Mirësevini, [ Regjistrohu | Hyr

SHITET PORTALI 100oferta.com

Edhe 21 ditë në ankand. Kliko për më tepër info!

Informacion për 100

Përshkrim

Tender €

Shitet portali 100oferta.com

Shitet plotësisht nëpërmjet procesit të tenderimit 100oferta.com 100oferta.com është portali më i suksesshëm për publikimin e ofertave të tregut në Shqipëri. Që prej 8 shkurtit […]

është lexuar 175 herë (17 herë sot)

 

For sale 100oferta.com through the bidding process

100oferta.com is the most successful portal for the publication of market offers in Albania. Since February 8, 2012, 100oferta.com has gained the confidence of all […]

është lexuar 123 herë (1 herë sot)

100oferta blog

 

Kërkohet COPYWRITER për shkrime me përmbajtje marketingu në shqip

Punë part-time COPYWRITER për shkrime me përmbajtje marketingu në shqip! Çfarë kërkohet: Të njohë shumë mirë gjuhën shqipe  Të njohë parimet themelore të Copywriter  Të […]

është lexuar 434 herë (6 herë sot)

10 këshilla për të shitur një makinë të përdorur

Këshilla të dobishme 15/09/2017

1. Të njohësh tregun

Do të jetë e lehtë të shisni makinën tuaj? Apo do t’ju duhet të ulni çmimin dhe të prisni gjatë? Ja disa të dhëna interesante:

–          Makinat familjare edhe pse nuk kanë shumë fansa, kanë një kërkesë në rritje
–          Shitjet e makinave të modifikuara dhe sportive janë sezonale; më shumë preferohen në verë
–          Kamionat, autobusët dhe furgonat kanë blerës të qëndrueshëm dhe çmime të mira. Mos i zhvlerësoni.
–          Makinat e rralla kërkojnë më shumë kohë për t’u shitur, megjithatë mund të fitojnë vlerë të jashtëzakonshme po të gjeni blerësin e duhur.

 

2.Vendosni një çmim konkurues

Pasi t’i keni hedhur një vështrim tregut të makinave do të vini re që çmimet ndryshojnë sipas markës, vitit të prodhimit, llojit të karburantit, kilometrazhit, ngjyrës, opsioneve dhe gjendjes së mirëmbajtjes. Gjithmonë ka vend për të diskutuar çmimin kështu që, nëse nuk e shpallni çmimin të padiskutueshëm, lini pak hapësirë për ulje çmimi. Ju mund të shihni sesi disa shitës përdorin çmime të mira nga ana psikologjike, p.sh. në vend të 7000 Euro – 6990 Euro. Kjo mund të jetë efikase për tregëtarët, por nëse shisni makinën personale do të ishte më mirë p.sh. 6900 ose 6800 Euro.

 

3. Bëjeni makinën tuaj “ta duan me shikim të parë”

Kur blerësit të shohin makinën tuaj, me shumë mundësi do të vendosin ta blejnë apo jo në pak sekonda. Kjo, sipas studimeve, ndodh nga shikimi i parë i makinës. Para se të bëni fotografitë për publikimin e ofertës tek 100oferta.com, sigurohuni që makina të jetë e pastër. Ja ç’mund të bëni për të tërhequr sa më shumë blerësit:

–          Lajeni dhe pastrojeni mirë makinën nga jashtë;
–          Sigurohuni që makina të jetë në gjendje të mirë mekanike. Më mirë shpenzoni pak për ndonjë riparim, sesa të ulni çmimin për ndonjë problem;
–          Hiqni brenda makinës ndonjë send personal. Nëse blerësi kërkon ta provojë, nuk duhet t’i duket si makina e tjetërkujt;
–          Fshihni pluhurin e ferrotave dhe pastroni mirë gomat me ndonjë shkëlqyes;
–          Pastroni me kujdes xhamat dhe pasqyrat;
–          Lani kroskotin dhe pastroni tavllën;
–          Mirëmbani gjithë çertfikatat e servisit për t’ia treguar blerësit
–          Nëse makina kërkon ndërim vaji dhe filtrash, kujdesuni t’ia ndëroni edhe pse po e shisni
–          Kontrollojeni tek mekaniku, në mënyrë që të jeni në dijeni të gjendjes së makinës edhe nëse blerësi mund të ngrejë dyshime.
–          Jepini siguri të argumentuar blerësit për të dhënat e makinës dhe kilometrazhin

 

4. Ku të njoftoni shitjen e makinës suaj

Tani që makina juaj është gati për shitje, ju duhet të vendosni se ku do ta shisni. Zakonisht një mënyrë tradicionale është nëpër gazeta, ose vendosja e njoftimit në xhamin e makinës, por që të dyja janë mënyra pak efikase, sepse mbulojnë një zonë shumë të vogël kërkimi dhe nuk janë të përshtatshme për komunikim. Shitja online nëpërmjet 100oferta.com sa vjen e bëhet më e suksesshme. Oferta juaj përhapet menjëherë në të gjitha rrjetet sociale si Facebook, Twitter, Linkedin, Google+, Pinterest ku 100oferta.com ka më shumë se 100.000 ndjekës të rregullt dhe njoftimi mund të ketë brenda ditës qindra lexime. Për më tepër ju lutem lexoni: Si të formuloni një ofertë të suksesshme!

 

5. Krijoni një njoftim që “shet”

Mendoni për sqarimin që do t’iu bënit blerësve kur shkruani një njoftim. Pak fjalë mund të thonë shumë. Përveç çmimit, njoftimi juaj duhet të përfshijë vitin e prodhimit, modelin dhe markën, llojin e karburaniti, kilometrazhin, ngjyrën, gjendjen e makinës dhe opsionet e veçanta të saj.

Kur vendosni një njoftim për shitje makine në 100oferta.com ju keni mundësi të tregoni sa “të paduruar” jeni për ta shitur këtë makinë dhe këtë mund ta bëni duke filluar përshkrimin:

–          Okazion!…
–          Oferta më e mirë!
–          Çmim i diskutueshëm! Etj.

6. Tregojeni makinën tuaj

Mund t’ju kontaktojnë shumë blerës për makinën që shisni. Kjo mund të jetë edhe e bezdisshme, por duke lejuar intuitën tuaj ju mund t’i zgjidhni ata që mendoni se do të keni një marrëveshje. Nëse doni të mbani privacinë tuaj të paekspozuar zgjidhni një vend ku mund të tregoni makinën. (Ndryshe nga mënyrat e tjera të njoftimit tek 100oferta.com ju mund ta ndaloni ose ta fshini njoftimin pasi ta keni shitur makinën). Mbani parasysh, që edhe blerësit mund të mendojnë për ju: a është serioz ky shitës? Kështu që, gjithmonë tregohuni i hapur. Blerësit e vërtetë duan ta provojnë makinën, nëse dyshoni, ju thoni t’iu tregojnë patentën.

Nga ana tjetër me të drejtë blerësit nuk e kanë aq të thjeshtë një vendim për të harxhuar goxha para. Ju duhet t’i siguroni, se ata po bëjnë një shpenzim që ja vlen dhe t’ia bëni sa më të lehtë. Disa blerës mund të duan ta shohin makinën tek një mekanik për kontroll. Nëse ju keni një inspektim nga mekaniku juaj mund t’ia tregoni, por nëse blerësi këmbëngul, kjo është e arsyeshme. Nëse dyshoni se blerësi nuk mund ta drejtojë makinën, ose mund ta vjedhë, shoqërojeni edhe ju. Nëse blerësi ju thotë t’i jepni ju makinës, ka shumë mundësi që ai po ju harxhon kohën kot.

