Tregu i apartamenteve dhe makinave

Info-Treg 04/06/2016

Tregu i apartamenteve në shitje

Shitja e apartamenteve në Tiranë karakterizohet nga çmime të ndryshme që kryesisht varen nga pozicionimi. Në disa prej zonave të reja të banimit çmimet janë relativisht të ulëta, ku mund të gjeni një apartament që shitet edhe me 300 Euro/m², ndërsa në disa të tjera çmimet vazhdojnë të jenë të larta duke arritur edhe në 3000 Euro/m².

100oferta.com ka kryer një studim të tregut të shitjes së apartamenteve në kryeqytet, bazuar në ofertat e publikuara tek 100oferta.com për periudhën Janar – Maj 2016, ku vërehet se zona e Freskut dhe Unazës së Re janë zonat me çmimet më të lira në treg, me çmime mesatare respektivisht 486 Euro/m² dhe 509 Euro/m². N ë zonën e Komunës së Parisit apartamentet shiten me një çmim mesatar prej 785 Euro/m², ndërsa në zonën e ish Bllokut çmimi mesatar arrin në 1643 Euro/m² ose rreth 3.4 herë më i lartë se në zonën e Freskut. E ngjashme është edhe diferenca e çmimeve për apartamentet me qira.

100oferta cmimet mesatare apartamente 5

Aktivitet i lartë i shitjeve të apartamenteve vihet re gjithashtu edhe në periferi, kryesisht në zonat e Kamzës, Dajtit dhe Yzberishtit, ku çmimi mesatar për m² është akoma më i lirë. Ofertat për shitje apartamentesh, sidomos nga agjenci imobilare kanë ardhur duke u rritur në mënyrë të shpejtë vitin e fundit tek 100oferta.com. Kjo rritje e publikimit të ofertave është rrjedhojë e dy arsyeve kryesore: besueshmëria në korrektësinë e publikimeve të ofertave nga 100oferta.com dhe përhapja më e shpejtë e ofertave drejt grupeve të interesuara për blerje krahasuar me mënyrat e hershme tradicionale.

 

Tregu i makinave në shitje

Makinat më të kërkuara tek 100oferta.com vazhdojnë të mbeten VW Golf dhe Mercedes Benz C class, të ndjekura nga Ford, Reanult, Opel etj. Vihet re një interes më i madh nga blerësit për makinat ekonomike japoneze si Toyota Yaris dhe Corolla. Përsa i përket viteve të prodhimit, ofertat e makinave që marrin më tepër interes nga vizitorët janë vitet 2000-2005, ndërsa vazhdojnë të kërkohen dukshëm më tepër makinat me naftë.

100oferta cmimet mesatare makina 5

Ajo që kemi vënë re është se periudha për shitjen e një makine tek 100oferta.com është zvogëluar ndjeshëm duke patur raste të shitjes edhe brenda ditës, ndërsa mesatarisht nevojiten rreth 25 ditë.

Për të qenë më të suksesshëm në shitjen e makinave apo gjithçka tjetër tek 100oferta.com ju lutem lexoni: “Më të suksesshmit e 100oferta.com” dhe “Si të formuloni një ofertë të suksesshme“.

 

Publiko edhe në:
Share on FacebookShare on Google+Share on LinkedInEmail this to someone

është lexuar 781 herë (0 herë sot)

Makina ne shitje, makina me qera

Info-Treg 02/06/2016

Makina ne shitje:

Kërko makina në shitje (makina të përdorura, makina të reja)

Njoftime për makina (autovetura) :

Çdo ditë oferta të reja për makina në Shqipëri. Gjej makina nëpërmjet 100oferta.com

Makina me qera në çdo rreth të Shqipërisë.

Kërko makina me qera, traktorë në shitje, pjesë këmbimi etj.

Publiko edhe në:
Share on FacebookShare on Google+Share on LinkedInEmail this to someone

është lexuar 242 herë (0 herë sot)

A mund të fitosh para në Internet?

Info-Treg 16/04/2016

A mund të fitosh para në Internet?

Po. Ka njerëz që fitojnë para në Internet, por ndoshta nuk janë ata që keni dëgjuar nëpër histori të çuditshme, ose më saktë nëpër përrallat e ditëve të sotme. Shumica e bizneseve të vogla e përdorin Internetin sipas nevojave të tyre, por në përgjithësi, Interneti është një mjet për shitjen e produkteve dhe për lidhjen mes njerëzve, nuk është një skemë piramidale fitimprurëse.

Marketingu në internet kërkon të njëjtat njohuri dhe praktika si marketingu tradicional. Ju duhet të keni një përgatitje të shkëlqyer, aftësi të mira vizuale dhe krijuese, duhet të jeni një hallkë e rëndësishme në lidhjen mes shitësit dhe blerësit.

