Mirësevini, vizitor! [ Regjistrohu | Hyr

10 këshilla për të blerë një makinë të përdorur

Këshilla të dobishme 06/01/2016

1. Pse po blini një makinë të përdorur?

Nëse keni vendosur të blini një makinë të përdorur, keni marë një vendim të mençur. Mund të gjeni një makinë pothuajse aq të mirë sa edhe një e re. Makinat që janë vetëm 1 ose 2 vjet të përdorura janë 20-30% më të lira se një e re. Po ka edhe arsye të tjera për të blerë një makinë të përdorur:

–          Kurseni para
–          Keni mundësi të bëni Pazar
–          Makinat e përdorura janë këto kohë më të besueshme
–          Disa makina të përdorura janë akoma brenda garancisë
–          Historia e një makine të përdorur mund të gjendet thjesht duke përdorur numrin e identifikimit VIN në internet.
–          Procesi i negociatave është më i thjeshtë

 

2. Zgjedhja e makinës së duhur

Fillimisht shumë njerëz e dinë se ç’duan të blejnë. Por është mirë që t’i përgjigjeni disa pyetjeve: Mund ta përballoj shpenzimin e këtyre parave? Po konsumin e karburantit, taksat, siguracionin? Kam ku ta parkoj këtë makinë?

Pasi t’u përgjigjeni pozitivisht këtyre pyetjeve është mirë që të zgjidhni makina të ndryshme nga i njëjti klas për krahasim. P.sh. nëse doni të blini një VW Polo, mund ta krhasoni me një Opel Corsa, apo Peugeot 207 me të njëjtin vit prodhimi, fuqi dhe motor. Kështu mund të dalloni avantazhet dhe disavantazhet e makinës që keni zgjedhur.

 

3. Kurseni para duke shmangur tendencën

Shumë blerës në Shqipëri kanë dëshirë markat më prestigjoze si: Mercedes Benz, BMW, Audi etj. Kjo është një tendencë disi e pashpjegueshme po të krahasohet me Greqinë apo Italinë, që kanë të ardhura më tepër. Një markë prestigjoze kushton shumë më tepër, edhe pse ju mund t’iu bëjë të njëjtën punë, ashtu si makina e një marke më pak të njohur. Tashmë rrugët janë në gjendje shumë më të mirë dhe para se të harxhoni 3000 Euro më shumë vetëm për markën, mendohuni edhe njëherë.

 

4. Kërkimi i makinës së duhur

Tashmë që shumë njoftime janë në internet, ju keni mundësi të kërkoni më me efikasitet makinën që doni. Mund të merrni të dhëna të hollësishme nga njoftimet e makinave tek 100oferta.com dhe t’i krahasoni ato shumë thjesht (100oferta.com ka njoftime ekskluzive për automjete, të cilat nuk mund t’i gjeni askund tjetër). Mund të kërkoni edhe të identifikoni makinën për historikun e saj nëpërmjet numrit VIN.

 

5. Sa mund të paguani?

Shitësi i makinës mund të ketë shumë më tepër eksperiencë dhe që në fillim mund t’ju konsiderojë si një “blerës” për një makinë të caktuar. Por para se të ndodhë kjo, ju duhet ta keni vendosur shumën limit të parave që do harxhoni. Pas kësaj ju mund të filloni negociata për të ulur cmimin.

 

6. Mënyrat e pagesës për makinën tuaj

Në përgjithësi tregu i makinave të përdorura në Shqipëri pranon vetëm para në dorë, por nëse gjeni ndonjë shitës që mund t’ju ofrojë kredi, apo këste, gjithmonë sigurohuni a është e pranueshme pagesa mujore ose kësti për ju.

 

7. Nëse makina ju pëlqen

Ju mund t’iu pëlqejë një makinë që me shikimin e parë. Kjo nuk është gjithmonë gjë e mirë dhe zakonisht mund t’iu bëjë të paguani, përpara se të negocioni mirë. Nëse makina ju pëlqen, por ka edhe shumë të tjerë që po interesohen për të, mos u nxitoni. Nuk është një ankand. Në treg ka shumë makina dhe çdo ditë njoftohen shitje të reja.

8. Provoni makinën

Prova e makinës është përfundimisht ajo që vendos, nëse kjo është makinë për ju apo jo. Sapo të hipni para timonit ju mund ta dalloni nëse ka hapësirën e nevojshme, është e volitshme, ju pëlqen? Mos e provoni makinën kur bie shi, ose në kushte të vështira atmosferike. Fikeni radion që të dëgjoni mirë punimin e makinës. Vëreni me kujdes:

–          Akselerimin (nisjen, kur makina është e ftohtë dhe e papërdorur mund të nxjerrë tym të bardhë)
–          Shikueshmërinë (fenerët)
–          Zhurmën e makinës
–          Ndërrimin e marshave (ndërrohen shpejt dhe lehtë?)
–          Frenat
–          Frenat e dorës (problemi kryesor tek kontrolli teknik në Shqipëri)
–          Kthesat që merr makina
–          Amortizimin
–          Kërcitje, zhurma
–          Bagazhin