 

7. Negocioni për çmimin më të mirë

Nëse një person provon makinën dhe aprovon blerjen, ju prisni që ai të bëjë një ofertë. Shumë njerëz kanë konceptin e duhur mbi negocimin. (sidomos mesdhetarët).

Ata mund të fillojnë me një fjali si:

–          “Më pëlqen kjo makinë, por…”

Kjo është mënyrë e lehtë për të negociuar. Sepse blerësi po të lë fjalën për një çmim të pranueshëm dhe ju mund t’i thoni: “Sa paguan ti?”

–          “Cili është pazari i fundit?”

Kjo është mënyra direkte për të zbuluar sa e ulni ju çmimin, por po ta shihni nga ana e blerësit nuk duket shumë trysni për të ulur çmimin.

–          “Ma shet kaq Lekë?”

Ky blerës po ju bën një ofertë, që nuk lë shumë vend për negociata. Por kujdes, ai mund të jetë edhe duke bërë bllof. E vetmja mënyrë për ta kuptuar është t’i thoni “Jo”.

Mos bëni premtime, që nuk mund t’i mbani më vonë pas shitjes, p.sh. “do të gjej një pasqyrë ta zëvendësoj”, ose “do të jap edhe gomat që kam në shtëpi”. Kjo jo vetëm nuk ju ndihmon, por ngre dyshime tek blerësi.

Nëse nuk kontaktoni shumë blerës, mbase është më mirë të rishikoni çmimin. Nëse kini postuar një ofertë dhe blerësit duan të komunikojnë me email apo celular për të sqaruar detaje, kjo nuk ja vlen. Më mirë iu thoni të vijnë ta shohin.

 

8. Negociatat e vështira

Në disa raste mund të bini dakord t’i bëni edhe disa shërbime makinës para se t’ia shisni blerësit. Por kjo mund të sjellë keqkuptime për llojin e riparimeve, cilësinë, etj., prandaj mund ta lini këtë opsion. Gjëja më e mirë është ta keni makinën gati dhe pasi ta shisni të shtrëngoni dorën me blerësin. Por blerësi mund t’ju kërkojë me insistim një riparim të caktuar. Nëse riparimi nuk është shumë i kushtueshëm mund ta bëni pa ndryshuar çmimin, por nëse blerësi ju kërkon një riparim të kushtueshëm duhet të informoheni saktë për shpenzimin te mekaniku. Nëse blerësi vazhdon të këmbëngulë për ndonjë problem tjetër, atëherë mund t’i thoni “kjo është makinë e përdorur dhe s’mund të jetë perfekte” duke justifikuar edhe çmimin që e shisni.

 

9. Finalizimi i shitjes

Akti noterial i shit-blerjes kryehet në çdo zyrë noteri të Republikës së Shqipërisë. Dokumentat për shitjen e një makine janë përcaktuar me ligj dhe aplikohen për çdo zyrë noteriale. Dokumentat që ju kërkohen:

–          Vërtetim pronësie mbi mjetin
–          Vërtetim për detyrimet të shlyera (gjoba, dorëzani nga bankat , etj.)
–          Lejë Qarkullim
–          Mjet identifikimi

Sapo të merrni paratë nga blerësi mund të nënshkruani aktin e shitblerjes. Mbani një kopje të tij, të siguroheni që përgjegjësia tashmë nuk është më mbi ju (P.sh. nëse blerësi bën aksident me makinën e saposhitur).

 

10. Pasi keni shitur makinën

Ju nuk mbani asnjë përgjegjësi tashmë për makinën e shitur, edhe në kontratë përcaktohet kjo. Nëse makinës i ndodh ndonjë defekt apo parregullsi, ky nuk është më problemi juaj. Nëse keni bërë çdo gjë korrekte para se ta shisnit makinën, jeni të qetë. Keni fituar, sepse keni kthyer një mjet tashmë të panevojshëm për ju, në një mjet të nevojshëm për dikë tjetër dhe për këtë jeni shpërblyer financiarisht. Uroni që po i fituar të jetë edhe blerësi.

është lexuar 6111 herë (1 herë sot)

Promovo biznesin në blogun e 100oferta.com

Produkte nga 100oferta.com 15/09/2017

Kërkon të përhapësh idetë e tua?

Dëshiron të promovosh një sipërmarrje?

Ke një reagim për funksionimin e tregut?

Shkruaj në blogun e 100oferta.com dhe do kesh mundësinë që shkrimi të lexohet nga mijëra vizitorë në ditë, të përhapet brenda pak minutash në rrjetet kryesore sociale: Facebook, Linkedln, Twitter, Google+ etj., në të cilat 100oferta.com ka më tepër se 100.000 ndjekës realë.

Përdor blogun e 100oferta.com për t’u bërë pjesë e komunitetit më të madh që interesohet çdo ditë për ofertat e tregut shqiptar.

100oferta.com ju rekomandon tek kompanitë aktive që postojnë çdo ditë dhjetëra oferta për shitje shtëpi dhe apartamente, makina, pajisje elektronike, njoftime për punë etj.

Dërgoni shkrimin tuaj, shoqëruar me foto ose video, si dhe një informacion të shkurtër rreth jush me subjektin “blog”, tek info@100oferta.com dhe do t’ju kthejmë një përgjigje sa më shpejt të kemi mundësi.

është lexuar 1048 herë (2 herë sot)

Tregu i pronave në bregdetin e Adriatikut. A mund të konkurojë Shqipëria?

Info-Treg 15/09/2017

Luhatjet e tregut të pronave në bregdetin dalmat

Pas një recesioni të gjatë prej 6 vitesh (2009-2015), tashmë ekonomia e Kroacisë është në rritje, ç’ka pritet të forcojë në mënyrë të natyrshme edhe  tregun e pronave. Një rikuperim i çmimeve po ndodh edhe në kryeqytet Zagreb dhe vitet e ardhshme pritet një rimëkëmbje edhe për zonat në brendësi të vendit.

Para se të anëtarësohej në BE, investitorët vendas filluan të blinin prona të paluajtshme duke menduar se do të merrnin një vlerë më të madhe pas ditës që Kroacia do të ishte anëtarja e 28 e BE, si dhe duke shfrytëzuar rënien e vazhdueshme të çmimeve të pronave. Por 1 korriku 2013, dita kur Kroacia u bë anëtare me të drejta të plota kaloi dhe nuk solli ndonjë ndryshim për rritje të çmimeve, përkundrazi çmimet vazhduan të bien për të paktën edhe tri vite të tjera. Vetëm në vitin 2016 u vu re se indeksi i çmimeve të banesave në bregdetin kroat u rrit me 0.9%.

Zhvillimi në vitet e fundit dhe çmimet sipas zonave

Tashmë çmimet janë në rritje. Tregu i pronave në Kroaci zhvillohet në dy zona të ndryshme. Në zonat bregdetare të njohura për të huajt, çmimet vazhdojnë të rriten, ndërkohë që çmimet e banesave në pjesën tjetër të vendit vazhdojnë të vuajnë.

