Mirësevini, vizitor! [ Regjistrohu | Hyr

8 këshilla për të shitur shtëpinë tuaj

Këshilla të dobishme 15/01/2016

1. Çlirohuni nga emocionet

Sapo të keni vendosur të shisni shtëpinë, duhet të filloni të mendoni në një mënyrë tjetër: “Këtë shtëpi tani duhet ta shes, në mënyrë që të lëviz tek shtëpia ime e re”. Kjo do t’ju mbajë larg lidhjes emocionale, që mund të keni me shtëpinë dhe do ta bëjë më të lehtë procedurën e shitjes.

 

2. Vlerësoni shtëpinë

Ju duhet ta dini sa vlen shtëpia juaj në treg. Për këtë mund të merrni informacion nga agjencitë imobilare, ose të drejtoheni tek një ekspert që merret me vlerësimin e pronave. Megjithatë pak kërkim në treg nga ana juaj do ishte shumë mirë. Mbani mend që shtëpia juaj vlen aq sa mund ta blejnë në treg, ju duhet të gjeni blerësin që paguan më shumë. Informacion rreth tregut mund të gjeni edhe duke klikuar këtu.

 

3. Koha që keni në dispozicion për ta shitur

Ju mund të keni arsyet tuaja për ta shitur shtëpinë; disa arsye nuk ju ngutin, por disa të tjera, që më shumë vijnë nga shmangia e problemeve (si divorci, zona e papërshtatshme, etj.) mund ta kufizojnë kohën që ju duhet. Megjithatë kur të vendosni ta nxirrni në shitje do ta kuptoni më mirë, se sa kohë mund t’ju duhet. Kjo mund të varet edhe nga situata e tregut, nëse numri i kërkesave është në rënie, apo në zbritje.

 

4. Përgatitja e shtëpisë

Prezantimi është gjithçka në shitjen e pronave. Blerësit tërhiqen prej pastërtisë, hapësirës dhe pamjes së përgjithshme. Ju duhet ta bëni shtëpinë të shkëlqejë dhe nëse e shisni të pamobiluar duhet të hiqni gjithë orenditë. Kush do ta blinte një shtëpi të pisët dhe rrëmujë? Përgatisni edhe dokumentat  me kujdes; çertifikatën e pronësisë, apo dokumente të tjera që mund t’ju duhen.

 

 5. Njoftimi për shitje

Ju mund të njoftoni shitjen e shtëpisë në disa mënyra: nëpërmjet gazetave, miqve apo internetit. Shitja do ishte e pamundur nëse askush nuk do ta dinte, nga ana tjetër sa më shumë njerëz ta dinë, aq më shumë keni mundësi të kontaktoni blerësin e duhur. Njoftimi tek 100oferta.com është një mundësi shumë e mirë, sepse numri i vizitorëve rritet çdo ditë (shih këtu renditjen tek Alexa.com)me një tendencë shumë pozitive dhe keni mundësi që njoftimin tuaj ta ndani edhe nëpërmjet rrjeteve sociale si Facebook, Twitter, Linkedin, apo Pinterest, ku pothuajse 10 fishohen vizitorët. Për të bërë një njoftim sa më tërheqës ju duhet të sqaroni projektin, p.sh: 2+1, çmimin për m² ose gjithsej,vendin ose rrugën ku ndodhet shtëpia, madhësinë në m² dhe veçori të tjera. Njoftimi tek 100oferta.com ju jep mundësinë gjithashtu ta shoqëroni me 8 foto, duke patur mundësi të shpjegoni edhe projektin.

 

6. Vizita e inspektimit

Shumë blerës duan të vijnë ta shohin nga afër shtëpinë. Ju duhet ta keni inspektuar fillimisht vetë, në mënyrë që riparimet të jenë bërë siç duhet. Nëse ndonjë blerës apo agjent sugjeron ndonjë riparim të vogël jo shumë të kushtueshëm, mund ta pranoni.

 

7. Financimi

Disa blerës mund të paguajnë kesh në dorë, por disa të tjerë jo. Ata mund të marin kredi bankare ose t’ju kërkojnë një ndarje të pagesës me këste. Për çfarëdo zgjedhje mendohuni mirë dhe gjithmonë drejtohuni tek noteri, edhe kur blerësi mund të jetë një i njohuri juaj.

 

8. Vendosni përfundimisht

Merrni parasysh gjithë blerësit e mundshëm, mënyrat e pagesës që ata ofrojnë dhe vendosni me qetësi se cilit do t’ia shisni duke e argumentuar pse.  Nëse nuk arrini të gjeni ofertën e pëlqyeshme mos thoni menjëherë “jo”. Duhet të keni lënë me siguri pak hapësirë për të negociuar për një shumë të konsiderueshme parash. Sapo t’i jepni fjalën blerësit drejtohuni menjëherë tek noteri. Kur jeni para noterit lexoni me qetësi aktin e shitblerjes dhe tregohuni i vëmendshëm ndaj ndonjë detyrimi, që edhe ju mund të keni kundrejt blerësit.

Ju sapo keni bërë një shitje të sukseshme dhe mund ta uroni edhe blerësin.

 

5539 herë e lexuar, 1 herë sot

  

  • 19 ide për dekorimin e shtëpisë me qira

    by në 02/08/2016 - 0 Komente

    Të jetosh në një hapësirë ​​të vogël është e vështirë, sidomos kur mundësitë tuaja për dekorime janë të kufizuara nga rregullat që ka vendosur edhe qiradhënësi.  Ja 19 ide origjinale dhe të thjeshta për t’u realizuar, që ju frymëzojnë për dekorimin e shtëpisë (dhe hapësirën) në mënyrën që dëshironi, pa shkelur asnjë nga detyrimet që […]

  • 10 këshilla për të blerë një makinë të përdorur

    by në 06/01/2016 - 3 Komente

    1. Pse po blini një makinë të përdorur? Nëse keni vendosur të blini një makinë të përdorur, keni marë një vendim të mençur. Mund të gjeni një makinë pothuajse aq të mirë sa edhe një e re.

  • 50 ide biznesi për të rinjtë e vendeve në zhvillim

    by në 11/01/2018 - 0 Komente

    Kontabiliteti. Nëse keni një diplomë kontabiliteti mund të filloni një shërbim si kontabilist i pavarur për bizneset e tjera të vogla që nuk mund të përballojnë një person me kohë të plotë.   Marketing affiliate. Nëse jeni një person bindës, mund të merrni një komision nga një kompani për shitjen e prodhimeve të tyre drejt […]

  • 10 këshilla për të shitur një makinë të përdorur

    by në 15/01/2017 - 1 Komente

    1. Të njohësh tregun Do të jetë e lehtë të shisni makinën tuaj? Apo do t’ju duhet të ulni çmimin dhe të prisni gjatë? Ja disa të dhëna interesante: –          Makinat familjare edhe pse nuk kanë shumë fansa, kanë një kërkesë në rritje –          Shitjet e makinave të modifikuara dhe sportive janë sezonale; më shumë […]

  • Si të blesh një makinë në Gjermani

    by në 09/02/2017 - 0 Komente

    Blerja e një makinë të re ose të përdorur në Gjermani mund të jetë një sfidë, megjithatë ka shumë informacione që mund t’ju  ndihmojnë. Blerja e makinës në Gjermani mund të jetë e suksesshme sepse ka një numër shumë të madh makinash në shitje. Makinat e perdorura mund të gjenden me një çmim të mirë […]

20 shitjet e fundit

total