Mos u nxitoni dhe sigurohuni që çdo gjë është normale. Mirë është, që ta provoni makinën në një autostradë me shpejtësi p.sh. 90 km/orë. Nëse provoni një fuoristradë, gjeni një terren të përshtatshëm për fuoristradë. Nuk është gjë e mirë, që të gjeni probleme pasi e keni blerë. Pas provës kërkoni nga shitësi librin e shërbimeve. Mos blini një makinë që ka bërë aksident, ose ka defekte të dukshme. Edhe nëse ju pëlqen makina, ju mund ta çoni tek një mekanik për më shumë inspektim.

 

9. Negocimi për një makinë të përdorur

Negocimi i sukseshëm vjen nga një informacion i mirë. Këtë informacion ju mund ta gjeni edhe duke kërkuar me kujdes njoftimet tek 100oferta.com, apo duke lexuar artikuj të ndryshëm. Shitësit kanë më tepër përvojë në negociata, megjithatë ju duhet të keni parasysh:

–          Bëni negociata vetëm me një shitës që duket se do merreni vesh
–          Bëni një ofertë më të ulët, por të justifikueshme
–          Paravendosni se deri në çfarë çmimi mund ta blini makinën (maksimumi)
–          Dilni njëherë nga negociatat (mund të jetë pika më e fortë)
–          Tregohuni i qetë (planifikoni më shumë se një orë për negociata)
–          Lërini negociata nëse ndjeheni i losdhur ose i inatosur
–          Mos u ndikoni nga gjëra të vogla si p.sh. opsione sediljesh, xhama elektrike, apo të tjera.
–          Mos e mbyllni marrëveshjen pa saktësuar çmimin

 

10. Mbyllja e marrëveshjes

Pasi të keni rënë dakord me shitësin shkoni në një zyrë noteriale për të bërë aktin e shit-blerjes. Ju duhet të keni me vete një dokument identifikimi dhe shumën e parave ose vërtetimin bankar të pagesës.

 

3 Përgjigje tek “10 këshilla për të blerë një makinë të përdorur”

  1. interesante dhe te vlefshme
    e lexova si tregtar qe jam dhe duhet ta lexojne te gjithe qe hyjne te blejne dicka

  2. ilir ilirjan25/02/2014 @ 17:38

    mora udhezimet qe me nevoiteshin

  3. ilir19ilir25/02/2015 @ 23:36

    Informacion qe ia vlen

  • 19 ide për dekorimin e shtëpisë me qira

    by në 02/08/2016 - 0 Komente

    Të jetosh në një hapësirë ​​të vogël është e vështirë, sidomos kur mundësitë tuaja për dekorime janë të kufizuara nga rregullat që ka vendosur edhe qiradhënësi.  Ja 19 ide origjinale dhe të thjeshta për t’u realizuar, që ju frymëzojnë për dekorimin e shtëpisë (dhe hapësirën) në mënyrën që dëshironi, pa shkelur asnjë nga detyrimet që […]

  • 10 këshilla për të blerë një makinë të përdorur

    by në 06/01/2016 - 3 Komente

    1. Pse po blini një makinë të përdorur? Nëse keni vendosur të blini një makinë të përdorur, keni marë një vendim të mençur. Mund të gjeni një makinë pothuajse aq të mirë sa edhe një e re.

  • 50 ide biznesi për të rinjtë e vendeve në zhvillim

    by në 11/01/2018 - 0 Komente

    Kontabiliteti. Nëse keni një diplomë kontabiliteti mund të filloni një shërbim si kontabilist i pavarur për bizneset e tjera të vogla që nuk mund të përballojnë një person me kohë të plotë.   Marketing affiliate. Nëse jeni një person bindës, mund të merrni një komision nga një kompani për shitjen e prodhimeve të tyre drejt […]

  • 10 këshilla për të shitur një makinë të përdorur

    by në 15/01/2017 - 1 Komente

    1. Të njohësh tregun Do të jetë e lehtë të shisni makinën tuaj? Apo do t’ju duhet të ulni çmimin dhe të prisni gjatë? Ja disa të dhëna interesante: –          Makinat familjare edhe pse nuk kanë shumë fansa, kanë një kërkesë në rritje –          Shitjet e makinave të modifikuara dhe sportive janë sezonale; më shumë […]

  • Si të blesh një makinë në Gjermani

    by në 09/02/2017 - 0 Komente

    Blerja e një makinë të re ose të përdorur në Gjermani mund të jetë një sfidë, megjithatë ka shumë informacione që mund t’ju  ndihmojnë. Blerja e makinës në Gjermani mund të jetë e suksesshme sepse ka një numër shumë të madh makinash në shitje. Makinat e perdorura mund të gjenden me një çmim të mirë […]

20 shitjet e fundit

total