Zonat më të parapëlqyera janë rajonet bregdetare si Qarku Šibenik-Knin (1.650 Euro/m²), Qarku i Istrias (1.577 Euro/m²) dhe Liqeni i Senj (1.169 Euro/m².). Qyteti turistik bregdetar i Dalmacisë në Split kishte rritjen më të lartë vjetore të çmimeve të banesave me një çmim mesatar prej € 2,334 për m2, sipas portalit të pronave Njuškalo. Pronat më të shtrenjta mund të gjenden në Dubrovnik (3,349 Euro/m²), e ndjekur nga qyteti turistik bregdetar i Opatija (3,113 Euro/m²) dhe ishulli turistik i Hvarit (2.850 Euro/m². ). Gjithsesi çmimet mesatare për një shtëpi shkojnë deri në 200.000 Euro, ndërsa për apartamente 80.000 Euro.

Në 1 janar 2017, Kroacia uli tatimin e transferimit të pasurive të paluajtshme nga 5% në 4%, ndërsa për transaksionet e pronës me TVSH, norma e TVSH mbetet në 25%. Në gjysmën e dytë të vitit, qeveria pritet të subvencionojë gjysmën e kësteve të kredisë për blerësit e parë për të paktën katër vjet.

 

Blerjet nga të huajt

Rreth 70,000 të huaj kanë blerë prona në Kroaci, kryesisht në bregdetin e Adriatikut, ndërkohë gadishulli Verior i Istrias po përjeton një bum blerjesh nga gjermanët.

Për shkak të kompleksitetit në lidhje me taksat dhe rregullat e pronësisë së huaj, shumica e blerjeve  kryehen nëpërmjet një kompanie, megjithatë, ndryshimet e bëra në Ligjin Kroat të Pronësisë në Shkurt 2009, tani i trajton shtetasit e BE si shtetas kroatë për blerje të pasurive të patundshme në Kroaci. Ndërsa e drejta e shtetasve jashtë BE varet nga marrëveshjet e reciprocitetit ndërmjet Kroacisë dhe vendit të blerësit të huaj.

Rreth 55% e blerjeve i takojnë gjermanëve. Austrikanët vijnë në vendin e dytë me 16%, pasuar nga britanikët (6%), hungarezët (4%) dhe holandezët (3%).

Nga 20 qarqet (ose rajonet) e Kroacisë, pesë janë më të njohurit për blerës të huaj në bregdetin e Adriatikut: Istria (33% e pronarëve të huaj), Primorje-Gorski Kotar (26%), Split-Dalmaci (12%) Zadar (8%) dhe Dubrokniv-Neretva (6%). Vetëm 3% e blerësve të huaj zgjodhën Zagrebin.

Tregu rezidencial në Kroaci vazhdon të tërheqë blerës të huaj. Shumica e kërkesës për prona në Istria vijnë nga gjermanët, austriakët dhe sllovenët, sipas Colliers International. Pronat luksoze në Dalmaci janë të njohura edhe për blerës nga Suedia, Sllovakia dhe Republika Çeke.

 

Mbështetja financiare për tregun e pronave

Tregu i pronave të Kroacisë është zhvilluar ndjeshëm gjatë dekadës së kaluar. Bankat e vjetra të mëdha shtetërore janë privatizuar dhe bankat komerciale janë ristrukturuar. Bankat austriake, italiane dhe gjermane kanë hyrë në treg. Ka pasur një rritje të ndjeshme në pjesën e kredive të shoqërive të ndërtimit, nga 1% në 2003 në 5% vitet e fundit.

Shumica e kroatëve janë pronarë të shtëpive të tyre. Në vitin 2015, rreth 90.5% e familjeve të jetonin në një shtëpi apo apartament në pronësi, sipas Eurostat. Tregu i qirasë përqendrohet në dhënien e pushimeve afatshkurtëra për të huajt dhe turistët, sidomos në bregdetin e Adriatikut.

Një tjetër temë që ndikon zhvillimin e tregut është se ka pasur mbi 800,000 aplikime për legalizimin e pronave të paligjshme, ndërkohë rreth 50% ose më shumë janë trajtuar deri më tani. Kjo ka bërë që çmimet e pasurive të patundshme në Kroaci të jenë ende të ulëta.

Tregu i pasurive të paluajtshme në Kroaci aktualisht ofron prona të mira me çmime realiste dhe të arsyeshme. Shumë prej atyre ofrojnë një kthim shumë më të lartë për dhënie me qira turistëve se sa interest e ulëta të bankave. Në pak vite, komenti që ndoshta do të dëgjojmë më së shumti do të jetë: “Sikur të kisha investuar në Kroaci pak vite më parë, kur çmimet e pronës ishin ende kaq të ulëta…”

 

A mund të gjallërohet tregu shqiptar nga blerësit e huaj?

… ndoshta blerësit e vonuar do të kthejnë sytë nga një treg i ri në Adriatik, Shqipëria. Vendi ynë është kandidat zyrtar për anëtarësimin në BE që prej 2016 dhe nëse do të përfundojnë me sukses reformat, të cilat janë edhe kërkesat kryesore të BE, mund t’i ofrohet ftesa për t’u bërë anëtar me të drejta të plota. Nëse marrin jetë edhe projektet e propozuara nga plani i ri për Ballkanin “Berlin Plus” për ndërtimin e superstradave dhe përmirësimin e infrastrukturës, ka shumë mundësi që tregu i pronave në bregdetin ballkanas të Adriatikut të zgjerohet  përtej Kroacisë.

Sipas statistikave në Shqipëri çmimet e pronave janë ende shumë të ulëta dhe mund të ngjallin interesin e blerësve të huaj.

Çmimet e pronave në bregdet sipas zonave:

  1. Shëngjini: 350-500 Euro / m²,
  2. Durres (Zonat e plazhit, Golem): 350-500 Euro / m²,
  3. Gjiri i Lalëzit (fshatrat turistike) 900-1200 Euro / m²,
  4. Qerreti (fshatrat turistike) 800-1100 Euro / m²,
  5. Vlora: Mbi 800 Euro / m²,
  6. Saranda: 780 – 1100 Euro m2,
  7. Uji i Ftohte: 450-700 Euro / m²,
  8. Orikum – Radhimë: 650 – 1000 Euro / m²,
  9. Dhërmiu: 800 – 1100 Euro / m²,
  10. Himara: 700-900 Euro / m².

Për më tepër, segmenti i vijës bregdetare të Shqipërisë do të mbyllte korridorin e kaltër nga Europa Qendrore deri në Greqi, që është një prej korridoreve më të pëlqyer të turistëve europianë.

Edhe pse aktualisht tregu i pronave në Shqipëri përballet me vështirësi të ndryshme nga ato të Kroacisë, nëse do të anëtarësohemi në BE, me përshtatjen e legjislacionit dhe tatimet mbi pronësinë kundrejt të huajve, është vetëm çështje kohe që Shqipëria të konkurojë në tregun ndërkombëtar të pasurive të paluajtshme.

Referenca: 100oferta.com / monitor.al / Eurostat / Njuskalo.hr / croatia-estate.com / independent.co.uk / Globalpropertyguide.com / Colliers.com

është lexuar 107 herë (4 herë sot)

E ardhmja e makinave

Bota e makinave 14/09/2017

Nga Dieter Zetsche: Kryetar i Bordit Drejtues të Mercedes-Benz

 

Kur diskutohet e ardhmja e makinave, shpesh thuhet se duhet të zgjedhim: Motor elektrik ose motor me djegie? Privat ose publik? Me drejtues ose vetëdrejtuese? Njeri apo robot? Në Daimler ne i shohim gjërat ndryshe. Ne jemi të bindur se kjo nuk ka “ose”. Prandaj ne po zhvillojmë një zgjidhje pa neglizhuar tjetrën.