Po ashtu krijimi i një sipërmarrje (start-up) në Internet kërkon aftësi në programim, njohje shumë të mirë të gjuhëve të huaja, studim të hollësishëm të tregut, sjelljes së audiencës dhe mbi të gjitha përkushtim e sakrificë.

 

Cilat janë mundësitë të fitosh para në Internet?

Në vendet e zhvilluara zotërimi i aftësive dhe mundësia për t’i përdorur ato, është thelbësore po aq sa edhe në vendet në zhvillim, edhe pse në të dy këto mjedise të ndryshme ka dallime të mëdha.

Për dikë që jeton në Shqipëri, një vend i vogël për nga madhësia e tregut dhe numri i banorëve, e me një gjuhë të përfaqësuar shumë pak në botën e Internetit, statistikat e vendeve të zhvilluara nuk vlejnë. Po ashtu, edhe mënyrat se si mund të fitosh para në Internet nuk vlejnë.

Për dikë që jeton në vendet e zhvilluara dhe bën pjesë në tregun e madh anglishtfolës ka dhjetëra mënyra, ndër të cilat më kryesoret janë:

  • Specialist për optimizim online (SEO)
  • Bloger profesionist (Copywriter)
  • Ndërtimi i faqeve për referim, promovim, reklamë (Afiliatte)
  • Shitja e produkteve online (Sell your stuff)
  • Punë nga shtëpia (Freelancer)

Ndërsa për hapësirën shqipfolëse asnjë nga këto mënyra nuk do t’ju shpërblejë qoftë edhe me 1 Euro.

 

Mashtrimet në Internet

Përveç mënyrave të suksesshme dhe transparente, edhe në botën e Internetit ekzistojnë mashtrime të llojeve nga më të ndryshmet, që po të tregoheni i pamatur mund të bëheni një ditë viktimë e tyre. Mashtrimet më të zakonshme ngrihen në formë piramidash duke premtuar shpërblim për zgjerimin e anëtarësimit prej jush, ose duke ju premtuar shpërblim për klikime në faqe të ndryshme (duke ju referuar lidhje, links ku duhet të klikoni). Si në çdo mashtrim tjetër piramidal, vetëm maja e piramidës mund të fitojë të ardhura, ndërsa pjesa tjetër nuk arrin kurrë të mbulojë shpenzimet pasi ashtu siç krijohen, piramidat zhduken sapo kanë fituar shumat e nevojshme.

mashtrim para ne internet

A mund të fitosh para në Internet?

Shpesh shohim postime në shqip, madje edhe nga ata të cilët kanë njohuri të mira mbi Internetin, që ftojnë përdorues të blogjeve, faqeve të tyre, apo në rrjete sociale, që t’i bashkangjiten fundit të piramidës, duke e ditur që po i kthejnë vizitorët e tyre në viktima, për të përfituar shuma të papërfillshme. Po, shuma të papërfillshme, sepse klikimi nga një adresë IP shqiptare është qindra herë më i lirë, se klikimi i një adrese nga vendet e zhvilluara.

Këto “oferta” e dëmtojnë tregun shqiptar, sepse i ulin reputacionin të gjithë adresave me IP shqiptare, ashtu siç konsiderohen sot të pavlefshme të gjitha klikimet nga Bangladesh, apo vendet ku piramidat e klikimeve false kanë lulëzuar disa vjet më parë.

 

Cilat janë mënyrat e sigurta dhe të ndershme?

Nuk është e lehtë të fitosh para në Internet, aq më tepër në një treg të vogël, me një gjuhë të rrallë dhe ku pagesat online pothuajse nuk ekzistojnë.

Por bashkë me disavantazhet, kemi edhe avantazhe. Për ata që kanë aftësi në programim, njohin shumë mirë anglisht dhe janë të mirëarsimuar ka mundësi të arta për të ofruar shërbime, që në vendet e zhvilluara kushtojnë shumë shtrenjt. Shumë kompani në perëndim kanë zgjeruar praktikën e kalimit të disa shërbimeve në vende me kosto më të lirë (Outsource).

Është për t’u përshëndetur iniciativa e disa të rinjve nga Shqipëria dhe Kosova që kanë fituar projektet e para dhe kanë filluar të ngrejnë një linjë të re binzesi në Internet, përveç kompanive të mbipopulluara të CallCenter.

Po. Mund të bësh para në Internet edhe duke jetuar e punuar nga Shqipëria, por duke studiuar më mirë, duke fituar aftësi të nevojshme dhe duke punuar shumë. Mashtrimi nuk ja vlen asnjëherë.