 

E ardhmja makinave publike urbane

Në fund të spektrit është vizioni ynë për Smart EQ fortwo. Është një koncept që tregon lidhjen mes katër mundësive të ardhshme: lidhshmëria, drejtimi autonom, publike dhe elektrike.

Lidhshmëria do të thotë që mund ta porositni dhe përdorni këtë makinë plotësisht përmes telefonit tuaj. Ekziston edhe një lidhje mes vetë automjeteve. Nëse, për shembull, keni shumë bagazhe, thjesht mund të porositni një Smart të dytë dhe do t’ju ndjekë.

Ky Smart nuk ka nevojë as për timon as për pedale: Ai drejtohet në mënyrë autonome në nivelin 5. Këto makina do të jetë në rrugë në pritje kështu që nuk do të duhet të prisni gjatë për udhëtimin tuaj. Algoritmet inteligjente dhe inteligjenca artificiale analizojnë modelet e përdorimit në mënyrë që një pjesë e makinave të lëvizin në kohën e duhur për t’u ndodhur sa më afër.

Në një qytet si Berlini, Smart mund të mbulojë 50% të nevojave të sotme të lëvizshmërisë. Me numrin e sotëm të makinave dy herë më shumë njerëz mund të jenë individualisht të lëvizshëm.

Nëse nuk e ndani makinën, nëse dëshironi, gjithashtu mund të ndani udhëtimin. Në rrugë do të merrni një mesazh se dikush që shkon në drejtimin tuaj dëshiron të shkojë së bashku me ju. Ju konfirmoni dhe ndani shpenzimet e udhëtimit.

Smart e bën këtë në bazë të dy parimeve, të cilat në fakt janë ekskluzivisht reciproke: ndarja dhe personalizimi. Smart përshtatet plotësisht me preferencat tuaja. Ju mund t’i ndërroni dhe ngjyrën: nëse dëshironi që të jetë e gjelbër të Hënën, bëhet e gjelbër. Nëse e doni makinën të kuqe të Martën, ajo bëhet e kuqe.

Nuk ka dyshim se makina e qytetit të së ardhmes do të jetë elektrike dhe pa ndotje. Ne prezantuam lëvizjen pa ndotje me makinë elektrike Smart fortwo që në vitin 2007. Prandaj jemi duke marrë hapin e ardhshëm: kemi në plan të konvertojmë të gjithë markën tonë Smart në Evropë dhe Amerikën e Veriut në makinë elektrike deri në fund të dekadës. Pjesa tjetër e botës do të pasojë menjëherë pas kësaj.

 

E ardhmja e performanceës së drejtimit

Por ne gjithashtu thamë se do të bëjmë dhe tjetrën. Projekti Mercedes-AMG ONE lindi në pistën e Formula 1. Qëllimi këtu është teknologjia e fundit që ofron kohën më të mirë të pistës. Dhe kjo është rrugë ligjore. Presim një shpejtësi maksimale mbi 350 km / h dhe përshpejtim nga 0 në 200 m në më pak se 6 sekonda. Një motor 1,6-litërsh me djegie V6 dhe katër motorë hybridë elektrikë sigurojnë një prodhim të llogaritur prej më shumë se 1,000 kF, së bashku me një gamë të plotë elektrike prej rreth 25 kilometrash.

Ky mjet dëshmon sesa emocionuese mund të jetë teknologjia hibride. Efikasiteti termik është më shumë se 40 për qind. Ne gjithashtu synojmë të rimarrim rreth 80% të energjisë së frenimit dhe ta drejtojmë atë tek bateritë.

Vjeshtën e kaluar kemi treguar vetëm një siluetë të paqartë në Autosalon në Paris. Deri në mëngjesin e ardhshëm, klientët e parë e kishin telefonuar AMG për të porositur një makinë. Dhe që atëherë telefoni në Affalterbach është zhdukur fare …

Smart dhe AMG janë shumë të ndryshme. Megjithatë, të dyja përputhen në një pikë: Për shumicën prej nesh makina kishte qenë gjithmonë më shumë sesa thjesht udhëtimi nga A në B. Gjithmonë do të thoshte njëfarë lirie dhe pavarësie personale. Paradoksi: Suksesi i pabesueshëm i automobilit është gjithashtu problemi më i madh i saj. Rrugët dhe qytetet janë duke u mbushur, burimet e naftës dhe të tjera po bëhen të pakta dhe disponueshmëria do të jetë më e rëndësishme se sa pronësia.

Kjo është arsyeja pse detyra jonë më e rëndësishme shkon përtej ri-shpikjes të automobilave. Bëhet fjalë për rivendosjen e pavarësisë personale. Nuk ka vetëm një zgjidhje. Dhe kjo është gjë e mirë.

Ky shkrim u publikua nga autori fillimisht në Linkedin

është lexuar 45 herë (0 herë sot)

Panairi Frankfurt Motor Show 2017

Bota e makinave 13/09/2017

Panairi më i madh i makinave në Evropë, Frankfurt Motor Show 2017, hapi dyert për vizitorët dhe të apasionuarit e makinave. Kjo është ngjarja më e rëndësishme automobilistike e Gjermanisë dhe sivjet po zhvillohet një moment kritik për të zotët e shtëpisë: BMW, Volkswagen, Mercedes, Porsche dhe Audi.

Modele të reja dhe makina konceptuale pafund janë ato që shumica e njerëzve presin të shohin në një shfaqje makinash evropiane, por ngjarja e këtij viti padyshim do të jetë pak e ndrydhur – prodhuesit më të mëdhenj të makinave të Gjermanisë, nervi i gjallë i ekonomisë së vendit, janë nën vëzhgim për rolin e tyre në skandalin e shkarkimeve të gazrave. Për më tepër, bota po i kthen shpinën karburantit tradicional, të preferuar nga gjermanët.

Shfaqja e këtij viti në Frankfurt është mbështetur fort tek hibridet dhe makinat elektrike. Disa marka ndërkombëtare janë tërhequr nga shfaqja e Frankfurtit krejt, duke përfshirë Volvo, Mazda, Mitsubishi dhe Fiat.

Frankfurt Motor Show 2017 iu ofron projektuesve dhe inxhinierëve mundësinë për të prezantuar modelet e tyre të reja, një koleksion i koncepteve hipnotizuese dhe dizajnit futurist që na japin një ide (edhe pse të mjegullt) për të ardhmen e makinave.

Si rezultat i largimit gradual të industrisë nga varësia e naftës, Mercedes-Benz ka zbuluar konceptin e saj SUV të karburantit të hidrogjenit, që përdor për të krijuar elektricitetin, i cili furnizon motorët elektrikë. Ekzistojnë disa përfitime mjedisore për përdorimin e hidrogjenit, si dhe avantazhe të dukshme për konsumatorin rreth makinave elektrike, koha e furnizmit të plotë matet me minuta, jo me orë.

Megjithatë ka ende nga ata prodhues që e shohin me dyshim zgjedhjen e karburanteve të reja. Carlos Tavares, shefi i Peugeot, Citroen dhe Opel, ka fjalë të ashpra për elektrifikimin e diktuar nga qeveritë evropiane. “Ne po lëvizim nga një epokë teknologjike neutrale për të shkuar në atë elektrike, me një udhëzim ” tha ai. “Tani e tutje, përgjegjësia shkencore është në duart e qeverive. Pra, nëse në 20 apo 30 vjet ka çështje rreth shëndetit ose sigurisë [me automjete elektrike], kjo do të jetë përgjegjësi e qeverive “.

është lexuar 50 herë (1 herë sot)

Cila është më e mira nga makinat e përdorura?

Bota e makinave 31/08/2017

Kompania prestigjoze e testimit të makinave Dekra ka vlerësuar 15 milion inspektime të automjeteve. Kur ble një makinë të përdorur, ka edhe shumë rreziqe. Për shembull, vlerësimi i kostove për mirëmbajtjen e vazhdueshme: Sa është rreziku për blerjen e një makine që ka përshkuar 100,000 kilometra? A ka nevojë për shërbime në kutinë e shpejtësisë, apo një riparim të shtrenjtë?

Një tregues i mirë për modele të ndryshme vjen çdo vit nga vlerësuesi i makinave të përdorura, Dekra.  Në raportin përfundimtar tregohen rezultatet për makina të përdorura deri në 3 vite.

Raporti është i ndarë në tre fusha (0- 50.000 km, 50.001-100.000 km dhe 100.001-150.000 km), secila me nëntë lloje të automjeteve. Në tableën e mëposhtme figurojnë modelet me indeksin më të mirë të Deficiencës Dekra (DMI). Inspektimi i hollësishëm është bërë duke vlerësuar deri në 1000 makina për secilin tip.

Tabela e modeleve fituese në nëntë kategoritë e automjeteve (2017):

Klasa e Automjeteve (Modelet) Fituesi Pikët DFI
Mini / Makina të vogla (64) Honda Jazz 74.6
Klasa kompakte (56) BMW 1 Series 86.3
Klasa e mesme (36) Volvo S60 / V60 89.4
E mesme / Sedan (17) Audi A6 94.6
Sportive / (20) Audi TT 81.1
Fuoristrada / SUV (63) Audi Q5 89.3
Familjare (53) Ford C-Max / Grand 80.0
Furgon i vogël (30) Benz Vito / Viano 67.0
Furgon i madh (15) Renault Master 63.0

Ashtu si edhe vitin e kaluar, Audi A6 është “makina më e mirë e të gjitha klasave”. Ky titull fitohet nga modelet që arrijnë indeksin më të mirë të DEKRA Fault dhe nga të gjitha klasat dhe tre shkallët sipas  kilometrave fitorja i takoi “Audi A6” me 94.6 pikë. Ajo u pasua nga Mercedes-Benz EClass (91.8 pikë) dhe Volvo S60 / V60 (89.4 pikë).

Por jo vetëm kaq, Audi fitoi edhe në dy kategori të tjera: Fuoristrada / SUV me modelin Audi Q5, me 89.3 pikë dhe kategoria Sportive me modelin Audi TT, 81.1 pikë.

Pra marka me më tepër fitore për makinat më të mira të përdorura për tre vitet e fundit, mbetet Audi.

është lexuar 125 herë (1 herë sot)

Ju prezantojmë aplikacionin Albania nga CityInformation

Promovim 30/08/2017

Ne pyetëm Menaxherin e Marketingut të CityInformation për Shqipërine, Geri Cakoni,  rreth modelit të tyre të biznesit, tendencat e përdorimit dhe çfarë mundësish mund t’u ofrojnë përdoruesve dhe reklamuesve.

CityInformation, cfarë mund të na thoni për këtë emër?

CityInformation është platforma më e madhe në botën e internetit kur bëhet fjalë për CityApps (aplikacione qytetesh) dhe ofron zgjidhje të gjithanshme për më shumë se 1000 qytete. Përdoruesi i CityApp, në Shqipëri me aplikacionin “Albania” , ka aftësinë të kalojë brenda qyteteve. Këta vizitorë nuk janë të vendosur vetëm në Shqipëri, por në të gjithë botën. CityInformation vazhdimisht kërkon të përmirësohet duke u bërë partner me administratat, bizneset dhe shërbimet lokale dhe kombëtare. Si platformë leader në botë në CityApps, ne ofrojmë një kanal të shkëlqyer për të komunikuar mesazhet tuaja me banorët dhe vizitorët e qytetit tuaj.

 

A është me të vërtetë një zgjidhje gjithë-në-një?

Kur ju jeni në gjëndje të përdorni një aplikacion të vetëm për më të shumtën e shërbimeve dhe informacione të nevojshme, atëhere po! Albania CityInformation u mundëson përdoruesve të shohin lajme nga vendi dhe bota, lajme futbolli dhe ndeshjet live, të bëjnë Shopping online dhe të bëjnë rezervime në kinema, teatër. Ju gjithashtu mund të kontrolloni statusin e nisjeve dhe mberritjeve në aeroport, të prenotoni një taksi ose të merrni me qira një makinë , të rezervoni një tavolinë në restorantin tuaj të preferuar, të shihni aktivitetet e ndryshme në Tiranë dhe Shqipëri dhe shumë informacione dhe shërbime të tjera të gjitha në një aplikacion, duke kursyer kohë dhe memorien e telefonit.

Zgjidhja jonë gjithë-në-një është në sherbim të vendasve dhe turistëve.

 

Si funksionon modeli i biznesit i CityInformation?

Me teknologjinë tonë CityApps, pra me kalimin nga një qytet në tjetrin me thjeshtësinë e një klikimi, reklamuesit janë në gjendje të lokalizojnë përpjekjet e tyre të marketingut duke arritur konsumatorët në zona gjeografike specifike.

Krahas informacioneve rreth blerjeve lokale, ne gjithashtu u ofrojmë përdoruesve tanë një “magazinë” cilësore online ku ata mund të shfletojnë shumë dyqane dhe shërbime të ndryshme të botës online. Pra, me teknologjinë tonë CityApps reklamuesit pa lidhje fizike me qytetin gjejnë një vlerë të shtuar në aplikacion.

Bazuar në mënyrën se si përdoret aplikacioni ynë, ne mund t’i ofrojmë më shumë vlerë reklamuesit me modelin CPC.

Si e gjeneroni trafikun?

Para së gjithash, partneritetet tona në Shqipëri dhe në Botë janë të rëndësishme për strategjinë tonë të marketingut. Aktualisht, ne bashkëpunojmë me mbi 80 kompani në Shqipëri duke përfshirë Alpet, Abissnet, Iliria 98, 100oferta etj. Ky bashkëpunim është i dyfishtë. Nga njëra anë, ne integrojmë faqet e internetit të kompanive në aplikacionin tona, duke e bërë më të lehtë për klientet që të lexojnë lajmet, ofertat ose të shfletojnë shërbimet e kompanisë. Partneret tanë, nga ana tjetër, promovojnë përdorimin e Albania CityInformation përmes mediave të tyre sociale.

Së dyti, ne kemi filluar disa fushata lokale të marketingut. Për shembull, reklamojmë Albania CI në taksitë e qytetit të Tiranës me anë të partnerit tonë MerrTaxi. Kjo na lejon të rritim ndërgjegjësimin e markës CityInformation si edhe te aplikacionit specifik Albania CityInformation.