Publiko edhe në:
Share on FacebookShare on Google+Share on LinkedInEmail this to someone

është lexuar 628 herë (0 herë sot)

SHBA kërkon urgjentisht shoferë për kamionë

Info-Treg 10/10/2015

Deri në fund të ketij viti do të krijohet një mungesë prej 50.000 shoferë kamioni në Shtetet e Bashkuara, sipas raportit nga Shoqatave Amerikane e Kamionëve (ATA).
Bizneseve amerikane ju duhen shoferët e kamionëve për të transportuar mallrat për dërgesat e përditshme dhe çdo gjë të domosdoshme, nga ushqimi në supermarkete deri tek dërgesat e kompanive të internetit.
Paga mesatare vjetore për një shofer kamioni që punon për një kompani private, si p.sh. nga Walmart, është 73.000 USD, sipas ATA, ndërsa Departamenti i Punës e llogarit pagën mesatare vjetore për të gjithë shoferët e kamionëve në rreth 40,000 USD.
Ka 1.6 milionë shoferë kamioni në Amerikë. Mosha mesatare e shoferëve është 49 vjeç, ndërsa për punëtorët amerikanë rreth 42.

shofer kamioni
Femrat përbëjnë 47% të totalit të fuqisë punëtore amerikane, por vetëm 6% e të gjithë shoferëve janë gra.
Kushtet për t’u punësuar si shofer kamioni janë (për shtetas amerikanë) mosha mbi 21 vjeç, licencë për kamionët komerciale dhe nënshtrimi i kontrolleve për substancat e ndaluara. Pak njerëz janë të gatshëm për të qenë në rrugë çdo ditë dhe për orë të tëra në udhëtim të lodhshëm nga njëri shtet në tjetrin.

Marrë me shkurtime nga CNN Money

Publiko edhe në:
Share on FacebookShare on Google+Share on LinkedInEmail this to someone

është lexuar 4052 herë (4 herë sot)

Faqe 1 nga 61 2 3 6
  • Shfaqi ofertat përsëri në faqen e parë!

    prej në 11/02/2017 - 2 Komente

    Ofertat e publikuara mund t’i shfaqësh përsëri në faqen e parë, çdo 24 orë, pa pritur aprovim dhe falas. Ky është një veprim fare i thjeshtë: mjafton të klikoni vetëm një buton që gjendet në fund të njoftimit, ose një ikonë tek paneli “Menaxhoni njoftimet” dhe automatikisht oferta ngjitet në krye të faqes së parë. Shih shembujt […]

  • Suksesi i ofertave të publikuara edhe në rrjetet sociale

    prej në 14/01/2017 - 0 Komente

    Pjesa më e madhe e informacionit që marrim çdo ditë, i takon internetit. Hapësira e mediave klasike si: gazetat, revistat dhe televizionet, sa vjen e ngushtohet, ndërsa numri i faqeve të reja të internetit (website) bashkë me përdorimin e rrjeteve sociale, shtohen me ritme të shpejta. Në Shqipëri numri i përdoruesve të interentit që përdorin […]

  • Rriten kërkesat për blerje pronash

    prej në 27/01/2017 - 0 Komente

    Kërkimi për prona në shitje në gjysmën e dytë të vitit 2016 u rrit pothuajse 3 herë krahasuar me të njëjtën periudhë të vitit 2015 tek 100oferta.com. Rritja filloi që në muajt e verës; korrik – gusht, duke arritur përkatësisht në 134.678 dhe 143.094 kërkesa, ndërsa arriti shifrën rekord prej 265.298 kërkesa në dhjetor 2016. […]

  • Si të blesh një makinë në Gjermani

    prej në 04/02/2017 - 0 Komente

    Blerja e një makinë të re ose të përdorur në Gjermani mund të jetë një sfidë, megjithatë ka shumë informacione që mund t’ju  ndihmojnë. Blerja e makinës në Gjermani mund të jetë e suksesshme sepse ka një numër shumë të madh makinash në shitje. Makinat e perdorura mund të gjenden me një çmim të mirë […]

  • Shtyhet afati për rivlerësimin e pronave deri më 31 Maj 2017

    prej në 03/02/2017 - 0 Komente

    Rivlerësimi i pronave mund të bëhet deri më 31 Maj 2017, sipas njoftimit më të fundit nga qeveria. Shtyrja e afatit me 3 muaj erdhi pas fluksit të madh të kërkesave për rivlerësimin e pronave. Sipas Ministrisë së Financave, nga 1 shtatori 2016 deri më 31 janar 2017, janë dorëzuar 27 mijë aplikime.   Rivlerësimi […]