Së treti, ne investojmë vazhdimisht në zhvillimin e kanaleve tona të mediave sociale duke përfshirë Facebook, Instagram dhe Twitter.

Cilat janë planet që dëshironi të ndani me ne në zhvillimin e CityInformation në Shqipëri?

Para së gjithash, numri i informacioneve dhe shërbimeve do të vazhdojë të rritet në të ardhmen, duke pritur të ketë më shumë se 100 partneritete deri në Janar 2018. Kjo jo vetëm do të përmirësojë mbulimin e qyteteve në të cilat jemi tashmë aktivë por gjithashtu do të thotë se do të zgjerohemi gjeografikisht me informacion në qytete dhe rajone në jug dhe veri të Shqipërisë si Saranda, Vlora, Theth, Valbonë etj për ta bërë aplikacionin Albania CityInformation sa më të dobishëm dhe gjithëpërfshirës për vendasit dhe turistët.

Së dyti, ne po diversifikojmë partneritetet tona. Jo vetëm që po përpiqemi të krijojmë sa më shumë partneritete me kompanitë që ofrojnë shërbime dhe informacione por edhe jemi në proces dialogu me klubet e futbollit në vend dhe FSHF për ti integruar në App dhe ofruar fansave të tyre mundësinë të prenotojnë bileta dhe shikojnë lajmet e fundit nga skuadra e tyre e preferuar.

Së treti, produkti përmirësohet vazhdimisht duke implementuar risi për të përmirësuar eksperiencën e përdoruesit, p.sh. Një përzgjedhje më të gjerë të gjuhëve dhe mundësinë për të kaluar në ndonjë qytet tjetër pa pasur nevojë të shkarkojë një tjetër CityApp.

CityInformation ka partner tashmë kompani si TripAdvisor, Trivago, Booking.com, The Fork dhe MediaMarkt. Sidoqoftë, ne jemi të hapur për partneritete me reklamuesit që janë të interesuar në promovimin e tyre në platformën tonë mobile.

Me aplikacionin Albania CityInformation ju gjithmonë do të keni të gjithë informacionin që ju nevojitet për Shqipërinë.

Pjesa më e mirë është që ju keni akses në një rrjet mbarëbotëror qytetesh, të gjitha në brëndësi të Albania CityInformation. Thjesht prekni menunë për të kaluar në një qytet tjetër dhe për të marrë gjithçka që ju nevojitet!

Pra, nëse jeni duke kërkuar për një aplikacion që i ka të gjitha, shkarko tani falas Albania CityInformation dhe qëndro i përditësuar me informacionin më të mirë për Shqipërinë dhe të gjitha destinacionet tuaja të preferuara!

CityInformation: Qytetet tuaja në një aplikacion!


Shënim: Kategoria “Promovim” e blogut të 100oferta.com është e hapur për të gjithë kompanitë apo individët që duan të ndajnë idetë, projektet apo historitë e tyre të suksesit me lexuesit. Shkrimet publikohen gjithashtu edhe në faqet e rrjeteve sociale të 100oferta.com. Për më tepër ju lutem lexoni: “Promovo biznesin tek 100oferta.com”

është lexuar 59 herë (0 herë sot)

Këshilla për një udhëtim të shkurtër turistik

Këshilla të dobishme 15/07/2017

1. Krijo një itinerar

Kur ndërmerrni në një udhëtim të shkurtër, është e rëndësishme që të planifikoni me kujdes kohën tuaj. Nëse nuk planifikoni orët dhe ditët, mund të përfundoni duke humbur diçka që dëshironi të shihni.

Një itinerar i mirë përfshin paraprakisht udhëzime, harta dhe informacione të rëndësishme për vendet që po vizitoni.

Spontaniteti është zbavitës kur udhëton, por nuk funksionon mirë nëse keni kohë të kufizuar në një vend.

Ruaj aktivitetet spontane për udhëtime më të gjata dhe krijoni një itinerar për festat tuaja të shkurtra për të maksimizuar kohën tuaj.

2. Mos u mundoni të shihni gjithçka

Kur krijoni itinerarin tuaj, jini të kujdesshëm që të mos mbingarkoni oraret.

Shumë njerëz bëjnë gabim duke u përpjekur të shohin gjithçka në vendin që po vizitojnë, por shpesh kjo është e pamundur për një udhëtim të shkurtër. Nëse planifikoni shumë brenda nje ditë, nuk mund të kënaqeni nga ndonjë aktivitet, sepse do të jeni shumë të zënë duke nxitur nga një gjë në tjetrën.

Vendosni se cilat vende janë më të rëndësishmet dhe quajini prioritet kur të krijoni itinerarin.

Jepini vetes kohë të mjaftueshme në secilin vend, në mënyrë që t’i përjetoni ato në mënyrë të plotë.

 

3. Paketoni pak gjëra

Kur niseni për një udhëtim të shkurtër, bagazhet e tepërta do të jenë vetëm një barrë e rëndë. Kjo është veçanërisht e vërtetë nëse udhëtoni me avion.

Mundohuni të kufizoni gjithçka në një valixhe të vogël që mund ta mbartni me vete, kështu që ju nuk do të duhet të shqetësoheni për bagazhet e humbur.

Plus, nuk do të duhet të tërhiqni një valixhe të rëndë nëpër rrugët e qytetit që po vizitoni.

Mund të vishni një veshje më shumë se një here, në këmbim të faktit që do të jeni në gjendje të mbani një bagazh të lehtë.

është lexuar 66 herë (0 herë sot)

Krahasimi i makinave evropiane, japoneze dhe amerikane

Bota e makinave 04/07/2017

Në këtë epokë të globalizuar, nganjëherë nuk është e lehtë të dallosh dy objekte të ngjashme që janë bërë në vende krejtësisht të ndryshme dhe kjo është e vërtetë kryesisht në rastin e makinave. Në ditët e sotme, makinat prodhohen në të gjithë botën, kështu që ndoshta nuk është e saktë t’i etiketojmë ato plotësisht sipas vendeve ku prodhohen. Megjithatë, disa dallime nuk zhduken, veçanërisht në stil, performanceë, siguri dhe të tjera. Ka shumë prodhues nëpër botë, por ata me numrin më të madh të markave të njohura, janë padyshim prodhuesit evropianë, amerikanë dhe japoneze.

Krahasimi: evropiane, japoneze, amerikane

Sa herë që ndonjë makinë e re del nga këta prodhues, menjëherë tërheqin vëmendjen e publikut dhe të apasionuarve pas makinave. Makinat e prodhuara në këto vende ofrojnë cilësi të lartë, por megjithatë dallojnë nga njëri-tjetri me karakteristikat e tyre. Një vend prodhon ndoshta makina më të mira se tjetri në aspektin e stilit ose performancës, ndërsa një tjetër mund të ofrojë më shumë në cilësi apo siguri.

 

Dizajni / Stili

Gjëja e parë që njerëzit vërjenë ndërsa blejnë makinë është forma e jashtme e makinës, pra dizajni. Dhe kur është fjala për stil, makinat evropiane nuk kanë zëvendësues. Në Evropë, stili i një makine është faktor i rëndësishëm dhe kjo shihet tek rezultatet. Me dizajnin tërheqës dhe të mrekullueshëm, makinat evropiane duken si të ardhura nga një botë tjetër. Madje, jo vetëm modelet e markave më të njohura, por edhe marka mesatare evropiane kanë pamje fantastike dhe dizajn tërheqës.

Dizajni i automjeteve evropiane dhe amerikane ndryshon shpesh, ndërsa në anën tjetër prodhuesit japoneze kanë tendencë për të ndryshuar më pak. Dizajnet e makinave japoneze as ndryshojnë shpejt, as dalin nga stili shpejt, por mbeten pak a shumë të njëjta për shumë vite.

Cilësia

Cilësia është gjithashtu një nga prioritetet e makinave evropiane. Nga britaniket ekzotike tek kali i egër italian dhe slitat e hekurta bavareze, makinat evropiane kanë një cilësi që nuk kushton lirë, por punon me efikasitet. Së bashku me makinat evropiane, makinat amerikane dhe japoneze janë shumë të njohur për cilësinë e tyre. Kilometrazhi rekord i përshkruar dhe cilësia e lartë kanë qenë gjithmonë pikat kryesore për shitjen e këtyre makinave.

Harxhimi i karburantit

Japonia ka historinë e prodhimit të automjeteve më efikase për harxhimin e karburantit. Një nga gjërat e rëndësishme që njerëzit i konsiderojnë kur blejnë një makinë është harxhimi i karburantit dhe makinat japoneze janë të dizenjuara qëllimisht për të ofruar atë. Në fakt, gjatë krizave të naftës në vitin 1973, popullariteti i makinave japoneze u rrit në tregun global, pasi automjetet e tyre kanë motor më të vogël dhe janë më efikase. Automjetet japoneze janë gjithmonë opsioni më i mirë kur dikush dëshiron një makinë ekonomike.

 

Performanca

Edhe në aspektin e performancës apo të fuqisë, është mjaft e vështirë për të gjetur një alternativë të krijuesve evropianë. Modelet e prodhuesve më të mëdhenj evropianë si BMW, Mercedes-Benz janë disa nga makinat më të mira që janë ndërtuar ndonjëherë. Fuqia dhe përshpejtimi i këtyre makinave janë shumë më tepër se homologët e tyre.

 

Jetëgjatësia

Makinat japoneze nuk mund të udhëtojnë aq shpejt sa ekuivalentët e tyre evropianë, por ato zakonisht funksionojnë për një periudhë shumë më të gjatë kohore. Ata nuk kërkojnë shumë mirëmbajtje; Rrallëherë nevojiten riparime të plota në makinat japoneze.

Fuqia

Amerikanët e duan fuqinë dhe kjo mund të shihet lehtësisht në prodhimet e tyre, siç janë automjetet. Makinat amerikane janë të njohura për fuqinë e tyre. Këto automjete kanë marrë edhe emrin “makina të muskujve” për fuqinë e tyre. Makina amerikane vjen me një motor të fuqishëm që kërkon konsum të lartë të karburantit. Nuk ka asnjë konkurrent të automjeteve amerikane kur bëhet fjalë për forcë.

 

Besueshmëria

Prodhuesit evropianë dhe amerikanë mund të kryesojnë për shpejtësi dhe fuqi, por jo për besueshmëri. Makinat japoneze kanë rekordin më të mirë kur bëhet fjalë për besueshmërinë nga blerësit. Prodhimi i makinave të besueshme nuk kufizohet vetëm tek Toyota, Nissan dhe Honda. Prodhues të tjerë japonezë si Mazda, Mitsubishi, Isuzu, Daihatsu prodhojnë gjithashtu automjete që kanë fansat e tyre të palëkundur. Duke ofruar makina të besueshme dhe të sigurta, prodhuesit japonezë të makinave kanë lënë gjurmë të mëdha në zemrën dhe mendjen e klientëve.

 

Çmimi

Së bashku me të qenit efikas dhe i besueshëm, automjetet japoneze kanë çmime të arsyeshme gjithashtu. Ato janë ndërtuar me idenë e njeriut të zakonshëm, konsumatorit të zakonshëm. Nga ana tjetër, makinat evropiane janë të shtrenjta për të qenë brenda mundësive të secilit.

 

Siguria

Automjetet japoneze marrin lavdërime në mbarë botën për tiparet e tyre dhe një tipar i tillë është siguria. Prodhuesit japonezë kryesojnë kur është fjala për sigurinë. Ata janë të njohur për zhvillimin e teknologjive që rrisin standardet e sigurisë.

 

Përfundim

Prodhuesit e makinave evropiane, amerikane dhe japoneze kanë konkurruar për dekada me njëri-tjetrin për të fituar klientët me prodhimet më të mira. Njerëzit preferojnë të blejnë makina në bazë të preferencave të tyre personale dhe karakteristikave të tyre. Disa preferojnë makina të forta dhe të fuqishme, ndërkohë që disa kërkojnë për makina me karburant të efektshëm. Duke folur në mënyrë krahasuese, në makinat evropiane, dizenjimi dhe performanca janë tiparet kryesore, ndërsa makinat amerikane janë identifikuar si të mëdha, të fuqishme dhe të gjera. Makinat japoneze kanë cilësi besueshmëria, efiçencën e karburantit dhe jetëgjatësinë.

është lexuar 79 herë (1 herë sot)

15 arsye pse duhet të vizitoni Shqipërinë

Lajme-Treg 30/06/2017

Publikuar nga Alexander Waltner (Suedi)

Dëshironi të vizitoni Shqipërinë? Zgjedhje e mirë! E kam bërë vitin e kaluar dhe u kënaqa. Deri tani është një nga vendet e mia të preferuara, dhe këtu janë 15 arsye pse të gjithë duhet të vizitojnë Shqipërinë në vitin 2017!

  1. Është ende një vend relativisht i pashkelur

Sa njohuri keni për vendin dhe kulturën shqiptare? Ndoshta jo aq shumë mendoj. Ju mund të keni dëgjuar për Rivierën e bukur shqiptare dhe plazhet e saj, por në përgjithësi, është kryesisht e pa eksploruar. Kjo për shkak se kishte një reputacion të keq, si vend i pasigurt dhe i paqëndrueshëm më parë, dhe infrastruktura nuk është nga më të mirat.

Megjithatë, gjërat po ndryshojnë për mirë dhe e ardhmja është e ndritshme për këtë komb të dashur. Ndërkohë që infrastruktura ende po vuan pak, gjithmonë gjendet dikush që është i gatshëm t’ju çojë kudo për disa Euro.

Shqiptarët janë gjithashtu shumë miqësorë, kështu që është edhe e mundur të udhëtosh dhe të eksplorosh rrugën pa u shqetësuar.

 

  1. Miq vendas

Populli shqiptar është një nga popujt më miqësorë që kam njohur (kam qenë në më shumë se 40 vende) dhe kjo do të thotë shumë. Nuk ka pse të tërhiqni vëmendjen e tyre. Ata janë kuriozë dhe duan të flasin. Është një plus i madh nëse mund të flasësh italisht ose gjermanisht, sepse shumë prej tyre kanë punuar më parë në këto vende.

I vetmi “problem” është se në përgjithësi nuk flasin anglisht, por nuk ka rëndësi, sepse ata e gjejnë një mënyrë për t’ju bërë të kuptoni dhe gjithmonë e bëjnë këtë me një buzëqeshje. ( Shqiptarët më të rinj flasin anglisht, gjithsesi).

 

  1. Disa nga plazhet më të mira në Evropë

Plazhet shqiptare janë shumë të këndshme dhe ka diçka që iu përshtatet të gjithëve, pa marrë parasysh nëse preferoni gjiret me rërë, gurë ose plazhet me guralecë, plazhet e vetmuara ose të gjalla. Shqipëria i ka të gjitha. Preferencat e mia personale shtrihen në qytetin e vogël turistik të Ksamilit, ku mund të gjeni dy plazhe me guralecë dhe gjire me rërën më të mirë të bardhë që mund të gjeni në Evropë!

 

  1. Çmime të lira

Ju doni të udhëtoni, por nuk doni të boshatisni llogarinë bankare? Kur të vizitoni Shqipërinë, nuk do t’ju duhet ta bëni këtë. Çmimet janë të paktën sa gjysma e pjesës tjetër të Evropës, çka i bën më të vlefshme paratë tuaja.

  1. Shumë thesare të fshehur

Ende po mendoheni për të vizituar Shqipërinë? Ka më shumë arsye për të vizituar Shqipërinë. Shqipëria fsheh shumë thesare që mund t’I gjeni nëse devijoni nga rruga e rrahur.

Vetëm 15 minuta me makinë nga Ksamili kemi gjetur një gji të bukur me ujë të kulluar. Dhe imagjinoni , ishte pa asnjë njeri. Shqipëria ka një natyrë të bukur jo vetëm me plazhe, por edhe liqene e rrugë malore.

 

  1. Ushqim i shijshëm

Shumë prej ushqimeve që keni provuar në Greqi janë të disponueshme dhe po aq të shijshme edhe në Shqipëri. Ata kanë gjithashtu kuzhinën e tyre, ndërthurrur me disa specialitete italiane, si Pizza, Ravioli, Lasagna dhe shumë më tepër.

Disa nga ushqimet tradicionale shqiptare që duhet të provoni: Fëgesë, Tavë Kosi, Perime në zgarë, Byrek dhe Speca me Gjizë.

 

  1. Vendet më të mira për t’u vizituar

Tirana. Kryeqyteti shqiptar është një nga kryeqytetet më pak të vizituara në Evropë. Është gjithashtu një nga kryeqytetet e pakta, ku Islami është feja mbizotëruese. Kjo është edhe arsyeja pse kultura është emocionuese dhe unike këtu. Në Tiranë, ju mund të gjeni Bakllavanë më të mirë në Shqipëri dhe një natë argëtuese në disa prej lokaleve më moderne. Banorët e Tiranës dinë të festojnë!

 

  1. Ksamil

Një qytezë turistike që ofron disa nga plazhet më të bukura në Evropë. Ju mund të gjeni parajsën tuaj me vetëm një çadër, dy shtretër dhe dy varka me pedale. Çfarë mund të jetë më romantike?

  1. Saranda

Një qytet i bukur bregdetar dhe porti kryesor për turizëm në Shqipëri. Këtu mund të arrini me anije nga Korfuzi. Përveç të qenit një pikë kryesore për të filluar eksplorimin e Rivierës Shqiptare, ky është një destinacion i bukur në vetvete me një port të bukur, dyqane, shumë restorante dhe kafene.

  1. Butrint

Një vend historic, që edhe vetë Julius Ceasar admironte për shkak të pozicionit të tij strategjik. Këtu mund të eksploroni rrënojat romake me një amfiteatër të vjetër dhe shumë më tepër. Arritja në Butrint nga Saranda dhe Ksamili është e lehtë.

  1. Syri i Kalter

Një perlë natyrore që nuk duhet humbur kur jeni duke udhëtuar për në Shqipëri. Eshte nje udhetim i shkurter nga Saranda dhe ketu ju mund te shijoni nje peizazh të mrekullueshëm dhe nje nga burimet me te bukura qe kam pare. Syri i Kalter do të thotë ” Blue Eye” në anglisht dhe pikërisht këtë do të shihni, jo fjalë për fjalë, por në ujë. Do të shihni flluska dhe aty ku uji është më i thellë ju ka një ngjyrë blu të errët që ju kujton një iris.

 

  1. Liqeni i Ohrit

Një tjetër arsye për të vizituar Shqipërinë është liqeni magjik i Ohrit, që përbën kufirin natyror të Maqedonisë dhe Shqipërisë. Ndërsa shumica e njerëzve shkojnë në Maqedoni për të vizituar liqenin e Ohrit, është padyshim e mundur të shkosh këtu nga pala shqiptare dhe është më lirë të shkosh me transportin lokal.

 

  1. Shkodër

Një tjetër liqen i bukur. Shkodra ndodhet në pjesën veriore, afër Malit të Zi. Këtu ka shumë vende të përshtatshme për hiking dhe pamje të bukur.

  1. Gjirokastër

Kërkoni të shihni vende historike? Drejtohuni për Gjirokastër, e cila gjendet në gjysmën e rrugës nga Tiranë për Saranda. Gjirokastra është në listën e trashëgimisë së UNESCO-s, një qytet i vogël, i njohur kryesisht për kështjellën dhe shtëpitë e tij prej guri.

  1. Parku Kombëtar i Luginës së Valbones

Ju pëlqen natyra? Shqipëria nuk do t’ju zhgënjejë. Veçanërisht nëse jeni duke shkuar në parkun kombëtar të Valbones.

 

Mendimi im personal se pse duhet të vizitoni Shqipërinë: Qytetet dhe destinacionet më të mëdha në Evropë ndoshta do të qëndrojnë të njëjta vit pas viti, por Shqipëria është një destinacion i ardhshëm, dhe tani ju mund të përjetoni vërtet kulturën autentike shqiptare. Turizmi në Shqipëri po zhvillohet vetëm vitet e fundit, kur turistët ndërkombëtarë filluan të vizitojnë Shqipërinë.

Kompanitë e udhëtimit nga vendet nordike tani ofrojnë fluturime të drejtpërdrejta dhe paketa për në Ksamil dhe Sarandë, që do të thotë se më shumë turistë janë gati për të eksploruar Shqipërinë dhe të gjitha thesaret e fshehura. Kjo është ndoshta arsyeja kryesore pse duhet të vizitoni Shqipërinë në vitin 2017. Por gjithashtu, sepse është një vend kaq i bukur për të udhëtuar. Nuk ka rëndësi se banorët vendas flasin pak anglisht, nuk ka rëndësi se Mastercard nuk pranohet, dhe nuk ka rëndësi nëse një shofer taksie lokal ju mashtron me 1 ose 2 euro, ndërsa ju çon 1 orë larg për vetëm disa Euro.

Shqipëria është jashtëzakonisht e lirë dhe e mrekullueshme. Unë provova byrekun më të mirë në jetën time për më pak se 1 Euro dhe një Frappucino me të vërtetë të shijshme po për më pak se 1 Euro në portin e Sarandës. Ne udhëtuam me autobus për 6 orë vetëm për 5 Euro dhe morëm me vete një zonjë që ishte e gatshme të na tregonte të gjitha kështjellat e vjetra, pavarësisht faktit se ajo nuk fliste asnjë fjalë të vetme në anglisht.

Burimi: swedishnomad.com

 

 

 

 

 

 

është lexuar 111 herë (2 herë sot)

Faqe 1 nga 181 2 3 18